رد على مشاركة لأخي النجم الساهر على إحدى قصائدي

[سنا الهجرة]

رد على مشاركة لأخي النجم الساهر على إحدى قصائدي رد على مشاركة لأخي النجم الساهر على إحدى قصائدي رد على مشاركة لأخي النجم الساهر على إحدى قصائدي رد على مشاركة لأخي النجم الساهر على إحدى قصائدي رد على مشاركة لأخي النجم الساهر على إحدى قصائدي

هذي قصيدة أخي / النجم الساهر

[POEM="type=2 bkcolor=#FFFFFF color=#FF0000 font="bold medium Arial, Helvetica, sans-serif""]الحب نعمة والمشاعر جتك والله من سنين=اما تحسسنا بها والا تشد ارحالها
ترجع لهلها قبل مايكتب عليها باليمين=(الله يعوضها بناس تحترم منزالها)
كم من قلوب جرحها ماطاب يالقرم الفطين=البعض منها ظاهره والبعض ماتقوى لها
صحيح للشيطان دور ودور ربع جاهلين=تعاونوا مابينهم والله كشف لك حالها
الحل ياقاري خطوط العشق ماهو كلمتين=ولا قصيدة تنكتب يفرح بها من قالها
لابد من واقع ومفعوله لخلق الله يبين=اكثر فضايا العصر بين الناس من جهالها
ياشاعر الواحة كلامك زين وانت بعد زين=لكن معاني الحب من هو يرتكي لاحمالها
كلمه كبيره ما يقدرها من الناس اجمعين=الا رجال تعرف العشرة وصدق افعالها
الله يقدرنا على رد الجمايل سالمين=في وقت زاد الحال بالجهال عن عقالها[/POEM]

وهذي من محدثكم / سنا الهجرة

[POEM="type=2 bkcolor=#FFFFFF color=#003300 font="bold medium Arial, Helvetica, sans-serif""]الحب نعمه والمشاعر جسر وانتم عابرين=لو ما سعيتوا في محبتنا نبي نسعالها
يا نجم .. يا نجم السما يا صاحب الرد الرزين=القلب بيتك والمشاعر لك تحط رحالها
وان كان صار البعد حاجز من يسار ومن يمين=تبقى لكم بصمة يموت البعد ما قد زالها
الناس يربطها لقا .. والناس يريطها حنين=والناس يربطها تبادل معرفه واحنا لها
إحنا بشر والنقص وارد والخطا لو كان شين=يبقى صفة فالناس لو م الا برود دلالها
وان كان جا مني خطا .. فـ ابشر بمدات السمين=اللي تطيب خاطر الزعلان .. وانطح فالها
أنا ابن دارٍ قلطتها للرجال الغانمين=وانا ابن شيخ ما يقول الحكمه الا طالها
أنا ولد شيخ يقلطها وربعي شاهدين=ما نقصت قدر الرجال ولا تنقص مالها
جاتك وفا من دون لا افتش ولا طلاب دين=بيدك عقارب وقتها .. وانا معي موالها[/POEM]

[حسن عابد]

تذكرت كلام بن تويم بعد هذي القصائد
ليلة وأنا مرتاح في أحلى منامي
جتني طموح النفس سر الغرامي
وأوحتني أحفظ سرها باحترامي
لا يسمعن السيدات الأديبات


الى ان قال:



قلت ارتضي لك واحد من ازملايه
ولكل مشكلةٍ على الله نهايه
جارالله السواط فيه الكفايه
قالت وجع لا يسمعن الفتايات
قلت العصيمي من رجال الشكاله
أخذيه قالت ما فتني جماله
ياخذله اعصيمية شف باله
ماعاشر البدوان غير ابدويات

[سنا الهجرة]

المشاركة الأصلية كتبت بواسطة حسن عابد

تذكرت كلام بن تويم بعد هذي القصائد
ليلة وأنا مرتاح في أحلى منامي
جتني طموح النفس سر الغرامي
وأوحتني أحفظ سرها باحترامي
لا يسمعن السيدات الأديبات


الى ان قال:



قلت ارتضي لك واحد من ازملايه
ولكل مشكلةٍ على الله نهايه
جارالله السواط فيه الكفايه
قالت وجع لا يسمعن الفتايات
قلت العصيمي من رجال الشكاله
أخذيه قالت ما فتني جماله
ياخذله اعصيمية شف باله
ماعاشر البدوان غير ابدويات

الله يرج ابليسك يا حسن
مدري ليش جاك طاري هذي القصيدة بالذات

مع ان الفرق شاسع والبون واسع
ابن تويم يخطب لجنيته .. وانا أرحب بالنجم الساهر
وأدعيه لزيارتي على الشحم واللحم وعلوم الرجال
إن كان جاه مني غلط والا إني قصرت بحقه
سواءً بقصد أو من غير قصد
مع إن النجم الساهر وأمثاله من الرجال الطيبين
ما يعطي مجال للي يبي يغلط على شان يغلط
فما بالك بواحد مثلي لو جاه الغلط يتحمله ويسكت في أغلب الأحوال

[ورد الهدى]

شاعرين جميلين وشعرهما عذب

[سهيل2012]

النجم الساهر .......سنا الهجرة .........سهيل

هل هناك علاقة تربطهم ببعض ؟ أظن ذلك !!

حسن عابد ........ابن تويم (رحمه الله ) ..جنية ابن تويم ...

أهناك علاقة بينهم ؟؟؟؟


وأخيرا : جارالله السواط (شافاه الله ) العصيمي ...!!!

ما أدري ليه تذكرت هذه المحاورة العجيبة بين الشاعرين الآنفين الذِكر

وأنا أقرأ هذا الموضوع ...

جارالله السواط

ألا يامرحبا ترحيبة تمشي على المعلون *****تراحيب كما ضوء المنارة واسر ياساري

تهيض يالعصيمي والأمانة جالها مأمون ****أنا تاجر وأدور للتجارة واسر ياسـاري

مستور العصيمي

يدوم إلك البقى يالي ترحب والعرب يوحون ****تبشرني وأبا أعطيك البشارة واسرياساري

أنا بابيع واشري ياسواط ومكسبي مضمون ****ماشفنا لك لا ربح ولاخسارة واسرياساري

جارالله السواط

أنا مسلم وأنا .......ولا أبدي سرك المكنون ****وأبا أغطي على المعنى ستارة واسرياساري

على شاهيك الأحمرياتهامي نعصر الليمـون ****وأذوقك الحـلاوة والمـرارة واسرياسـاري

مستور العصيمي

نبا نكشف غطاها وأنت ممنون وأنـا ممنـون ****ياراضع شخب من ديس الح.....واسر ياساري

ألا سبحان رب يجمع الصاحي مـع المجنـون ****يغلق ليلهم بغض وعيـارة واسـر ياسـاري

جارالله السواط

أنا ما اكشف غطاها واكتتشفنا نية الملـ.... ****.واقول النارتالع من شـرارة واسرياسـاري

أنا جني ومتحني ولي جسم وعقل وعيـون ****عساك تطيح مع باب الغمارة واسر ياساري

مستور العصيمي

إلك عين هدبها أسود ولك رأس طويل قرون ****يبا يصبر على حذف الحجارة واسر ياساري

ألا ياشيب عينك لو جردنا سيفنا المسنـون ****تعود عند ربعك شيخ حارة واسر ياسـاري

من منتدى قبيلتي الخاص لعيونكم ولإسعادكم

[سنا الهجرة]

المشاركة الأصلية كتبت بواسطة ورد الهدى

شاعرين جميلين وشعرهما عذب

الجميل بحق تواجدك بيننا يا ورد الهدى
وقد سرني ذلك
لا خلا ولا عدم

[سنا الهجرة]

النجم الساهر .......سنا الهجرة .........سهيل

هل هناك علاقة تربطهم ببعض ؟ أظن ذلك !!
العلاقة موجودة بلا شك .. ولكنها الى الآن علاقة نت

حسن عابد ........ابن تويم (رحمه الله ) ..جنية ابن تويم ...

أهناك علاقة بينهم ؟؟؟؟
هذي والله مدري عنها ولكن هناك شواري وطواري !!!

وأخيرا : جارالله السواط (شافاه الله ) العصيمي ...!!!
الله يشفيه ويعافيه

ما أدري ليه تذكرت هذه المحاورة العجيبة بين الشاعرين الآنفين الذِكر

مدري وش فيك أنت وحسن ما تتذكرون الا مثل هذي العلوم البعيدة كل البعد عن مضمون النصوص المكتوبة
لكن المعنى في بطن الشاعرين الكبيرين // حسن عابد و سهيل
والله يخارج سنا الهجرة و النجم الساهر من كيد الكائدين ومكر الماكرين

تراني ما قريت المحاورة ولا حليت الكلمات المتقاطعة ولا حشيت الفراغات !!!

[ابو فهد]

لله دركما

يعطيك العافيه سنا

مدري وش سالفة حسن وسهيل حول توارد خواطرهما مع من سبقهما من الشعراء ولكن حاولت اتوارد مع شعراء لكن ماش يبدو ان التوارد لدي به خلل

صح لسانك ولسان النجم الساهر

وشكرا لحسن وسهيل على المداخلات الجميله

[النجم الساهر]

صح لسانك اخي سنا

وعلى مايقال مافيك حيله

تبقى مراقب الواحة وشاعرها المفوه

بيض الله وجهك واتوقع انك ستصل الى الاهم قبل المهم

اما شاعرينا حسن وسهيل فيبدو انهما احبا هذا اللون

فخرجت سنفونية كل منهما على ماتمناه الاخر

تقارب في الاشعار وتوارد في الافكار الى ان صار ما صار

وانت ابتسمت لهما فيبدو انه راق لك ما ذهبا اليه

رغم ان المثل يقول المعنى في بطن الشاعر

فياترى ما ذا في قلب كل منهما000000000000

[النادر]

الحب ...........

مدري الحب والا فالطجين

نردها لاهل العقول اللي يزيد هبالها

اثنين

والثالث غلط لوكان مامد اليدين

والعشق....

نفيخة غبا تلعب بها جهالها

ليست معارضه ولا مجاراة لكنها ذكرتني بعض ايام الصبااااااااا

عذرا لبعض من لايستطيع فهمها

سنا امتعتني وسررت لتواجد النجم وحظوره في احتفاليتها

النادر