الليله الليله يالعرابي

[حماد الثمالي]

الليله الليله يالعرابي الليله الليله يالعرابي الليله الليله يالعرابي الليله الليله يالعرابي الليله الليله يالعرابي

بسم الله الرحمن الرحيم
السلام عليكم ورحمة الله وبركاتة مساكم الله بالخير جميعا اعضاء منتديات بلاد ثمالة

عساكم على القوة والعافيه


[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سلام يابوعرب راعي الوفا والسنوع = خابرك من قوم تعجبني تسانيعها
واقول يالله تجيبه في نهار الربوع= الصاحب اللي يوفيها على ريعها[/POEM]

[{بعيدالنظر}]

وعليكم السلام ورحمة الله وبركاته
الله يحيي نباك يابو محمد
والعذر والسموحه تراني توّ وصلت
لكن إستلم لاعدمتك :

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامرحبا عند ربعك ياجميل الطبوع=ترحيبةٍ منهج أهل العرف تشريعها
ياكبر ضحكتك نسمعها على آخر سبوع=وليا عصتك الليال تعوّد تطيعها[/POEM]

[{بعيدالنظر}]

العشاء على السفره آكل لقمه وارجع لك يابو محمد بإذن الله

[حماد الثمالي]

حياك الله يالعرابي اعذرنا على التاخير واستلم

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياما زرعنا وابى يطلع ثمر في الزروع= السقم اكلها وبقا لي زعازيعها
وانته ليا شفت زحمه جيت تضرب بكوع=واتروع الناس ماهو زين ترويعها[/POEM]

[ابو مشاري]

صح لسانك ياحماد
اذاعرفت الشاعر عرفت قوته وضعفه
العرابي ابو مفتاح والاغيره

[{بعيدالنظر}]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لو إن نيتك زينه جتك من كل نوع=صفرا وحمرا وخضرا في مرابيعها
ظلمتني وآنت في حزّة سجود وركوع=هرجتك لاتاصل المذياع ويذيعها[/POEM]

[حماد الثمالي]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مادام رجلك مشت في الدرب مابه رجوع=خلك عدل يالعرابي صعب ترجيعها
بعض العرب لا يغيضك لو يهل الدموع=ولا حبال الموده صعب تقطيعها[/POEM]

[{بعيدالنظر}]

هالله هالله

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماني براجع ورى حتى تحط الوقوع=يازين مدت يديك وزين توقيعها
مايقهر أهل الطمع والحسد غير القنوع=اللي ثيابه يشقّ القلب ترقيعها[/POEM]

[* أسير الصمت *]

يعطيكم العافية على المحاورة الممتعة ...
و آسـف إذا كنـت قاطعتكم ,,,

[حماد الثمالي]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]التمر روس النخل لن كان تبغى القدوع=والحاينه يالعرابي اعرف مرافيعها
خل العرب في انحداره وانت عود طلوع=والطير ماتاقع الا في مواقيعها[/POEM]