مساجله شعريه بيني وبين الشاعر سلمان البقمي

[سلطان الثبيتي]

مساجله شعريه بيني وبين الشاعر سلمان البقمي مساجله شعريه بيني وبين الشاعر سلمان البقمي مساجله شعريه بيني وبين الشاعر سلمان البقمي مساجله شعريه بيني وبين الشاعر سلمان البقمي مساجله شعريه بيني وبين الشاعر سلمان البقمي

اقدم لكم هذه القصيده وهي من بداياتي الشعريه واللتي وجهتها الى الشاعر سلمان البقمي وقام بالرد عليها
سلطان الثبيتي


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هاضت بي الابيات والشعر جذاب =وسارت قوافيها على كيف ماختار
ومن بين كتاب الشعر صرت مخلاب =الشعر لي مركب وانا صرت بحار
ان صرت ابهجوا للعدا كنه اشهاب =مثل الذخيره فالصفا تسعر النار
وان مال فكري للغزل نلت الاعجاب =كنه عسل دوعن مقطر من ازهار
منزالي القمه على كل مرقاب =ماني من اللي زرعهم ماله اثمار
ياما حلى شعري وانا توني شاب =ربعي هم الهيلا ومن نسل الاحرار
انا ابدع ابياتي من الراس بحساب =ويفيض بي بحر الشعر حيل واحتار
يابو فهد لا تنتقد وانت منصاب =عذربت في شعري وتحسب به اضرار
ماشره والا سبك والا قول كذاب =الشعر والشيخه معك وانت تختار
المشيخه ولَت مع اصحاب الالباب =ولو تجتمع ثنتينها صرت محتار
ماتدخل الريبه وصلاتي لي احجاب =محصنٍ من كل حاسد وجوار
[/POEM]

رد الشاعر سلمان

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العقل ياسلطان والفكر جلاب =والوقت مابين الحلاوه والامرار
الشعر له فكره وموضوع واسباب =تبدى برعد وبرق وتهل الامطار
وانته تفك الباب وتسكر الباب =في سوق ماقر المؤشر بالاسعار
ترى الزمن ياذيب للذيب غلاب =والنقد ماهو عيب والقول معيار
ان كان ياسلطان للنار شباب =دن الحطب ثم شبها خل الاعذار
عذرٍ كما هذا لا ودى والا جاب =حنا نقص العظم قصات منشار
والراس من كثرة تجاريبنا شاب =ياصقر ياللي من ورى ذيك الاوكار
لك عندنا ياصقر عشرين ترحاب =ياراعي المعدن هلا بذيك الاقطار
في المشيخه مالك معي جدال وعتاب =لك دار ياسلطان وحنا لنا ديار
سلمان فتال المعرفه والاشناب =ماصابته ياصاحبي نشوة الزار
هذا خطابي لك بعد جاني اخطاب =خذ موجز النشره وتفصيل الاخبار
[/POEM]

[أبو عبدالرحمن]

يعطيك العافية يا سلطان

موفق ..لا عدمناك...

[@ بن سلمان @]

ما شاء الله يا سلطان

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياما حلى شعري وانا تونـي شـاب =ربعي هم الهيلا ومن نسـل الاحـرار[/POEM]والنعم فيك وفي ربعك

[سنا الهجرة]

والنعم فيك وفي ربعك الهيلا

بيضان وجيه

وخصمك الشاعر سلمان البقمي شاعر ماهو بهين

تقبل مروري وتحياتي

[سلطان الثبيتي]

ابوعبدالرحمن اشكرك على المرور وعلى دعمك المتواصل لي

[سلطان الثبيتي]

بن سلمان ماعليك زود يالخال الكريم والولد ان طلع طيبه فهو من اخواله

[سلطان الثبيتي]

شاعرنا المبدع سنا الهجره حياك الله اسعد عندما ارى اسمك على المتصفح وانت صادق البقمي ماهو بسهل

[محمد بن حميدان]

قصيدة جزلة يا شاعرنا الكريم سلطان...

تقبل مروري..

[محمود عادل]

صح لسانك