ذكريات داشر مقتاعد

[أبوخالد]

ذكريات داشر مقتاعد ذكريات داشر مقتاعد ذكريات داشر مقتاعد ذكريات داشر مقتاعد ذكريات داشر مقتاعد

ذكريات داشر مقتاعد
________________________________________

السلام عليكم ،،،


شوفوا الي داخل على الموضوع ويفكر ان براسي خرم ولا فتحه ترا مافيه بس السالفه ومافيه ضيقة صدر ولافيه مواضيع جديده بالمنتدى قلت اخلي الجهاز شغال واروح اشوف التلفزيون قلبت بهالقنوات يمين شمال واخرتها سبيس تون ( الصراحه محجرين لي مو حاطين لي فيه الا قناة المجد وأقراء وسبيس تون ) تهىء تهىء حكم القوي على الضعيف قلت ارجع للكمبوطر واشوف بوه مواضيع زديده ولا لاع بس ماهنا شي وانا في قمة حوستي للجهاز (( كل ابو دايم يحوس الجهاز لين الويندوز يقوله تكفى شيل يدك عن الماوس )) المهم وانا في عز الحوسه بالجهاز طحت على ملف حق صور عرس واحد من اعز اخويائي مع كم مقطع فيديو والاشياء الي سويناها خلال الـ 24 ساعه قبل عرسه ............ (( همن تجي فلاش كني كونان يوم يعرف حل القضيه )) وتذكرت وقتها اني كنت المتعهد الرسمي بصيانة وترقيع العريس قبل لا نوهق بنت الحلال فيه حيث اني كنت اقوم بدور الكوافيغه (( وجه فرنسي )) .. وتبدا الذاكره تشتغل .... أمحق من ذاكره .


تعريف بشخصانيات السالوفه :

المعرس : فهد
خوينا رقم 1 = معاذ والملقب بـ كجمغلي
خوينا رقم 2 = عبادي والملقب بـ عبدو قشيشه
خوينا رقم 3 = اخو المعرس فيصل والملقب بـ مدري وش ملقبينه بس في اشياء واااااااااجد المسكين كل ابو دايم حركات الشيطنه تطلع عليه ... (( على فكره تراني ما سويت له شي ابد ابد ابد )) .
خوينا رقم 4 = حسام والملقب بـ التمساح وفي روايه اخرى ابو ضطر.

الساعه 8:45 مساء يوم الاربعاء طالعين انا وياه مع لزغلي وقشيشه مطلعين المعرس الكرنيش وجايبين معنا كوره لا وملبسين المعرس بنطلون بدون حزام طبعا الغرض من الحركه هذي نسوي له اختبار قدره ..... مخلينه يلعب كوره المسكين وهو لابس بنطلون بدون حزام واترك لمخيلاتكم شكله وهو ماسك بنطلونه بيدينه ويركض ورا الكوره طبعا كل الي يمشون من عندنا نسمع اصوات ضحك مدري هي علينا ولا لاء بس ما اتوقع ابد ابد كلنا شباب امامير ومؤدبين (( ايه افلقني )) واحنا نلعب الطحش قشيشه سوا فيها الكابتن ماجد ويمزع الكوره وتجي على خشتي .. وانا الي اسوي نفسي تعورت احتريهم يجون يقولون سلامات يابوعبدالله ومتسدح ومتسدح ومتسدح وماحولك احد اخر شي قلت يا ولد قوم قبل لا يجيك عمو كحلي (( عمو كحلي شي اسود مصنف بمخلوق بشر وكلنا عبيد لله )) خصوصا اني اطخم في الليل بس ... بعد ما خلصنا كوره جلسنا وهاتك يا سوالف واستهبال .. قام الماخوذ فهد يضحك على شكلي بعد ما غيرت ملامحي الكوره ويقولي تذكر عيد الاضحى وسالفة الخروف ..... وانا يوم اسوي وجهي وجه مستحي ومنحرج .. وفي لحظه رومانسيه يعترف ملعون الجدف للشباب بالسالفه الي صارت وخان العهد والمواثيق يوم قلت له لا تعلم احد .

قالهم وبصيغه تهكميه تصدقون ان بروازوه مايحب لحم الضحيه قالو له لييييييييييييييييييه (( انا بداخلي اقول الله ياخذكم يالبلاقيف وحاقد على فهد بس صاير طيب معه علشان معرس )) قالهم طال عمركم هذا بروازوه الطحش جاه ابوه وصحاه يوم العيد علشان يذبحون الضحيه بالبيت (( دا كان يوم اغبر )) المهم قمت كملت انا السالفه خايف لا يزود عليها من عنده وتروح علي واتهزء قلت لهم الوالد كان يقولي امسك الخروف زين والخروف يرافس لين هد حيلي ,, وكذا مره يفلت مني جا الوالد ومسك الخروف ويقولي شوف شلون يمسكون الخروف انت ووجهك (( جمله تسجيعيه لرفع المنعويات )) واحلى مافي الموضوع انه ممداه يكمل كلامه الا الخروف معطيه رفسه ويفلت منه وانا افقع ضحك ويهج الخروف على دخلت عمتي للبيت المسكينه ارتاعت يوم تشوف الخروف مقبل صوبها وتترك باب البيت مفتوح والوالد يناظر فيني بحقد ويقولي جيبه .. وقتها اخوكم مسوي فيها نشيط واعض على ثوب النوم وهاتك يا ركض وراه حسيت اني سعيد عويطه واركض وراه بالشارع وانا ماسك نفسي من الضحك يوم الخروف يلف ويزحف مع حوافره كنه مكس تنطل واركض وراه والخروف ملعون الخير عليه لياقه اخر شي صارت عيوني بس على الخروف ابي اصيده والخروف يرقا على الرصيف ويركض وانا وراه وراه وراه لين وخر يمين وانا كنت مشوووووووووووت وبعدين الي اذكره اني رسمت وجهي على عمود النور واسمع صوت واحد من عيال الحاره وهو يطيح في الارض ويضحك ملعون الجدف حتى اعتقد البلديه جايين للوالد يقولون له ترا ولدك يرسم صورة خشته على عمدان النور .... طبعا حقدت طبليون على الخروف ومسكناه ومسوي نفسي زعلان وقلت منيب ماكل من لحم الخروف .... ممداني اكمل السالفه واناظر اصدقائني الا وهم ممزعين ضحك وفاضحيني بكرنيش الخبر .. وانا الي بغيت انفجر فيهم .. خلصنا من الكرنيش ورحنا لشقة الزوجيه وانواع لعب البالوت ولأول مره في التاريخ الشباب نامو في شقة فهودي قبل زوجته ... الحاله هذي ما تصير الا في السنوات الكبيسه ..

يوم الخميس الساعه الظهر :

راح قشيشه وجاب غدا ولزغلي خذا موتر المعرس وغسله بمغسله السيارات وانا كنت حاجز له عند حلاق علشان نضبط خشته حتى الحلاق بعد ما خليته يحلق لفهد ويضبطه حقد علي خرب عليه ثلاث مقصات وسبع امواس وجهاز بخار .. المهم قبل نروح للحلاق وديته لسونا قلت كود يطلع ابيض من داخل وبيني وبينكم كنت متحمس ابي اشوف شكل بشرته الاصليه تخبرون الواحد بالسعوديه يصلح يطلع مشروع دعاية زيت قلي محروق من برا وطري وضب من جوا .... المهم دخلت المعرس على الحلاق يحلق له والمسكين اشتغل بضميييييييير وكان يطلب مني تصريح ترميم وازالة حفريات من البلديه بس مع الحنحنه وحب الخشوم وافق بدون التصريح .. تركته ورحت اشوف شغله لين يخلص الطبل ذا .. يوم رجعت اثر الحلاق كان حاط مكينة البخار ذيك الي تغطي الراس ومع دخلتي جاء لزغلي وقشيشه ويقولون وش تسوي له قلت ابد جالس افرمته واسوي له اعادة تنصيب .. خبل ندخله على عروسته وهو لسه براسه ذكريات الماضي لازم نمسحها ..

المغرب رحنا للشقه وقلنا له يدخل يتروش .. غلطة حياته انه نسا هدومه بالغرفه ودخل يتروش المسكين يوم خلص ترويش تنبه ان ملابسه نساها بالغرفه ويناديني يقولي جيب ملابسي قلت له طيب بشكل طبيعي علشان يحس اني منيب ناوي عليه بشي ابد الابدين يوم خذت الملابس قمت وذبيتها عند الباب بس بعيده شوي يعني اذا يبيها لازم يفتح الباب علشان ياخذها وانا مجهز كاميرا الفيديو (( وجه شيطاني وابليس يقولي تعوذ من نفسك )) طبعا ما سجلت شي بس كنت ابي اهبل به يوم فتح الباب اطمر قدامه بس طلع ذكي ولاف الفوطه على جسمه وانا افقع ضحك واقول شباااااااااب الحقوووووووو ويجون الشباب ركض (( ياحبهم للفزعات ..... ايه هين )) المهم لبسناه وكشخناه وجينا نبي نزفه للقاعه .. ركب المجني عليه معنا وانا اسمع صوت مصافق الركب خوفاً من الي كان يسويه معي على اصدقائنا يوم يعرسون وحس انه بيجيه الموقف هذا الحين ...

قلت لفيصل اخوه حط اغنيه صدقيه خلينا نستانس وفيصل فهم وش اقصد ويحط اغنيه حق رقص وقلت لفيصل روح يمين وامسك طريق الرياض قالي قدااااااااام قلت له اذا تبي تروح للقاعه لازم تنزل من السياره وترقص ولا منت طاب القاعه وهو عارف اننا بنسويها فيه لو قاوم ونزل ويرقص في الشارع وصورناه . المهم وصلنا القاعه وبعد ما تعشو الناس صارت العرضه ورحت جبت له اثقل سيف موجود وكل شوي دافه داخل العرضه واخليه يعرض مع الشعب لين طاح كتفه وقبل الساعه وحده يعطيني مفتاح الشقه يقولي ودي العشاء للشقه وضبط الجو هناك وارجع لي قلت له من عنوني والقط لزغلي معي ونروح نودي العشاء لشقته بس بعد ما ضبطنا جو الشقه من شموع واللذي منه احس نفسي ما طابت ودي اسوي له شي يهبل به ويخليه يتذكرني (( حسبي الله عليك كل الي سويته فيه ولسه تقول تبيه يتذكرك )) قمت وكشفت العشاء واشغل المكيف على ابرد شي واخليه الاكل مكشوف قدام المكيف .. طبعا ثاني يوم العصر كلمني وسألته مين الي سخن العشا بس ما جاوب ولحد الحين ودي اعرف مين بس موب راضي يعلمني ..


طبعا هو انتقم مني شر انتقام يوم جا عرسي خصوصا انه لقى معي مجموووووووعه كبيره يساعدونه خصوصا يوم رحنا السونا مع اني كنت طيب معهم كلهم ولا سويت فيهم مقالب من قبل (( ايه هين )) ..




ودي اكمل بس احس اني مسكت خط يلا تشااااااااو عليكم

تنويه تراني طيب بس السوالف هذي لا تعلمون فيها احد
فتكو بعافيه

هذا مو كلامي كلام واحد صحيبي

[ABO TURKI]

وربي انك منسم

حلوة بس طويلة يااخي تعبنا

مشكوووووووور شطيطة على قول صاحبنا !!!!!!!!!!!!

[أبوخالد]

هذا القليل
وسوف ترون الكثير في الايام القادمه
مشكور ابو تكي