الشيخ منقاش يستقبل التهاني

[منقاش]

الشيخ منقاش يستقبل التهاني الشيخ منقاش يستقبل التهاني الشيخ منقاش يستقبل التهاني الشيخ منقاش يستقبل التهاني الشيخ منقاش يستقبل التهاني

البارح اللي ما عقبها الا اليوم الجمعه فكيت التكروني حقي والقاه مليان بالتهاني والتبريكات من خلايق أعرف قليل منهم والكثير ما أعرفهم بسلامتهم ,, والتبريكات أغلبها على نجاحي في أمور كثيره منها طيارة المريكان اللي أعطيتها داخن وخليت ريشها في السما نفيش ولا على متنها حيا يعيش , واللي مدحني بسببها الشيخ القرني بالقصيده اللي ما أظن فيكم غبي الى اليوم ما سمع بها ..
وآخر التبريكات المباركات كانت بمناسبة فوزي عليكم بالرقم 10,000 في مشاركات كنفيوتر ثماله , وكلام كثير كثير يخلي الواحد يسكر من حلاوته وطلاوته ,,, وكان من المهنين الاعضاء القديمين اللي تعرفون منهم ألشيخ ألأقشرالمدشر طالب الشر وساري الليل والعمده وتأبط شرا وحاضر نفسه والمعتم بالشر وقضام العظام وابن الكلب والعب لوحدك وشطه بارده وزهور الريف ..
وهناني من الاعضاء الحاليين ولد أم محمد وابو أمجد وابن عزاب وابن داخل وابن سلمان والمشرف الفني وابو تركي وابو هاشم والنتيف وبنك المعلومات والمبرد وابن وافي وحسن عابد وابو عادل ورويعي الغنم وما عندكم أحد وشراب مقطوع وابو نشقه وخلف عبدالعزيز والباكستاني المشتاق ..
وحتى ما أطول عليكم أعطيكم تناتيش من بعض التهاني , مثل تهاني ابن عزاب اللي قال فيها : كفو والله يا منقاش كفو , وخسي من ينوشك بكلمه والا همه والا نمه في حضورك والا غيابك , ويعيش من قال عاش سيد العرب وشيخها منقاش ,,, ومثل تهاني أبو أمجد اللي منها : ونعم بك وستة أنعام يا فخرنا وفخر ثماله وفخر ثقيف وفخر العرب كلها يا شيخ منقاش , وشل خدي عن الرخوم اللي يحلمون في يوم من الايام أنهم يصلون مواصيلك ,,,, ومثل تهنية شاعرنا الأكبر أبو عادل اللي قال فيها : ما هو كفو اللي يبي ينافسك يا صنديد العرب بدو وحضار يا شيخ منقاش ,, وتستاهل نحطك المشرف العام على كنفيوتر ثماله وشيخ شمل لثقيف كلها وامام تصلي العيد بأهل الطايف وقاضي لهم تفض خصوماتهم ,,, وهذا كلام أقوله صادق فيه واعذرني يا شيخ منقاش أن كان حصل مني قصور والا ما وفيتك حقك في القصيده اللي مدحتك بها يا بعد روحي ,,, ومثل تهاني أبو تركي اللي قال فيها : الحق ما شهدت به ألأعداء وانا أشهد وانا بكامل قوايه العقليه ما أنا مكره ولا مجبر أنك ما مثلك ولد في هذا البلد ,,, ومثل تهنية العمده اللي قال فيها : يخرب بيتك يا واد منقاش ,,أما أنته داهية الدواهي وتشتغل مثل الما من تحت التبن , ما انته زي جماعتك البدو الهلنفت ,, واقول قدها وقدود يبو نقشه وتستاهل نشتالك من على بردعة حمارك ونحطك على روسنا عمدة لحارة الشبيكه وسوق الليل , ونصيحه , اتركك من جماعتك حقون الحمير والتيران والنعجات ...
وحتى ما أطولها نكتفي بهذا القدر ,, وفي الختام ما يسعني ألا أن اشكر المهنين اللي أعرفهم واللي ما أعرفهم وارجي المعذره من اللي نسيت أساميهم واقول للجميع أنا كفو وانتم تستاهلون تمدحوني , والمقبلات أن شاء الله أحسن من الرايحات , وعليكم السلام ورحمة الله وبركاته , ولا شكر على واجب ....

[أبو عبدالرحمن]

علومك غانمة يا شيخ منقاش...

طبعًا تكريمك على مستوى أعضاء المنتدى ..يحتاج دعوة خاصة...فلا أقل من إقامته في فندق 5 نجوم..

ودعوة الصحفيين أصحابك ؛ لتغطية هذا الحفل..وسأكلف المراقبين برئاسة بن سلمان والمشرفين برئاسة أبو تركي بعمل كل ترتيبات هذا الحفل...

[ما عندكم أحد]

يستاهل خبلكم منقاش يا ثماله كل خير
مهبول على نياته والله اللي رازقه ومن كل قلبي هنيته وأهنيه
وا هني ربع منقاش شيخهم
أقل ما يمكن يكرمونك به يحطونك شيخ شمل على ثمالة

[بنك المعلومات]

أنا سمعت ان أخماس ثمالة تكفلوا باقامة حفل كبير
وان كل خامس قدم 100000
وبيسوون الحفل في مدرسة ثمالة السفلى
وحاجزين 10 اباعر و 20 راس بقر 300 من الضان
وجايبين من الشعار ابو عادل وبن داخل وخلف بن عبدالعزيز
وعازمين محافظ الطائف
الين هنا والعلوم زينة
لكن اللي يبي يكدر صفوها اني سمعت ان بن عزاب يبي يستغل الامور لصالحه وهذيك الليله يبي يتزوج وعلى قولته حج وحاجة ومرحبا يا بلاش

[المشتاق]

مبارك هيه مبارك هيه شيبه هيه
محبتا هيه كرهتاهيه اعظم هيه من جنجل هيه
جماعتا هيه حفل هيه ومشتاق هيه فلوس هيه

[منقاش]

أبو عبدالرحمن : وانت سالم وغانم .
بخصوص مكان الحفله كني يا رفيقي أشوف الفندق سبعاطعشر نجمه ما هو على قد المقام والسبب ألأول أنهم ما ظني يوافقون يدخلون معي حماري , والثاني أنه يبي يحرم المواطنين من شوفتي شخشيا .
والراي والراي مشترك أنكم تسون الحفل عند الكبري اللي يتقاطع مع المسيال مكان حراج العمال وتسدون الشوارع اللي حواليه.
ما عندكم أحد : ما عليك زود يبن عمي ,,, والشياخه تحصيل حاصل وعلى ثقيف كلها ما هو بس على ثماله ....

[الشيهان]

مبروك عليك يامنقاس

والله تستاهل كل ماجرى لك من اول ايامك الى هالحين وياما في الجراب يامنقاش

عموما ان كان الجماعه معزمين اقامة الحفله تبشر باللذي يسرك

موكب بهيج ينقلك انت وحمارك من علو الوادي الين مقر الحفل مكون من اربعه تكارين من وادي النمل وبدون اقامات بعد من الفسقه يشيلونك على اكتافهم وحمارك فوقك بكامل تجهيزاته من البردعه الى المخلاه الخ الخ الخ ولايحطونك الا على المنصه مثل اعضم قائد في التاريخ كم منقاش عندنا

[منقاش]

يا الله اليوم تمسينا بالخير وتكفينا شر عيال الحرام وبنات الحرام
الرفيق بنك المعلومات : ليتك تبطل الغيبه والنميمه وتترك ابن عزاب في حاله ,, خصوصا أن الرجال عن ما جاني ما عاد يهرج الا مع راس خشمه وملتهي يحد في سكينه ويسوي تجارب على السلاح النووي ,, ولا أدري وين أمريكا عنه ؟.. ورسالتي له , خل صاحبك أبو عادل تنفعك أشواره ....
المشتاق : يا دافع البلا على هالرد اللي ما أعرف هو كلام رجال والا قرقر من حقكم , الله لا يسامح من أستقدمك ,, والشرهه ما هي عليك , لالا , الشرهه على الجوازات اللي مفترشه أذن وملتحفه الثانيه ولا ترحلك لوزيرستان ...
أبو أمجد : الله يبارك فيك , ومبروك عليه ما هو برضاك ,, غصبا عنك وعن الجماعه اللي على بالي وهم فاهمين أني أعنيهم ,,, أما الحفله فتراك مقروع لا تخطط لها ولا تساعد فيها , بس أحضرمثل الحضور وعلى فمك شحم وبعد تفرج وتعشى أسري وانت ساكت .....

[@ بن سلمان @]

المشاركة الأصلية كتبت بواسطة المشتاق

مبارك هيه مبارك هيه شيبه هيه
محبتا هيه كرهتاهيه اعظم هيه من جنجل هيه
جماعتا هيه حفل هيه ومشتاق هيه فلوس هيه

منقاش يا بن عمي
هذا الرفيق حقي وانا كفيله
والرجال يبارك لك ويقول مبروك ( شيبة هيه ) يعني يالشيخ
ويقول انها من محبة وما هي من كرهة وهي اكبر من كل المشاكل اللي يمكن تكون
ويفول انه يشوف نفسه واحد من جماعتك وان رياله مع ريالهم
وانا اقول بيض الله وجهك يا مشتاق على الاقل طلع احسن من بعض الرجاجيل اللي شروا بن داخل والمبرد وحسن عابد وابو عادل واللي يحد في مسنه .

[منقاش]

تكرم يا ابن عمي وحليفي ابن سلمان , اللي يزعل مكفولك يزعلني ,, وانا متعسف ..
وعذري أني ما أعرف شي في لغة الهردي , والثانيه كنت أحسب كفيلته البعيده عنا وعنك العجوز الشاعره زهور الريف , وقلت أنغص واغلس على ألاثنين الكفيل والمكفول ..
انما أطلبك المعذره أنت والمشتاق , وكل واحد منا يصلح سيارته , ويا دار ما دخلك شر ...