نصائح وعبر

[عوض بن سلمان]

نصائح وعبر نصائح وعبر نصائح وعبر نصائح وعبر نصائح وعبر

[poem="type=0 font="bold medium tahoma, verdana, arial, helvetica, sans-serif""]أبدع جديد الكلام اللي وزنته بالموازين =من شاعر إليا مشى في درب ما يغوى مساره

تسمعوا في كلامي يا الرياجيل ا لموامين= ما كل تاجر يقول إني من أصحاب التجارة

وزعت بين الرجال حقوقهم حسب القوانين= الكل منهم نصيبه يستعده في نهاره

البعض منهم رضي والبعض الآخر غير راضين =واللي بعد ما رضي يضرب براسه في الجداره

وبعض الرياجيل قدامي في وجهه شيء من اللين =وبعض الرياجيل وجهه ما يبشر بالبشارة

وبعض الرياجيل قدامي في وجهه شيء من الدين= وبعض الرياجيل قدامي على وجهه قتاره

وبعض الرياجيل في الميقاف يسوى له ملايين =وبعض الرياجيل في الميقاف ما يسوى حماره

وبعض الرياجيل ماله يرفعه مثل الجناحين= وإليا جلس في مجالس قوم دايم في الصدارة

يصهل صهيل الحصان ولا تحصل له براهين= أقولها من عجب والحر تكفيه الإشارة

وبعض الرياجيل ما يحزم حزامه لو بسكين =يسرح ويضوي مع العالم كما ثور الإثارة

وبعض الرياجيل قدام المره في البيت مسكين= وإليا حضر في الدوام تقول مندوب الوزارة

وبعض الرياجيل يفخر باللبوس اللي مزايين= وإن جاه مسكين ما يعطيه من ناره شراره

وبعض الرياجيل مثل السيف بيدين السلاطين= كلن يشوفه وكلن يعرفه بدو وحضارة

وبعض الرياجيل مثل الزير مصنوعه من الطين= وإليا انكسر بار ما ينفعك في كسره جباره

وبعض الرياجيل ما تعرف عنه شينٍ ولا زين= خلك لحالك وخله في حلاه وفي مراره

وبعض الرياجيل إلا منه وصل في العمر ستين= ما شانه إلا من المسجد ليا باب العماره

وبعض الرياجيل إلا منه وصل سن الثلاثين= ما شانه إلا من الغرفة ليا باب الغماره

وبعض الرياجيل إلا سمع الأذان يغمض العين= ويقفل الباب بالمفتاح ويولع سجارة

وبعض الرياجيل في نحره مخابي للشياطين= يسرح ويمرح مع العربان ما تعرف قراره

إن جيت له من يسار يصد عنك ويرجع يمين= وإن جيت له من يمين يزيد يرجع في يساره

وإن جيت له عند باب البيت تزهم قال لك مين= لا صب دله ولا دق النجر في جوف داره

هذي مزايا كثير الناس حتى في آخر الصين= اللاش ما ينمدح والمدح في مثله خسارة

عندي نصيحه لكم يا أهل العقول في حال ثنتين =حق القرابة وحق الجار في تقدير جاره

وعندي نصيحة يا أبو عينين لا ترمز لأبو عين =يرمز لك بعينه العوراء وتعور من عواره

خلك مع الناس يا ابن الناس وانظر للموالين= وخلك مع الوقت ما بين البروده والحراره

وإليا غلبك الزمان اطلب كريم الوجه ويعين =يعينك الله على شدة زمانك وإنهياره

وأنصحك لا تتبع المقفي ولا تقرب من الشين= الشين لا تقربه وانفض ثيابك من غباره

لا تتبع إلا رجال الدين وصفوف المصلين= هذي نصيحة سوات النقر في صم الحجارة

هذا الكلام الثمين مثمنه عندي بتثمين= أبني بيوت الشعر وأخذت لي منها عبارة

أختم كلامي بذكر الله في عمَّ وياسين= عداد ما لبوا الحجاج في يوم الحداره[/poem]

[سهيل2012]

صح لسااانك يا عم عوض ..

ما شاء الله عليك .. قصيدة شامخة تستحق الاحتفاء ..

وقد لفت نظري البيت رقم ( 7) وأردت اقتباسه .. ولكن خفت من المؤلين وتأولاتهم !!

[أبو عبدالرحمن]

يا سلام عليك يا أبو شرف

حكم ووصايا من رجل حكيم

صح لسانك وسلمت لنا

لا عدمناك

[حسن عابد]

والله انك نقرت في صم الحجارة صحيح الدهن في العتاقي الدهن في العتاقي
صح لسانك ملايين الملايين يابو شرف

[سنا الهجرة]

صح لسانك يابو شرف
شاعر حكيم وتغرف من بحر
ما شاء الله تبارك الله

[ابوسيفين]

صح السانك ياخال وعلا شانك

[صقر قريش]

صح لسانك
وبيض الله وجهك
وسوف احفظ القصيدة عن ظهر غيب لما فيها من المعاني والحكم
بك فخورون ياابو شرف ادام الله عليك العفو والعافية
اتمنى من ادارة المنتدى جمع جميع قصائدك وتثبيتها بالمنتدى تحت عنوان موحدا قصائد ( عوض بن سلمان )

[عوض بن سلمان]

المشاركة الأصلية كتبت بواسطة سهيل2012

صح لسااانك يا عم عوض ..

ما شاء الله عليك .. قصيدة شامخة تستحق الاحتفاء ..

وقد لفت نظري البيت رقم ( 7) وأردت اقتباسه .. ولكن خفت من المؤلين وتأولاتهم !!

وصح بدنك
دع مايريبك الى مالا يريبك

[عوض بن سلمان]

المشاركة الأصلية كتبت بواسطة حسن عابد

والله انك نقرت في صم الحجارة صحيح الدهن في العتاقي الدهن في العتاقي
صح لسانك ملايين الملايين يابو شرف

وصح بدنك دوم ما هي يوم

[عوض بن سلمان]

المشاركة الأصلية كتبت بواسطة سنا الهجرة

صح لسانك يابو شرف
شاعر حكيم وتغرف من بحر
ما شاء الله تبارك الله

وصح بدنك يا مشرف الواحة