قصة من الجاهلية

[مصرقع]

قصة من الجاهلية قصة من الجاهلية قصة من الجاهلية قصة من الجاهلية قصة من الجاهلية

في طلعة من طلعات البر انقسمنا لفريقين الفريق الأول على يسار السادة المشاهدين فريق (الأولاد الكويسين) و الفريق الثاني على يمين السادة المشاهدين فريق (الأولاد الطيبين) و بدينا نلعب كورة و جلدناهم بخمس أهداف كلها أنا الي مسجلها دبل كيك من نص الملعب (وش دخلكم ؟! قصتي و ابصير البطل) ..


المهم اننا جايبين معنا المصري رأفت .. و رأفت هذا مدرس خصوصي خذناه معنا علشان نشخص به لأنه يعتبر محترف أجنبي .. المهم لعبنا و يجيك رأفت طاير يسحب بثنين و يلحق بهم الثالث و يمزع أم الكورة في مرمى حارس فريق الأولاد الحلوين .. و قعدنا ساعة نتهاوش من يجيب الكورة .. حنا نقول جيبوها علشان الهدف عليكم .. و هم يقولون جيبوها علشان معاد تمزعون مرة ثانية .. المهم قلت لنفسي خلك أكبر منهم و رح جبها أنت ..
قلت : خلاااااص خلاااااص انا الي بجيبها يا ورعان ..

و اروح أجيبها و انا قاعد أصدح بصوتي الشجي ..... و فجأة ....... صقعت بكرشة واحد مدري منهو و طحت .. و اناظر فوق و ألقى وجه واحد من الجاهلية (لهم وجيه خاصة فيهم) ..
و قال لي : من أنت يا أيها الغريب ؟
قلت له : غريب جابته أمك !!!
قال : أتغلط على أبي جهل ؟!
قلت : أبي جهل ولا أبي حلاو ه؟؟ هههههههه .. بالله مو حلوة ؟
أبو جهل : ويحك يا هذا .. أتتمادى في الغلط علي ؟!!!
قلت :و يحك أنت !! أنا وش دراني ؟؟! لقد كنت أحسبك أبو كبريت !!
أبو جهل : و من هو أبو كبريت ؟!
أنا : مدري والله نسيت وش اسمه ..
أبو جهل : أتقصد أبو لهب ؟!! هوه ها ها ها << هذي ضحكة بالفصحى ..
أنا : نعم .. نعم .. إنه هو ..
أبو جهل : و ما الذي أتى بك إلى هنا ؟
أنا : والله جاي ادور كورتنا ..
أبو جهل : و ما هي الكورة ؟
انا : إنها أديداس ..
أبو جهل : أهي من قبائل الروم ؟
انا دريت انه غبي .. و قلت خلني ألحس مخه و قلت : لا إنها ماركة مسجلة تصنع الكنادر و الملابس و كرات القدم و كراتها هي المعتمدة لدى الفيفا في كأس العالم ..
قام أبو جهل يحك راسه و شكله ما فهم شيء و قال : نعم نعم هذا واضح جداً ....

إلى اللقاء في الحلقة القادمة
تحياتي صرقوووووووع

[ABO TURKI]

ههههههههههههههههههه هههههههههههههههههههه

وربي انك مصرقع

s2.gif s2.gif s2.gif

ننتظر الحلقة القادمة متى يا صرقوووووووع

[H Y T H A M]

أتحفتنا ياهذا

ننتظر الحلقه القادمه

s7.gif

[@ واثق الخطوة @]

اقسم بالله أنك مريييييييييييييييييييييييييييييييض
ووجعااااااااااااااااااااااااااااااااان وتعبااااااااااااااااااااااااااااااان
أول مره أدخل في منتدى وأشوف مثلك أنت مالك مثيل يامصرقع
قلنا متى الحلقه الثانيه
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههه s2.gif

[مصرقع]

ثمالي برشومي مدري برشلوني
وانت يا واثق الحلقة القادمة انشالله يوم الربووووووووع
وانت يا ابو تركي مشرف ما نقدر نقلك شي لكن ترى أحبك ( واحد يدور مصلحة) ههههههههههههههههههههههه