أقول مدري به وعيني تحيطه

[الذيب]

أقول مدري به وعيني تحيطه أقول مدري به وعيني تحيطه أقول مدري به وعيني تحيطه أقول مدري به وعيني تحيطه أقول مدري به وعيني تحيطه

بسم الله الرحمن الرحيم
السلام عليكم ورحمة الله وبركاته
قصيدتي بروازها عتب ومضمونها شغب.
ربما كانت نتاج موقف معين أعلم أنها جارحه بعض الشيء لمن هي موجهه له وأعلم ان فيها استفهامات كثيره ولكنني تركت مجال للقارئ أن يفهم شيء مما أقصد.
وإن هذه ليست قصيده بل هي تفسير لهذا البيت:

[poem="type=1 font="bold medium Tahoma, Verdana, Arial, Helvetica, sans-serif""]ليس الغبي سيد في قومه=بل سيد في قومه المتغابي[/poem]

القصيده/

[poem="type=1 font="bold medium Tahoma, Verdana, Arial, Helvetica, sans-serif""]ياشيخ أنا منْك ولاني مغفل=ولو هي على غفله تراها بسيطه[/poem]
[poem="type=1 font="bold medium Tahoma, Verdana, Arial, Helvetica, sans-serif""]

مير الغبي في فرشتي لو تزمل=وأقول مدري به وعيني تحيطه
أقدر على روحه بيدّي أكمل=بس الصبر للحق زي الخريطه
من أسمك أنته بسألك ليش تخجل=هذي السوايا من سواة العبيطه
بالعكس مثلك دايم الدوم يندل=ولك كلمة(ن) بين الأوادم سليطه
مدري غشش مدري حقيقه أبسأل=ماهو حسد واصحى تقول الغبيطه
نقزت عن بيت(ن)تعدى من أول=مبغى افتتح غيضك وأقص الشريطه
لكن أنا بأنصح وجعلي أجمَّل=وأطيح من كف السحاب النشيطه
بأسقيك من طيبي ومن طيب أعمل=جعله أجر إليا رقيت الغويطه
البارحه قلبي مع النبض أختل=وهز الصدر وأسقط علي السقيطه
مشاعر القربى على ماض أهبل=تنتج شعور(ن)مايبين خليطه
ماض أنتهى وستاره اليوم أسدل=وخلف الستار الذل يعلن حطيطه
بعض الجروح تطيب تنساك و تمل=وجرحك من أقرابك وش اللي يخيطه
بغيت تلعب شوفك الآن تفشل=شايب وعايب يالحياه البليطه
يختك معاب وشوفه الآن مبتل=وكم يخت مستهتر ضحية محيطه

[/poem]

وسلامتكم

[سنا الهجرة]

لا تجيب سيرة الشياب يالذيب تراني كفيل بالدفاع عنهم

الله اعطاك هامره وبعدها لا تلونمن الا نفسك .. أنت توحي والا ما توحي >>

وهذا لا يمنع ان نقول صح لسانك فأنت شاعر مبدع وشعرك جميل تستطيع أن توضفه كيف تشاء

بس انتبه تراك منت قد الشياب ..

[الذيب]

لا يا سنا ترى هو مو شايب مرره يعني
بس ياخي ليس كل الشياب يستحقون التوقير

أو بالأصح فيه أخطاء من شياب لا تغفر مهما كان ولا لنا إلا الظاهر يعني نحترمهم لأنهم شيابه
أقدر على روحه بيدي أكمل بس الصبر للحق زي الخريطه
يعني الرادع الصبر على الاحترام
وبعدين أنا ما عممت أنا خصيت اللي في بالي

وأنت ياسنا بتزعل الشيابه مني يا جماعه هذا واحد مو كل الشيابه انتبه ياسنا

[سنا الهجرة]

طيب والشايب اللي فيبالك وش يدرينا عنه .. الحين قصيدتك هذي تنكأ في قلب كل شايب حتى تبين لنا من تقصد >>>
ما اقول الا الله يخارجك من هذا المأزق اللي حطيت نفسك فيه ..

رحت فيها هههههههههههه

[الذيب]

ههههههههههههههههههههههههههه

انت اللي حطيتني فيه بيض الله وجهك

[FANTASY]

[ابوسيفين]

صح لسانك يالذيب والحمد لله إنّك سلّطت هذه السهام على غيرنا يالشّباب !!!
وتذكّر إنّه ليس القوي بالصرعه ، وابحث لشايبك عن عُذر ولا تبي تعجز 0

[سنا الهجرة]

هههههههههههه على شان ما عاد تتعرض للشيبان .. ما تدري اني بديت آخذ مكاني بينهم

[أبو عبدالرحمن]

صح لسانك يا شاعرنا الذيب

[لاتقرب الذيب]

صح لسانك