حتى من الفجعه نسيت اقول لاصحابي سلام

[مشاكس]

حتى من الفجعه نسيت اقول لاصحابي سلام حتى من الفجعه نسيت اقول لاصحابي سلام حتى من الفجعه نسيت اقول لاصحابي سلام حتى من الفجعه نسيت اقول لاصحابي سلام حتى من الفجعه نسيت اقول لاصحابي سلام

[POEM="type=1 title="حتى من الفجعه نسيت اقول لاصحابي سلام" font="bold large Tahoma, Verdana, Arial, Helvetica, sans-serif""]ورطتني يابو هبة واثر الشقا حبله طويل = حتى من الفجعه نسيت اقول لاصحابي سلام
بدى بترويعي سنا والخوف كله من سهيل = وحطيت ثوبي في فمي من دعوة الحجي سلام
لكن مابين الرجا والخوف قلت الله وكيل = لا تنحسب لك يا مشاكس وانت رجال ن همام
اقلط وسلم والعرب في عرفها مانته ذليل = اربط على قلبك وطب السوق واصحى لا تنام
سلام يا ربعي ثمالة من هجوسن ماتميل = سلام والترحيب بالضيفان حشمة للمقام
أنا بعد طول الغياب اقول ماشي مستحيل = يمكن سنا ياقف ويصعق في بقيتكم قيام
قوموا قبل ياصل مشاكس واتركوا قال ن وقيل = نادوا المدير ونادو مخاوي وصفوا للتمام
هذا مشاكس راعي الصولات والعلم الجميل =اليا بدى مبداه مثل النور جلاي الظلام
وان خاب ظني في سنا حطيت في بالي بديل =يطرون لي زملوق والزملوق لي حوله كلام
أنا اعرف انه لا نوى البورات ما يلجي الدخيل =واليا فزع يا حظ صدقانه كما وبل الغمام
يقتل على قول العرب ويشيل في نعش القتيل=لكن له وقفات تنشر له على روس الأنام
وان كان خابت كلها ماعاد باقي لي حصيل = الا السلام ورحمة الله وبركاته يا كرام [/POEM]

[النادر]

ماعاد بها يامشاكس

انت طبيت طبيت لكن انتبه للبظاعة والمتعيشه والمتحوشة ولاتكبر البسطه ماتدري وش اخر الربيع وخلك زين ولاتقذف بها على عماها ويولي حظك الـ مبارك ثم ماعاد تلقى لك بها صالح و يغدي الدليل بشار سو

مافيك حيلة حتى انسحاباتك فيها خبث وغطرسة

[أبو عبدالرحمن]

وعليكم السلام ورحمة الله وبركاته

كلي أمل في أن ينخلع الضرس الوحيد المسوس لك يا مشاكس...

هب عليك .كيف تلعب بالألفاظ ياعفريت

[خلف بن عبدالعزيز الثمالي]

نوّرت الواحة,والمنتدى بوجودك يامشاكس
وحياك الله تحية المطر
وراعي الجزلات مايجيب إلا الجزلة
صح لسانك مليون .

[@ بن سلمان @]

حياك الله يا بعدي وصح لسانك
ما هي ورطه ولا مضوى شرطه
أنا أشهد إني متزهل بسنايدي ودوم القاك راعي لبيه
لاغنى عنك ولا عن الخافي زملوق عسى الله يضويه مثل ما ضواك

[سنا الهجرة]

الله عليك يا مشاكس .. أنت وين كنت عنا من زمان
هذا المدير يدور على خلع ضرسك المسوس وكأنه ينخاني .. لكن الضرس إذا كان ملتهب خلعة خطير

[POEM="type=2 bkcolor=#000000 color=#FFFFFF font="bold x-large Arial, Helvetica, sans-serif""]يا مرحبا والنار شبت يا مشاكس .. والدليل=دخول فرسان الغياب، اللي لهم ماضي تمام
ما كل وارد من ضما يضمن وجود السلسبيل=لابد ما يروي غليل الكبد قدام الفطام
ما شوفها الا روَّحت ما بين قال وبين قيل= واستاسد الليل الطويل وكشر انياب الظلام
والمستحيل اللي ليا قالوا العوارف مستحيل=يسيل من ناب المشاكس سم، ما فيها كلام
أنا اشهد انك يالمشاكس جيت والمسرى طويل=أما اترك الذَّلة وزاحم بالكتوف وبالسنام
والا سنا الفنان مَعْهْ احصان ما يصهل صهيل=الا ليا اشتد الزحام ودنقت روس النعام
هذاك يومٍ يا سنا كلٍ يدور له كفيل=والا انشدوا زملوق كيف الضرب من تحت الحزام[/POEM]

[تحت الصفر]

بسم الله عليك وحواليك يالمشاكس
شاعر وحكيم ومبدع وخطير >> تذكرني بيوسف الثنيان
وترى أعجبني بالحيل هذا السبك والحبك والمد والجزر بين ثنايا هذه الدرة

ومع إني أشوفك تبي تطفيها أشوف سنا يبي يولعها
وأنصحك إنتبه من هذا السنا تراها من زمان ناويني نية مدري وش هيه- من يوم كتبت قصيدتي هذيك (الوصفية) - وهو يحاول معي واستخدم كل الطرق على شان تقام بيني وبينه محاورة لكني متردد واتعذر منه كل ما أرسل لي مراسيله >> تخبر أنا أتحاشا المزح مع المسئولين واحب مل ما يقولون المشي بجنب الحيط

وقلت له ان كان في راسك محاورة عندك مشاكس والا زملوق هم اللي يعرفون لك زين
والحين أحسن إن معي لمسة شعر و ودي أتمحرش فيه والا في واحد من رواد هذي الصفحة
حسبي الله على ابليسكم تشدون الواحد من حيث لا يعلم

والا وش جاب النباتيين في ساحات معارك الشعر وهم عزّل >> ومع هذا لا زلت أملك شيئً من الروية والحكمة والصبر مثل شاعرنا الخلوق والحكيم ( النادر ) الذي لازال ماسك نفسه الى الآن .. وان طب طبيت واللي عقد روس الحبال يحلها

[أبو سليمان الثمالي]

ابداع يامشاكس
شكلي بترك المحاوره وحول لنظم

صح لسانك

[kkhh1971]

مشاكس

صح لسانك

[سهيل2012]

والله سلامتك من الفجعة يا مشاكس ..

وإن كان خمتك فجعة ولا شيء ترى دواها معروف ..

(تستحمّ بما الشِذاب (بكسر الشين) ثلاث مرات يوميا ..ولا تقول سهيل مجرب ..

ها الوصفة ..والله ما جربتها ..لكن سمعتها من خبيث ..آسف خبير في ديرتنا يصفها لشاعر

من جماعة الربع مفجوع !

(والله يستر لا يجي الحاج سلام ويعترض على هذه الوصفة ) مدعيا بأنها من أملاكهم بمنتدى

الحياة الفطرية ..

أخي مشاكس :ليس أخوك سهيل من ينقد القصيدة ..أو يُبدئ رأيه فيها ..! فهناك أعرف مني

أنا فقط أهنئك على موضوع القصيدة والرسائل التي أرسلتها يُمنة ويسرة ..مما جعل الموضوع

ثريا ..محرضا للنقاش ..

سُعدتَ جدا بمعرفتك ..وقراءة هذه القصيدة !

والآن أنا متوجه لملفك الشخصي ..ومواضيعك ..والله يعين سهيل !!