البر .والبدو............(هديه للحاج سلام)

[النادر]

البر .والبدو............(هديه للحاج سلام) البر .والبدو............(هديه للحاج سلام) البر .والبدو............(هديه للحاج سلام) البر .والبدو............(هديه للحاج سلام) البر .والبدو............(هديه للحاج سلام)

اهداء للاخ العزيز الحاج سلام وكاهوا واضح من الايقونة


[poem="type=1 color=blue font="bold medium tahoma, verdana, arial, helvetica, sans-serif""]
البر فيه لنفس مغليه ثنتين=طرد الهموم وشوفته للوسيعه
راحه من ازعاج المدن والبلادين=اللي تغير طبع راعي الطبيعه
من اول فالبر مثل السلاطين=مانحسب حساب الفتن والفجيعه
ولانفتكر في قسط شهري ولادين=ولا جمال ممثله او مذيعه
معروف وين احنا ونمشي على وين=ولانعقد حبال الدلس والخديعه
نمشي على وضحى النقى مشيٍ مبين=عقال والجاهل يلاقي الرديعه
ان ماردعه العرف مردوع بالدين=حدين سيف العيب والا الشريعه
وان صاح صياح الغلس حي ذا العين=ماعاد يطري للقوب الهجيعه
ونادا المنادي افلحوا يالفليحين=من عقب صلى الفجر شب الوليعه
وجذب لها من طارف الحزم عودين=في كل بيت تشوف للضو ليعه
اللي خبز واللي سرح يحلب الضين=واللي جلس للنجر يعزف لعيعه
واللي يشمل شامخات العرانين=ام البكار الغاليات المنيعه
اللي معابسها تساوي الملايين=يموت مايوم ٍ طرى له ببيعه
لاجا الضحى سير على جاره الين=يجي الزوال وعاد يقضي سنيعه
هذي تبي تعديل وهاذيك تزيين=وتمر ساعات العصاري سريعه
وجر المسا ثوبه والاجواد عجلين=تغانمو قبل الظلام وهجيعه
اشغالهم وامسوا وهم مستريحين=ونفوسهم ماتعرف الا الوديعه
وجا للقصيد فمجلس الشيخ تثمين=وتحاكروه اهل البيوت البديعه
ولغزين وامثال الحكم والحكيمين=ومن بعدها كلٍ سرى يم ريعه
هذي حلاة البر اول وهالحين=ماعاد باقي غير شوف الوسيعه[/poem]

[سهيل2012]

معروف وين احنا ونمشي على وين *** ولانعقد حبال الدلس والخديعه

كل النص راق لي جدا يا أخي النادر ..

ويبدو أن هناك شيء بينك بين الحاج يلوح في الأفق .. !

سأحاول اكتشافه من خلال رد الحاج سلام ......

ولا نعقد حبال الدلس والخديعه !

نعم أخي النادر .. من يعرف البران وضاري بالهجوله فيها يدرك معنى هذا الشطر !

صح لسانك أيها النادر ولا هنت .

[أبو عبدالرحمن]

صح لسانك شاعرنا ـ أبا عماد ـ

نص رائع..ونصرة للبر وأهله

لا عدمناك

[النادر]

ماعاد يطري للقوب الهجيعه

قاتل الله السهرو العجلة اسقطا حرف اللام واضرا بالوزن والمعنى

مشرفنا الغالي فضلا لا امرا لو تم التصحيح وكذلك تصحيح جملة الاستهلال فقد اعتراها ما اعترى النص في كلمة (كاهو) والمقصود كما هو

[النادر]

المشاركة الأصلية كتبت بواسطة سهيل2012

كل النص راق لي جدا يا أخي النادر ..

ويبدو أن هناك شيء بينك بين الحاج يلوح في الأفق .. !

سأحاول اكتشافه من خلال رد الحاج سلام ......

ولا نعقد حبال الدلس والخديعه !

نعم أخي النادر .. من يعرف البران وضاري بالهجوله فيها يدرك معنى هذا الشطر !

صح لسانك أيها النادر ولا هنت .

دائما فالطليعة

الحمد لله انها راقت لذائقه فاخره كذائقة الراقي سهيل وثق تماما ان الاكمة لاتخفي شي بل اعلم ان للبر في نفس شيخنا الحاج شي من الحنين فوددت ان افي بوعد وعدته اياه في المنتدى الادبي في موضوع لي هناك وخشيت ان يسول لي الشيطان واسوف ويمر الزمن دون شي
لذا حرصت ان لا انام البارحة حتى اكتب مايلامس نفس شيخنا الحاج

[النادر]

المشاركة الأصلية كتبت بواسطة أبو عبدالرحمن

صح لسانك شاعرنا ـ أبا عماد ـ

نص رائع..ونصرة للبر وأهله

لا عدمناك

مديرنا الغالي ومشرفنا العام

شرفني مرورك العاطر وثناءك الفاره

النادر

[ابوسيفين]

البر فيه لنفس مغليه ثنتين
طرد الهموم وشوفته للوسيعه

الـــو ســيـــــعــــــه



الــوســيـــعـــه



الوسيــعــه




الوسيعه



الوسيعه




الوسيعه

صح لسانك ياخوي (( الله لايضيّق علينا ))

[الحاج سلام]

صح لسانك وبيض الله وجهك يالنادر على هذه القصيدة الرائعة وقد وعدت واوفيت ونطلب منك المزيد حتى يصحو المخدوعون بزيف المدينة من غفوتهم وفي مقدمتهم (اللي على بالي )
ومن لم يرتاد البرية والارض العذية فقد فاته خير عظيم .
واكرر لك الشكر على الهدية .

[المقداد]

قصيدة صورها حية متحركة, تبرّز جودة الشاعر وصدق قريحته, ومن ثم يستاهل الحاج القصيد وصواني العصيد .
وليته أفصح لي عن أمر أجهله أنا ؟ وهو به عليم !! .

شكراً النادر

[النادر]

المشاركة الأصلية كتبت بواسطة ابوسيفين

الـــو ســيـــــعــــــه

الــوســيـــعـــه

الوسيــعــه

الوسيعه

الوسيعه

الوسيعه

صح لسانك ياخوي (( الله لايضيّق علينا ))

ابا حسام

صح بدنك واطراءك وسام على صدر اخيك

اما (الوسيعه) فعلا قولت القايل راعي الحماطيات (الله يضيق على اللي ضيق علينا)

سلمت لاخوك من الضيقه ههههههههههههه