شاعر المليون

[الحارثي2008]

شاعر المليون شاعر المليون شاعر المليون شاعر المليون شاعر المليون

[poem="font="Simplified Arabic,5,black,bold,italic" bkcolor="transparent" bkimage="images/backgrounds/8.gif" border="none,4,gray" type=2 line=0 align=center use=ex num="0,black""]ياشعار السعودية بعد ماروح المليون = وراح البيرق اللي نقص تفريده وتصفيفه
خذاه الشبرمي واقفى ولا يحمل قهر وغبون = مادام الحق صاير سهل عند الناس تزييفه
عصى موسى العزيزة مايلاديها سحر فرعون = يموت وتخمد جوشاً تحاول دوم تشعيفه
هل الشعر اطلعو عقب نتايج للأسف مالون = واخذها اللي مانعرف وش قصيده من سواليفه
والأكبر من هذاه العذر قيل رسايل التلفون = رسايلهم تجي مع بذلنا ربع وتنصيفه
عدد سكان شعب المملكة تسعة عشر مليون = ولا يتقارنون بشعب ما تعجز مصاريفه
سلبنا حقنا والناس بالموضوع ذا يدرون = ياحيف معزب الضيفان شمر واسترق ضيفه
ومهما يفعل ضعوف البشر ما ينقص الدندون = مادامه في وجيه اهل الضعافه شاهراً سيفه
ولا ياشاطي الراحه جمعت الكفو واللي دون = هذاه بالاصل عرف وذاك تاشيره وتعريفه
ياليت اهل المعزة والوفاء بديارهم يبقون = ياليت النذل يعرف للعرب بمجرد الشيفه
زمنا شان واصبح يجمع الصاحي مع المجنون = وصرح الشعر يهدم بعد ما كثروا ملاقيفه
ولكن ياعرب كفو بعد عبيتو الماعون = وموج البحر راهي والخبل يملى مغاريفه
وحنا موطن الشعار والموروث شكل ولون = ولا نهتم للي في الدجى يرسل محاذيفه
بلادٍ جت ببن جدلان والقرقاح وبن عون = احدهم لا بدع له بيت ما جت بدعه ضعيفه
اكيد انا هل العليا وقوم البلبله يخسون = ولا نهتم للي يقلب الموجه على كيفه
وانا ما رحت للمليون لوني عايشٍ مديون = يموت الذيب جوع ولا يروح يشمشم الجيفه[/poem]

[فارس الكلمة]

بيض الله وجهك
موضوع مميز من شاعر مميز
مشاركة تستحق الاعجاب مني
وابيات حقيقة اطربتني
ومشكوووووور اخونا الحارثي

[الحارثي2008]

اتمنى من ادارة المنتدى تجري التعديل
تعبت في تعديلها

[بن داخل]

صح لسانك
شاعر متمكن

[النادر]

كلام يسوى ذهب

لكن الوعد النسخة الجايه ياكثر مشمشمة الجيفة


النادر

[أبو عبدالرحمن]

صح لسانك..

تم التنسيق..

لا عدمناك..

[البروفيسور]

صح لسانك,,
وسلم بنانك,,
تقبّل مروري..

[الحارثي2008]

اشكر مرور جمع الاخوة واقول الله يعطيكم العافية


بس هناك مطالب من الاخوة في ادارة المنتدى وعلى راسهم اخونا الفاضل ابو عبدالرحمن

الطلب الاول / هناك تعديل جرى على القصيدة الشطر الثاني من البيت الثالث

يموت وتخمد جوشـاً تحـاول دوم تشعيفـه

تم تعديله الى / يموت وتخمد اجموعاً هدفها دوم تشعيفه
والبيت الخامسه

والأكبر من هذاه العذر قيل رسايـل التلفـون

رسايلهم تجي مـع بذلنـا ربـع وتنصيفـه
تم تعديله إلى
والاعظم من هذاه العذر قيل ارسايل التلفون = ورسايلهم تجي مع بذلنا ربعه وتنصيفه

كانت اخطأ سرعة وضحية كثرة التعديل في التنسيق

المطلب الثاني توجيهكم الكريم في كيفية تنسيق القصائد اتمنى وصول هذه المطالب في اسرع وقت للاخوة في إدارة المنتدى ولكم تحياتي

[همس الحياة]

صح لسانك يالحارثي قبل التعديل وصح لسانك بعد التعديل

عز الله كفيت ووفيت

[الذيب]

قصيده رائعه
تقبل مروري