ســـؤال لم أطرحه ؟؟ ( الحلقة الثانيه )

[ابوسيفين]

ســـؤال لم أطرحه ؟؟ ( الحلقة الثانيه ) ســـؤال لم أطرحه ؟؟ ( الحلقة الثانيه ) ســـؤال لم أطرحه ؟؟ ( الحلقة الثانيه ) ســـؤال لم أطرحه ؟؟ ( الحلقة الثانيه ) ســـؤال لم أطرحه ؟؟ ( الحلقة الثانيه )

مساكم الله بالخير وسلام من الله عليكم ورحمته وبركاته
توقفنا في الحلقه الاولى عند تأوه الشيخ منقاش والحقيقه كما ذكرت لكم ان تواصلي معه كان بالهاتف ولا ادري ان كان النشيق اللي سمعته بسبب الزكام اللي طايح فالناس الايام هذي ولا انه طرى على الشيخ علم ثاني 0
ماطول عليكم قال لي شف يادكتور انا لي فها المنتدى سنين ودنين انا الشاير الماير واصحاب الالقاب هذولا اللي انت شايف احركهم باصبع واحد وابو عبد الرحمن ليا قابلني ما يقدر يرفع نظره اعلى من ركبتي 0
ثم توقف وقال ماتدري ليه ابو عبدالرحمن مايلبس عقال ؟ قلت يمكن مايبغى يثقل على راسه 0
قال لا هذا ماكان ينزله من على راسه وفيوم من الايام حاول يوقف ابن عمي رويعي الغنم ونصحته ولاسمع كلامي الا بالقوه ، وفيوم جيت متعدي من عند الحلقه الا وهو متحنبش على صدام سيارته ومير انا ادني منه بشويش بشويش 0000000 وقال لي الشيخ علوم بعد كذه واخذ وجهي اني ماعلم بها من يوم تناوشه بالعقال الين طاح فوسط كراتين البرشومي00000000
قلت ايوه وبعدين ؟
تنهد الشيخ تنهيده طويله وقال وقبل سته شهور فان علينا واحد يقولون له الحارث ابن همام وانفلت علينا بعلوم ياكثرها مايمدينا نقرا ها الا وفك علينا حزمه ثانيه ولا نصا الا مواضيعي عاني متعني وبغى يعرج بالمنتدى معه ولياني اشوف ربعي على راسهم ابو عبدالرحمن بدوا يرفعون خشومهم ويتناسلون منا ومنا وكل ماجيت اكلم واحد يلقيني طرف علباته ولا افتكيت منه الا وانا تافل العافيه ،ويوم بديت استرد نفسي طلع علينا هالحاج واكل اللي بقي من عقولهم حتى رويعي الكلاب نسي فزعاتي معه ولا دريت الا وهو يناقز بكمرته ،قلت يارجال سايرهم وديتها كم شهر وبعد الحج ان مامشى بلغنا عنه الجوازات تشيله وهم قمت عليهم وكتيت عليهم حزمتين من الصور عساهم ينسونه
لكن الماخوذ عجبته الهرجه ولقيله سوداني جايب غنم من الزايده عن الحج وكفته فوسطها وطلع به مع السيل 0
قلت ياشيخ الليل راح وعلمنا ماقضيناه على قول الشاعر 0
قال من جدك خلنا في هالماخوذ وسرى ليل واحنا فمشاورات اللي بالتيلفون واللي بالفاكس 0000واستعرضنا فيها كل المعلومات المتوفره، وبعد وضعنا الخطط والعزايم وحزمناها بالعمايم ، وشفرناها حتى لايطلع عليها جاهل ولاعالم ولا الجن الازرق حتى 0
وما لكم في طول الكلام حددنا ساعه الصفر وكل صك تلفونه وتناولت لي مخده وفتحت التلفزيون اناظر قناه الساحه ومزايين الابل اللي اشغلنا عنها الماخوذ وجاني كما النعاس الا والتلفون يدق وارفع السماعه ولا صوت شايب اشج تقول مزكم قال انت الدكتور مشعان ،قلت له وصلت الى خير وبعد سلم سلام عجل قال انه قابل ابن سلمان وانه اطرى له اني ودي أطلع البر وقال ان كانك خوي عجل قلت له توكل على الله 0
قال جيب معك ملابس دافيه ترى الديره اللي نبغى نروحها برد وواعدني فالمطار غبشه وقال العلامه ان معي وانيت ددسن (( 72 ))قلت خير انشاء الله 0

(( الحلقه الجايه اعلمكم فيها بباقي علوم الرجال مع بعض الصور وربما هديه للمخاوي من الطبيعه ))
[BLINK]محبى البر وعلومه انتظروني وابشركم اني صورت بعض المناظر
[/BLINK]

[نسايم]

يعطيك العافية ..لكن الأهم النهاية..وإن شاء الله ماتكون الديرة خارج الديار!.لأن فيها برد ومطار!!!!

[سنا الهجرة]

ههههههههههههههههههههههههه

والله سالفه يا د. الله يعطيك العافيه

[الحاج سلام]

الحمد لله الذي لا يحمد على مكروه سواه ,اول العلم ظنيته سواليف وكأن تاليه صدق وفيه تصاوير .زدتنا شوقا للنهاية عجل ولا تنسى ان المخاوي (ضوى ) ويعرض خدماته .
ومع انني اصبحت مشكك هو الدكتور ابو نقشة معي والا ضدي على نظرية بعض الجماعة , الا انني مازلت على حلفي معه ,مع انني بدأت مفاوضات غير مباشرة مع المخاوي (الاحتياط واجب ) وارجوكم لا يدري الشيخ منقاش
والسلام ,

[مدهش]

وقال لي الشيخ علوم بعد كذه واخذ وجهي اني ماعلم بها من يوم تناوشه بالعقال الين طاح فوسط كراتين البرشومي00000000

بعذره يوم يقول أنا ما عاد أمشي إلا لابس سروالين

[مراسل المنتدى]

ابو عبدالرحمن .يوصل سلامه لكم.
ويقول لا تنسوه من دعاؤكم.راح رحلة مع رويعي الغنم ( البس ما يحب إلا خناقه)والرحلة تكليف من الحاج سلام.والاتصال معه مقطوع. الله يرجعه باسلامة

[@ بن سلمان @]

يبدو لي إن الحلقات القادمة ماتعة مع نقيضان

[مخاوي منقاش]

فعلا اتق شر من رفعته فوق وهي عاداتنا نرفع المعادي فوق وبالقصيد نحط مافوق راسه راس ثم نجيه لحد ديارة ثم الله لايوريك نكتله كتل
وانا هاليومين مشغول والا سوالفك مع منقاش حقيقتها عندي بس ابي امان من ابو عبد الرحمن انه ما يوقفني

[* أسير الصمت *]

يعطيك العافية يا د. مشعان والظاهر إن السالفة مطولة مدام فيها مطااار ...
بس أتمنى منك ألا تتأخر في طرح الحلقة الثالتة ....
و إن شاء الله يرجع أبو عبد الرحمن بالسلامة ...

[منقاش]

أنا كنت مغيب ومن الله قريب , وقد عقبني علوم منها طوالة لسان الهابي مخاوي منقاش .
المهم , تكفى يا دكتور مشعان تنزل المرزبه اللي دايم رافعها في يدك وتهوب بها على روس ألأعضاء , وحاول ترفق بالشيخ سلام وتمارس معه سياسة ألأحتواء .
وان كان قهرك بالشجاري اللي أبدع في وصفها واصبح مرجع القبيله ألأوحد , هذا أن ما خطف عنه ألأضواء منافسه اللدود الشيخ ابن همام , أقول أن كان قهرك فهذي قضيه تبي تنكد عليك أشهر كما نكدت عليه من قبلك , وبعدها يندمل الجرح وتنتهي الغرفان وينزوي عمل الرجل في زاويه من زوايا النسيان , هذا أذا ما أنتبه أبو عبدالرحمن وحط له صفحه وسماها صفحة سلام .
الزبده , سلام ومعه أبو عبدالرحمن قابلين للأستصلاح خصوصا أذا أستخدمنا معهم سياسة العصى والجزره , لكن الحبحبه الفاسده اللي لايصلح طبله ولا طار وابغيك ما ترحمه وتسوي له مية كمره خفيه هو البليه راعي حفلات الكرسمس والمسمس بعيد الذكر مخاوي منقاش .