الشاعر الكبير / الأمير عبدالله الفيصل يرحمه الله

[بن وافي]

الشاعر الكبير / الأمير عبدالله الفيصل يرحمه الله الشاعر الكبير / الأمير عبدالله الفيصل يرحمه الله الشاعر الكبير / الأمير عبدالله الفيصل يرحمه الله الشاعر الكبير / الأمير عبدالله الفيصل يرحمه الله الشاعر الكبير / الأمير عبدالله الفيصل يرحمه الله

شاعرنا اليوم فقيدنا الكبير

الأمير عبد الله الفيصل ( يرحمه الله )

تعاتبني

رضيت لي ... هون القدر والمذله

وارخصتني ... وانا مع الناس مغليك

وطاوعت في اربوع قل لي ... وقل له

عدوانى اللي طايلتهم حسانيك

مبنى الغرام اللي ... نعمنا بظله

من عشرة اعوامٍ هدمته بياديك

قمت تعاتبني على غير ... زله

ومن اول حبي عن العيب ... معميك

سيف الجفا يبرق بيمناك ... سله

تهوبني به يوم ... كثرت طواريك

خلك بعيد هو لك الكل كله

حسيبك ... اللي بالفعايل يجازيك

حبيبي

حبيبي ... الغالي تجرعت فرقاه
بالله وش خليت لي يازماني

مالي جدأ الا اتبع الاه ....بالآآآه
ماهيب من حلقي من اقصي المحاني

نار سرت بالدم ... والعظم تصلاه
عن وصفها ياناس ... يعجز لساني

لاعاد يوم ... مد لي فيه يمناه
واقفي ...ووقف ولد .... بالعين ثاني

الصاحب ... اللي ماتعدد ... مزاياه
عديم وصف ... وكامل ٍ بالمعاني

خليت روحي ... اغبر القلب تقفاه
ترعي حبيبي عن عوادي زماني

دام التراب تراب .... ما والله انساه
على هداه مقيم .... هذا مكاني

من يسد بمكانه

قرب الرحيل ... وخاطري منك ماطاب

ياواحد عندك .. حياتي رهانه

تدري .. بعله واحدٍ منك..منصاب

اللي بقلبه لك .. يقوله لسانه

بك طيب لو ماحط بك .. زين الاطياب

ياغصن بانٍ ناعمٍ به .. ليانه

ياليتهم .. سموك يازين معطاب

حيث ان حبك .. بالضماير ..مكانه

كلن عذلني فيك عدوان.. واصحاب

واقول خلوني وكلن وشانه

وان قيل ..الابدل احباب باحباب

قلت آه .. لكن من يسد بمكانه

ليتني ماشفت

ليتني ماشفـت فـي عينـك دمـوع
منظـر الدمعـه علـى خـدك هـلاك

يامضوي في دجى عمري شموع
الـحـزن ماخـلـق لعـيـون الـمــلاك

اتحـمـل عـنــك كـــل امـــر يـــروع
خذ هنـا قلبـي ,وخلـف لـي عنـاك

واتقـدم لـك بقلبـي فــي خـضـوع
ضح بـه فـي هيكـل الحـب لهـواك

او تلطف بـه وضمـه فـي الضلـوع
علهـا تـورق غصونـه فـي حـمـاك

من سهومك ماحمى قلبـي دروع
والشفا ياروح روحـي فـي شفـاك

طبع الليالي

جلسةٍ ماهو معي .. ماعليها خانه

كيف ابستانس وهو ماتشوفه عيني

مير هلي الدمع .. ياعيني الولهانه

يوم حال اللآل .. بين الحبيب وبيني

الليالي طبعها دايمٍ ... خوانه

عادة الايام تفريقه الاثنيني

عفت كل البيض .. والسمر انا من شانه

والبلى كانه عقب ... غيبتي ناسيني

فمان الله

الاوشـيـب عـيـنـي .. يـــوم قـالــوا لـــي فـمــان الله
وحقـقـت انـهـم مــن عـقـب ... جمعـاهـم مقفيـنـي
تغايـالـي .. خـيـال الـمـوت يـومـه مـــد لـــي يـمـنـاه
ولــد بعيـنـه الخـرسـا .. عـقــب مـاقـفـى يراعـيـنـي
نـهــت وقـلــت مــمــا جــــال بـالـصـنـدوق ..وعــــزاه
ســــراب الــــلآ بــاكــر ..يــطـــرد مـابـيـنــه وبـيــنــي
حلفـت بـرب خلقـه .. لــو يـطـول البـعـد انــا منـسـاه
انــا وشـلـون ابـيـع الـلـي .. مــن العـربـان شاريـنـي
تصـبـر .. يـاخـفـوقٍ صـــار داه الـيــوم .. وســـط ارداه
عـلـى رجــوى ان رب الـعـرش .. يدنيـهـم ويدنـيـنـي
مثل ماخـذت قلبـي ..قلبـي المحبـوب .. عطنـى ايـا
عـلـى شــان انتـسـاوى فــي المحـبـه والموازيـنـي
الـى قـارنـت غـيـرك بــك خجـلـت .. وقـلـت ونقـصـاه
انــا وشـلـون اقــارن .. كـامـل الاوصـــاف بالشـيـنـي
ولو هو في حلى يوسف .. كسف لي بنت نور اضياه
وخـتــم الــقــول رب بــــك ... تـبـلانــي ... يـقـويـنـي

الحرمان

انـا ويـاك يالحرمـان فـي الدنيـا غدينـا اخــوان
مسيرتنـا ســوا فــي كــل حاضـرنـا وماضيـنـا
مشينـا فــوق درب السـهـد والآلام ولأحــزان
حيـارا فـي خضـم التيـه ماتـرسـي مراسيـنـا
تباشيـر السعـادة عـن نظرنـا لفهـا النسـيـان
وفـوق اهدابنـا مـاتـت مــن الحـسـرة امانيـنـا
على درب الالم تمشي مواطينا على النيران
ظـلام اليـاس ينشـرنـا عـلـى حبـلـه ويطويـنـا
ترانيـم الهنـا فـي يـوم مولدنـا غــدت صلـبـان
صلبـنـا فـوقـهـا مـــن غـيــر مـاتـجـي ايـاديـنـا
تعوضنـا عـن البلبـل وشــدوه نعـقـه الغـربـان
وعن غصن الزهر غصن بعكف الشـوك يدمينـا
هــلا بالـلـي يـبـي ينـظـر شـقــوة الانـســان
يجـي ينـظـر تجسـدهـا بـكـل اطـوارهـا فيـنـا

سمراء

سمراء ياحلم الطفولـة يامنيـة النفـس العليلـة
كيف الوصول الى حماك وليس في الامر حيله

إن كـان فـي ذلـي رضـاك فهـذه روحــي ذليـلـه
ووسيلتـي قلـب بـه مـثـواك إن عــزت وسيـلـة

فلترحمـي خفقانـه لـك واسمـعـي فـيـه عويـلـه
قلـب رعـاك ومارتضـى فـي حـبـه أبــدا بديـلـه

أسعدتـه زمنـا وروى وصلـك الشـافـي غليـلـه
مابال قلبك ضل عنـه فمـا اهتـدى يومـا سبيلـه

وسبيـلـك الـذكـرى إذا مادعبـتـك روى جميـلـه
فــي ليـلـة نـسـج الـغـرام طيوفـهـا بـيـد نحيـلـه

وأطــال فيـهـا سـهـد كــل متـيـم يشـكـو خليـلـه
سمـراء يـا أمـل الفـؤاد وحلمـه منـذ الطفـولـه

مختارات من شاعر 1 ( خالد الفيصل )

مختارات من شاعر 2 ( بدر بن عبد المحسن )

مختارات من شاعر 3 ( نواف بن فيصل )

مختارات من شاعر 4 ( عبد الرحمن بن مساعد )

[حسن عابد]

لخبطتنا بالعنوان والشعراء ياخالي

[@ بن سلمان @]

يعطيك العافية بن وافي
باقة منتقاة بعناية

[بن وافي]

حسن عابد
بن سلمان

مشكورين
سعدت بمروركم العطر
وإلى مواضيع جديدة القاكم فيها ودمت بكل ود

[سعـ الساعدي ـيد]

مشكورررررررررر
الله يعطيك العافية