هدية خاصه لمخاوي منقاش

[الشيهان]

هدية خاصه لمخاوي منقاش هدية خاصه لمخاوي منقاش هدية خاصه لمخاوي منقاش هدية خاصه لمخاوي منقاش هدية خاصه لمخاوي منقاش

السلام عليكم ورحمة الله وبركاته
لقد طال الغياب عن هذا المكان ولكن يقال من حظر ما غاب وليتكم ما تنشدون عن الاسباب
هذي هديه بسيطه متواضعه سريعه لشيخ حلفنا المبجل الشيخ مخاوي منقاش نفع الله بشخصه ودحر به كيد منقاش واعوانه

[POEM="type=1 color=#660000 font="bold medium Tahoma, Verdana, Arial, Helvetica, sans-serif""]سلام الله من الشيهان لأهل الطيب والمعروف = تحيه وافيه من خاطري تنصى ديار الجود
ديار اللى تعز الجاه واللى تنجد الملهوف = ديار(ن) في ذراها العز باني له قرى وحدود
ديار ولو تسجى في خلاها ما يجيك الخوف = وكيف تخاف وانته فالديار وعزها ممدود
ديار الحاتميه طي مضرب للمثل مألوف = على مر العصور الغابره والواقع المشهود
أهل حايل أهل تاريخ أهل ماضي شرف معروف = وأهل حاضر ومستقبل رجال وما تبيح سدود
مضى حاتم وجاك مخاوي ومد الندى بكفوف = كفوف (ن) مثلت تاريخهم سيرة ولد وجود
ولا والله يانعمين بالخالف وبالمخلوف = تباشير السعد ترقى بكم يم الثريا سنود
كلامي ثابت ولو كان تبغون الشهود صفوف = ولكن الحقيقه فعل ماتبغى حكي وشهود
مخاوي لا مشى فالدرب كل الناس تبقى وقوف = تناظر فالزعيم اللي مسيره من هبوب النود
مخاوي صيدته ما تاقع الا وريشها منتوف = ولا ياشر من عاداه ولا ياحضه المقرود[/POEM]

وسلامتكم

[@ بن سلمان @]

المشاركة الأصلية كتبت بواسطة الشيهان

[poem="type=1 color=#660000 font="bold medium Tahoma, Verdana, Arial, Helvetica, sans-serif""]
مخاوي لا مشى فالدرب كل الناس تبقى وقوف = تناظر فالزعيم اللي مسيره من هبوب النود
مخاوي صيدته ما تاقع الا وريشها منتوف = ولا ياشر من عاداه ولا ياحضه المقرود[/poem]

وسلامتكم

أعذب الشعر أصدقه يا شيهان
فعلا ليا قالوا من الحب ما قتل
والشتاء على الأبواب ولا يزين القصيد إلا بعصيد
صح لسانك ويستاهل الحاتمي

[أبو عبدالرحمن]

صح لسانك يا أبو أمجد

نسيت أن تقول هذه القصيدة باسمك واسمي

[مجنونها]

صح لسانك يا الشيهان وأنا أشهد إنك رديت الهدية بأحسن منها
الحب وبتعطيه للحمام
لا أنكر أن المخاوي من أهل كرم وجود ومع احترامي لأهل الشمال لكن النار تخلف رماد وقد طلبته الأنظمام لحلفه فنعتني بالجنون وأنا هنا لست ناقداً للقصيدة لكنها مخالفة للواقع وفيها مبالغات تخالف الحقيقة حول المخاوي ولا أريد أن أتذكر قول الحطيئة في مدح بني أنف الناقة حين خلدهم بالبيت :

قوم هم الأنف والأذناب غيرهم ***ومن يساوي بأنف الناقة الذنب

[مخاوي منقاش]

الشيهان /صح لسانك وانا كما قال مجنونها مااستاهل ووالله اني صادق وما انا الا رجل خرج من بيت فقير وشق طريقه في هذه الحياة التي فيها القوي هو السيد ولكن اعترف ان حسنة منقاش الوحيدة هو ادخالي على استحياء لهذا المنتدى وكدت ان اهرب في اول يوم من دخولي عندما بداء منقاش معي بخيانه لم اتعود عليها(الان صرت ادخل الخونة من جيب واطلعهم من الاخر) والحمد لله انني لم اسحب سلوك منقاش على القبيلة لكي اتعرف على اناس اصبحو اخوان اعزاء احبهم في الله 0
وانا ياايها الشيهان احاول ان ارد عليك بس احب ان الفت انتباهك لامرين=-
1-انني والله لست بشاعر ولا ابائي02- ان الرد على شاعر كالشيهان ليس كهجاء منقاش ياتي كشرب الماء فمعذرة ويامنقاش اخزاك الله في هذا اليوم الاغر0000

[منقاش]

عظم الله أجركم يالشعار , عظم الله أجركم ورحم الله العقال في زمن رخص فيه الشعر والشعار بعد طلع منكم شاعر تفجرت قريحته بالقوافي في مدح المخاوي أكرم الله منقاش مقابل كيس من الشعير .
للأسف رخصت القوافي بعد رخص من قبلها ألأشراف العام في العصر البايد , عصر الدكتاتوريه والفساد والرشوه والمحسوبيه , عصر ابو عبدالرحمن اللي أفسده المخاوي بشق تمره لو أعطيت لواحد غيره كان رماها على معطيها رمي الجمره .
أما أنت يالشيهان , فلا أعدك ألا وصمة عار في ذنب تاريخ ثماله , وليتك تدري أن الكيس اللي أرسله المخاوي لحمار بدر الدجى نهق منه نهقه سمعها أهل جلان الفير بمجرد ما شم شعير المخاوي في مذوده .
ياللعار يا ثماله , ماتت الرجال قضامة الحصى , كيادة العدا , ولطامة أهل الردى , عظم الله أجركم , ما أقول غيرها , وبس .........

[أبو عبيدة]

صح لسانك يالشيهان

ويستاهل خوي منقاش

[مخاوي منقاش]

وانا اقول يامنقاش اجلس اقظم حصا لين تتكسر سنونك ان بقي لك سنون واذا انهيت القظم اجلس تجرر لين ياتيك اليقين0
(كمثل حبة انبتت سبع سنابل في كل سنبلة مأة حبه والله يضاعف لمن يشاء)
لم نهدي الحب الا بعد دراسة الموضوع من جميع ابعاده الاجتماعية والسياسية وعرضنا الدراسة على مكاتب استشارية متخصصة في هذا المجال وقد نصحني احد المحامين الامريكان قال انا ابخص اهل الطائف فهم كالارض منها الخصبة التي تؤتي اكلها كل حين باذن ربها (كالشيهان) ومنها الارض الوسط التي بين بين عام تخصب وعام عقيم (كابي عبد الرحمن) وهناك والعياذ بالله (وتفل عن شماله ثلاث مرات )واخذت الامريكي رعدة وقشعريرة واغمي علية وصار يدعو وينادي (ايزنهاور) ولما صحى بعد ان شممته كلونيا قال وش وقفنا عليه قلت والعياذ بالله فاكمل كالارض السبخة التي مهما اسقيتها لا حبا انبتت ولا شجرا ابقت مثل من تعيرونه بمنقاش ونشف ريق المريكي وادركته يجغمة لبن خالي من الكحول فقال بلغة ركيكة (ثانكيو) فقلت في نفسي صدق و لد الشقراء قاتلكم الله تبخضون الرجال0 قال نعم وعندنا مثل مشهور جدا (الرجال مخابر ماهم مناظر)

[الشيهان]

المشاركة الأصلية كتبت بواسطة @ بن سلمان @

أعذب الشعر أصدقه يا شيهان
فعلا ليا قالوا من الحب ما قتل
والشتاء على الأبواب ولا يزين القصيد إلا بعصيد
صح لسانك ويستاهل الحاتمي

ياهلا ومسهلا فيك يابن سلمان ومشكور على مرورك هنا
وصح بدنك ان شاء الله

[الشيهان]

المشاركة الأصلية كتبت بواسطة أبو عبدالرحمن

صح لسانك يا أبو أمجد

نسيت أن تقول هذه القصيدة باسمك واسمي

صح بدنك يابو عبدالرحمن شرفتنا بمرورك هنا
تصدق اني بغيت اقول كذا بس افتكرت انك منت مدير قلت والله ما يذوق منها حرف
وهذا حال كل البشر يتزلفون للمدير واذا قشع عفشه اول اجراء يمسح رقم جواله من ذاكرة الهاتف