لله درك يبو عادل

[منقاش]

لله درك يبو عادل لله درك يبو عادل لله درك يبو عادل لله درك يبو عادل لله درك يبو عادل

يخواني وجمع الرفاقه والعواني :
كل ما قريت مدح أبو عادل لشيخ مثلي أتهول من قوة هالرجال في معرفة الرجال الفحول من الهتول, واتهول أكثر أذا قريت البيتين :
مسير ابوتركي عن الشيخ ينحاش ,,,,,,,, هارب بلاغترة وثـوب وفنينـة
لاتندرون الحرب والتجربة مـاش ,,,,,,,, هذي نصيحة للقلـوب الفطينـة
واقول في نفسي كيف فطنة هالرجل كشفت له أن ما أحد يقدر يقف في وجه منقاش , وانه مصير أبو تركي عن الشيخ ينحاش؟ .
لا أحد يقول أن ابو عادل يتكهن , يابا الله عليه . كل ما في الأمر أن الرجل بحاسته السادسه يعرف معادن الرجال ويعرف النطيحه وما أكل السبع .
والنطيحه هي مخاوي منقاش اللي ما هو شاعر ولا راعي أباعر , أشطر ما فيه يشتري ذمم المشرفين وبعض ألأعضاء بشوية تمر مثل يوم شريت ذمة بعضهم بكم مكتل برشومي ما خرج منهم الا في طواري الشتشفى .
والنطيحه الثانيه والثالثه هم ابو أمجد وابن عزاب اللي لا حصلوا تمر ولا تدمدموا وبلعوا العافيه وقالوا يا ساتر , لالا , راكبين روسهم ويناطحون جبل ما تهزه ريح ويلولسون ورى المخاوي اللي ما نفع نفسه ما حاجة به ينفعهم .
المهم , أوجه ندا من هالمكان لبو تركي واقول عود علينا جاي بغتره وسروال وفنينه ولا تصوم الا معنا , وترى الذيب ما ياكل من الغنم الا القاصيه اللي رايحه لحالها وعايره لوحدها عن الرعيه , وعفا الله عنك وعن الحشم اللي دخلوا معك المعركه ضد الشيخ منقاش .
عود يا رجال وتراني أبغي أحالفك من اليوم ورايح وان شاء الله أن اللي سار لك يكون عبره لمخاوي منقاش ولكل من تسول له نفسه التلبش بي مثل ابو امجد وابن عزاب والمشاكس .
وكل عام والجميع بخير ..

[@ بن سلمان @]

احد يدور لموته
ترى ما هو بزين لك لو رجع بمكنسته

[الشيهان]

يا الله لك الحمد والشكر على نعمة العقل

الحين يامنقاش يوم انك انتفخت من هذي القصيده وعساك ماتنفش صدقت الكلام اللى قاله ابو عادل

ترى ابو عادل شاعر من اخطر الشعراء في المنتدى وهو يوم مدحك ماكان هدفه اضهار محاسنك اصلا انت مافيك لامحاسن ولاوحده من اخواتها

الشاعر هذا عبقري
قلي ليه ؟؟ اقلك ليه
الحين لو ابو عادل مدح واحد من علية القوم مثل مخاوي منقاش ماكان لشعره تاثير على صفوف البشر لانه يصبح تحصيل حاصل ولاجاب جديد

بس يوم ينبري الشاعر الهمام ابو عادل ليتنتشل منقاش من الاسفلين ويرقى به الى العليين بكلامات رنانه هنا يكون الابداع

اما سمعت الشاعر الجاهلي عندما قال في مدح قبيلته المنبوذه (انف الناقه)
قوم هم الانف والاذناب غيرهم
فلم يعايرهم احد بهذه العيره بعد هذا الكلام

والحقيقه ان قصيدة شاعرنا الكبير من اعذب القصائد ومعروف ان اعذب الشعر اكذبه

وقد ضمنها من غير الحقائق في مدحك مايعجز اولوا الالباب عن تعداده وهذا فن من شاعر وليش من طيب الممدوح

هيا روق لاتدري زهور الريف عن علومك هذي وتنقض كلام ابوعادل وتجيب الحقايق وتراني اشوفها تفلت عليك هاليومين

[مخاوي منقاش]

ابو امجد /بسم الله ماشا الله عليك وعيني عليك باردة كذا النقد ولا بلاش واشفيت غليلي واتمني ان اصرخ (زهور بالساحة انحش يمنقاش) 00000اقلها يابو امجد اكمل
يالله طلبتك تدحر الجحش منقاش *****جحش الجحوش وتونا عاسفينه
وان رايت والراي الاتم لسعادتكم ان نخليها عيديه لاني احتمال اذا الله اراد والضروف مناسبة ابي اتسحر عنده يوم10 او11 رمضان وبعدها نا خذ راحتنا 00

[مشاكس]

يالله طلبتك تدحر الجحش منقاش *****جحش الجحوش وتونا عاسفينه
أول مره أحس ان خوي منقاش رجال يجيب علوم زينه
بس ودي أقله انك أنت ومنقاش
من نفس الماركة و
ووووورزقي على الله

[سنا الهجرة]

أنا أخبر العسف للناقه


كيف صار للحمير الحين


أقول

لا منقاش ولا مخاويه عندهم سالفه



الظاهر أبو عادل غلطان بالنمره



صراحه انا الوم أبو عادل

والا الشعراء اللي مثله ومثلي يترفعون عن مثل هذي العلوم

وعلمي وسلامتكم

ههه
وبس