**شاعر يعزي الشاص عقب ما ركبوه الخكاريه**

[◄◄خفـآيـآ الـروح►►]

**شاعر يعزي الشاص عقب ما ركبوه الخكاريه** **شاعر يعزي الشاص عقب ما ركبوه الخكاريه** **شاعر يعزي الشاص عقب ما ركبوه الخكاريه** **شاعر يعزي الشاص عقب ما ركبوه الخكاريه** **شاعر يعزي الشاص عقب ما ركبوه الخكاريه**

وهذة القصيدة قالها أحد الشعراء عندما رأى أحد الشباب المراهقين وهو يقوم بتفحيط على جيب
شاص جديد بالاضافه إلى انتشار الجيوب وبشكل ملفت جدا مع الشباب الخكاريا فثارت قريحته
وأنشد يقول :-
يا شاص جيتك نأوي اليوم أعزيـك
……………………قرب يجيك الموت حـان ارتحالـك
من يوم شفنا لابس ألكـاب راعيـك
…………………..مدري وش اللي غير اليـوم حالـك
أبـو سبيـب كنهـا شكـة الديـك
…………………….يمشـي وكنـه مـوردك للمهالـك
إن كـان ذا حالـك فحنـا نخليـك
…………………….يوم الربـع قالـو ترانـا رجالـك
عقب الكوامر والعبث بالشرابيـك
…………………واليوم فوق الشاص عقب الكدالـك
مـا بـاقي الايقلبـونـك تماتـيـك
…………………..ويبـدلـون ألمرتـبـه بالمـدالـك
مادام حطوا لـك جنـوط وسيراميـك
…………………..اصبر تحمّـل كـل شـي ينالـك
يا للي ركبته وش تبـي بالمهاليـك
…………………غلطان أبوك اللي رضا واشترى لـك
الشاص ماهو لك ولا هـوب باغيـك
……………….الشاص لرجال(ن) تعرف المسالك
لصار جـو البـر يمخـش اياديـك
…………………..خله يجـي قرم (ـن) يسوقـه بدالـك
مدام طوقك مرتفـع عـن علابيـك
…………………….وأبـوك زود بالنعـومـة دلالــك
عز الله إن أبوك عجز(ن) يربيـك
…………………ولامسك نصب المساحـي شمالـك
لمـع وظلـل صافيـات الشبابيـك
………………..لا يفارق الفيري مع الوقـت بالـك
الشاص مالك به أقصار خطاويـك
……………………حـدك تراه الدائـري ذا مجـالـك
________________________________
اهداااء خاص لسنا الهجرة

[Dolphy]

ههههه مشكورة خفايا ..
الله يسعدك

[سنا الهجرة]

اهداااء خاص لسنا الهجرة

الإهداء وشهو الشاص والا راعيه

راح فيها الشاص المسيكين .. بعد ما كان ما يركبه الا بدوي شنباته تطلع مع القزاز . . اليوم يفحطون فيه هــ البزارين الله يصلحهم

عموماً إهداء مقبول منك يا خفايا الروح ..
كانت جدتي الله يرحمها تقول >> يفرح بالهدايا من لا يرد جزاها
وانا ماني فرحان بهديتك .. لأني بلشت .. ما ادري وش ارد لك على هذي الهديه المخولفه

[◄◄خفـآيـآ الـروح►►]

المشاركة الأصلية كتبت بواسطة سنا الهجرة

الإهداء وشهو الشاص والا راعيه

راح فيها الشاص المسيكين .. بعد ما كان ما يركبه الا بدوي شنباته تطلع مع القزاز . . اليوم يفحطون فيه هــ البزارين الله يصلحهم

عموماً إهداء مقبول منك يا خفايا الروح ..
كانت جدتي الله يرحمها تقول >> يفرح بالهدايا من لا يرد جزاها

وانا ماني فرحان بهديتك .. لأني بلشت .. ما ادري وش ارد لك على هذي الهديه المخولفه

اللا وشهو(المخولفة)؟؟
والله صراحة اعجبتي القصيدة وقلت اكيد اول من بتعجبه انت..ترا اسحب الهدية...

[سنا الهجرة]

المشاركة الأصلية كتبت بواسطة ◄◄خفـآيـآ الـروح►►

اللا وشهو(المخولفة)؟؟
والله صراحة اعجبتي القصيدة وقلت اكيد اول من بتعجبه انت..ترا اسحب الهدية...

المخولفه يعني التهاويل >>هههههههه>> وفسر الماء بعد الجهد بالماءِ

يعني >>> والله مدري كيف اشرحها >> إسألي السنافيه هي تحب المصطلحات القديمه اللي مثل هذي ومبدعه فيها !!!

المهم الهديه مقبوله .. ومشكوره الف شكر عليها >> الله يحفظك ويرعاك

[البروفيسور]

يعطيك العافيه

ذووووق