من الرياض الى الاستانة(الاخيرة)

[مخاوي منقاش]

من الرياض الى الاستانة(الاخيرة) من الرياض الى الاستانة(الاخيرة) من الرياض الى الاستانة(الاخيرة) من الرياض الى الاستانة(الاخيرة) من الرياض الى الاستانة(الاخيرة)

طبعا انا متاكد ان بعض الناس عارفين ليه اليوم الحلقة الاخيرة(تزامنا مع مسلسل سنوات الدجة) فالحمدلله انتهى ونبغى ننتبه لاشغالنا وقد احسن ملاك ال ام بي سي خيرا عندما انهوه قبل رمضان لنتفرغ للعبادة جعل الله ذالك في ميزان حسناتهم00
نعود لرحلة تركياونختصر بعض المعلومات وسوف اضعها بنقاط=-
1-اجابة على تساؤل ابو عبد الرحمن كم كلفت الرحلة؟ فاقول اعلم اثابك الله ان تكاليف السفر تختلف من شخص الى اخر وانا مكثت 26يوما ولو كتب الله لي السفر الى تلك الديار السنة القادمة لوفرت مالا يقل عن 25 الف ريال بشرط تماسك الدولار ومخاويه الريال فقدكنت اصرف ال100 دولار اول ماوصلتب120 ليرة ووصل بعدفترة الى114 ليرة والبلد غاليه نسبيا بالمقارنه معنا ولكنها ارحم كثير من اورباواغلى مافيها الوقودفسيارة فولكسواجن املأ التانكي بما يعادل 170 دولار(ديزل)علما ان البانزين والديزل اسعارها سوى وانا اخذت سيارة الديزل لاني ادلج كثير ويمشي بك الديزل اكثر واسطوانة الغاز25 ب25ليرةاي90 ريال وكذا السكن في 5 نجوم ولكن ال4 نجوم ممتازة واسعارها مناسبة اذا حجزت من بدري عن طريق الانتر نت
2-كان وصولي قبيل الفجر بساعة وكما قلت سابقا ان مابين وصولنا الى خروجنا من المطار لم يتجاوز 20 دقيقة وقد هاتفني احد الاصدقاء (جاي من جدة) انهم جلسو في المطار ساعتين(وصولهم عصرا) وكان زحمة وفعلا مطارهم صغير
3-بالنسبة للتسوق فان مدينة بورصة مركز جيد وفيه كل ماتطلبه المراة(طبعا انا ماعندي جريم تتسوق)ولكن على العموم الاسعار غالية وينفع معهم المكاسر ويمكن تنزل الاسعار اكثر من25%
4- المطاعم والبقالات كثيرة جدا ومستوياتها متفاوته ولكن الي يقدر على زوجته (مثلي) تسمح لة انه يفسر عن يديه ويربط شماغة على وسطه و يطبخ بالبيت فسوف يوفر قيمة الغداءويضمن النظافة ونحن5 اشخاص غالبا ندفع مابين 60 الى90 ليرة للوجبة حسب مكان المطعم ومستواه
5- فيه جزر ثلاث اسمها جزر الاميرات اكبرها بيوك اضه والفنادق تعمل رحلة مع الغداء ب50 ليرة للشخص مع غداءاو عشاء وانا ذهبت بنفسي للميناء وقطعت تذاكر على المركب وتغدينا بتكلفة 100 ليرة او 90 للعائلة مجرد تسال عن اسم الميناء(قبطاش)ولا تنزل من السفينة الا في الرابعة الكبيرة ولكن ارى ان الرحلة مالها لزمة لئن ما فيها شي يستاهل
6- استانبول لا بد منها لان فيها اغلب الاثار الاسلامية وزيارتها لا بد منها و5 ايام تكفيها اذا تطلعون من8 صباحا فيها اسواق مولات حديثة اكبرها جواهر ونطقه بالتركي صعب وفيه مطاعم وملاهي ومن يوم دخلته عرفت ان نواف يبي يضيع فاعطيته حق الغداء وحددت له مكان اذا ضاع نلقاه عنده(وهذه افضل طرقة في المولات الضخمة )وفعلا عشر دقائق واختفى وقد قابلت كم اسرة خليجية يدورون وغدانهم (انبسط ياشبلي)
7- اذا توفر العدد الكافي فانا مستعد اخذكم قطوعة وان حب ابن سلمان ومن على شاكلته ان نزرق لتركيا عقب مانصوم الست انشالله فما عندي مانع بس لايدري منقاش

[جميل كردي]

طيب ما قلت لنا عندهم الفول زي عندنا والا اغلى وخاصة لو كان قلابه
متعك الله بالصحة والعافية وطولة العمر في رضاه لو بغيت تنقز لها مرة ثانية خذني واللي يرحم والديك

[أبو عبدالرحمن]

لالالا ...ما أحد يخاويك ..

لكن ان كان الشيخ منقاش ..يروح أنا أفكر في الموضوع..

والحمد لله على عودة أبناءك سالمين..

[منقاش]

يبن عمي يا جميل كردي , نصيحة محب لا تخاوي المخاوي حتى في الجنه , تراه مجرم نصاب مقطع قتال قتلا كما يقولون أرحامنا المصاريه . خذ جابتي ولا تسعل عنه أحد بعدي .
وانت يبن عمي يبو عبدالرحمن , أن كنت تبي تمشى من جدك خلينا نروح ديار ما يقدر المخاوي يحوم حولها , خلينا نسافر تنزانيه نصيد أسود وفهود في محمية سرنقتي بايدينا المجرده وبدون سلاح كما سويت مره سابقه أنا ورويعي الغنم .

[مخاوي منقاش]

الاخ جميل /الفول مالي فيه نظر لذا لم اذكرة في ملحمة تركيا ولكن احتياط خذ جرة ولوازمها بس الجراك متوفر0
منقاش /لو رحت لليمن مع ابن عمك كان صدت حمير وبالعين المجرة
ابو عبد الرحمن /جرب رفقتي وجرب رفقة منقاش واعط نصائحك0
ابو امجد افتقدناك كثيرا0
ابن سلمان/انا احارشك لتتواجد لاننا نأنس بك 0
الاخ زملوق/ فينك ياواد0
مدهش/ ياشينك ساكت

[شبلي أبو الونات]

المشاركة الأصلية كتبت بواسطة مخاوي منقاش

الاخ جميل /الفول مالي فيه نظر لذا لم اذكرة في ملحمة تركيا ولكن احتياط خذ جرة ولوازمها بس الجراك متوفر0
منقاش /لو رحت لليمن مع ابن عمك كان صدت حمير وبالعين المجرة
ابو عبد الرحمن /جرب رفقتي وجرب رفقة منقاش واعط نصائحك0
ابو امجد افتقدناك كثيرا0
ابن سلمان/انا احارشك لتتواجد لاننا نأنس بك 0
الاخ زملوق/ فينك ياواد0
مدهش/ ياشينك ساكت

الله لنا يالمخاوي الفضاوي
ما تقول وين شبلي صاحبي
عموما أجاوبك عني أنا ومدهش وبن سلمان
حنا الله يسلمك واعوذ بالله من قولة حنا ليا جات العشر الاخيرة من شعبان منعنا لحانا من الموس وقصرنا ثيابنا واخذنا نقوطر على المساجد ندرب انفسنا على رمضان الله يبلفنا اياه واياك انت واللي يقرون معنا وتعرف من له عادة ما يخليها مثلك يا بو سفريات

[مخاوي منقاش]

الظاهر تدورون مين المسجد الي فطورهم بسوى العنيه وانا العام الماضي كاني لمحت ابن سلمان بالمسجد اللي بجنبي والظاهر يوم شافني غير الملفى0 وانا ما اسال عنك لانك بالجيب مضمون

[@ بن سلمان @]

اصلحك الله يا شبلي
ما ودنا أضهرت عملنا للناس كنت ودي يكون في السر تقيا عن العين
والمخاوي رجال يحب يقلد والله لو تبيه يقلد عبدالله بلخير في لبسه ومشيته وعلكته قلده

[مدهش]

مدهش/ ياشينك ساكت

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قالـوا علامـك صامـت وقلـت يانـاس =كثـر الكـلام يـقـل لاجـلـه مقـامـي
الصمت حكمه والحكـي مصـدر إفـلاس =ولقيـت فـي صمتـي يزيـد احتـرامـي
الصمت له معنى وله ذوق وإحساس= مركـب نجاتـك فـي بحـور الظـلامـي
ترى الرجل صوره مـن الـراس للسـاس =ثــم يتبـيـن جـوهـره بالـكـلامـي
إمـا نطـق فـي كلمـة ترفـع الــرأس =تضفـي علـى شكلـه جديـد الاسـامـي
وإلا يعـود معـدنـه مـعـدن نـحـاس =يرميـه سهمـه بعـد مـاكـان رامــي
لا صار عنـدك مـن ثمينـات الألمـاس =خلـه بصـدرك ليـن وقــت التمـامـي
أخـاف يطلعلـك مـن الـنـاس بــلاس =وإلا سفـيـه مــا يــرد الـسـلامـي
الله خلـق خلقـه علـى عــدة أجـنـاس =وكـلـن يسـوقـه مذهـبـه للأمـامـي
والله خلـق بالطيـر قـمـري وقـرنـاس =ووقـت الهـدد مـا ينغـزي بالحمـامـي
لا جال في صـدرك مـن الهـم هوجـاس =وعيـنـك يحاربـهـا لـذيـذ المنـامـي
ونفسـك عليلـه والفكـر صـار محتـاس =اتـرك طمـان الـقـاع وارق السنـامـي
عليـك بالعالـي لـيـا هــب نسـنـاس =يبـري الجـروح الخافـيـه والعظـامـي
وخلـك لربعـك دايـم الــدوم نـبـراس =وخـص القريـب وخـص ولـد العمامـي
خلـك لهـم فـي داجـي الليـل مقـبـاس =ولصاحب أصـدق مـن حقـوق الغمامـي
ربعـك ذراك ليـا لحـق راسـك البـاس =قـدم لهـم شربـك ولـو كنـت ضامـي
وخلـك لثـوب الطيـب والعـز لـبـاس =واتــرك دروبٍ تنتـهـي بالـحـرامـي
وفعل الجميل وواجـب الضيـف نومـاس =ومـن لا نفـع بالضيـق نفعـه عـدامـي
بيـت الكريـم أبوابـه بــدون حــراس =وبيـت البخيـل يعـد مـثـل الهـدامـي
كـلٍ بهـا الدنـيـا نصيـبـه بمقـيـاس =يـاخـذ نصيـبـه لوجـفـوه الأنـامـي[/POEM]

[مخاوي منقاش]

مدهش /جيت كلك هذا وانت ساكت
ابن سلمان/قصدك لو دخلو جحر ضب لدخلتموه