النجم الساهر(رضاك غايتنا)

[ابو عادل]

النجم الساهر(رضاك غايتنا) النجم الساهر(رضاك غايتنا) النجم الساهر(رضاك غايتنا) النجم الساهر(رضاك غايتنا) النجم الساهر(رضاك غايتنا)

قرأت قصائد النجم الساهر فوجدت فيها مايروي الذائقة لمتذوقي الشعر الأصيل وكنت أستمتع بقراءتها وللأمانة فهو شاعر بكل المقاييس ومتمكن من أدواته الشعرية وبحرفية عالية وهذا مادعاني لمجاراته في قصيدته (رسالة الى النجم) وبكل الحب أرجو أن يتقبل مني هذه المجاراة
التي كتبتها سريعاً لشدة اهتمامي بهذه الشخصية التي لاأعرفها من خلال هذا المعرف:


[POEM="font="Simplified Arabic,5,white,bold,normal" bkcolor="transparent" bkimage="images/backgrounds/77.gif" border="double,10,darkred" type=2 line=0 align=center use=ex num="0,black""]
هيضتني يانجم بلحون وطروق=وجاذبت بحبال الفكر ماطرى لي
لك جاذبية فالسما تحكم الطوق=وانواركم شعّت جنوب وشمالي
ياالتاجر اللي تفرق السوم بالسوق=من راس مالك والريال بريالي
صبرك شوي وكل مطرود ملحوق=والسوق ابو مرزوق والبيع غالي
لمحت في ومضتك بادي ومدروق=مرة يمين ومرةٍ فالشمالي
البارحة طلّيت في حالة شروق=واليوم لايرجع شروقك زوالي
ياعلّ مايلحقك من يمّنا عوق=ولامنك صدّة للرفيق الموالي
يانجم ماطاروقك اليوم طاروق=قطع الرقاب ولاقطوع الوصالي
لايختلف مبداك وتسير محقوق=وتنفض فراش مكرّمين السبالي
ان كان به قاصر ترى الطاق مطبوق=والحق سلم اصحابك اول وتالي
وترى الجمل لاجيب له حمل ووسوق=يبرك لحمله مع بروك الجمالي
رضاك غايتنا ومنزالك الموق=واقبل تحياتي وهذا مقالي
[/POEM]

[أبو عبدالرحمن]

بيض الله وجهك يا أبو عادل ..وصح لسانك

اهتمام من أخ كبير ...وتوجيه من ناصح صادق..

ولا أظن أن النجم سيخيب مثل هذا النداء..

[حسن عابد]

الله الله يابو عادل
رد سريع لنجم سطع نوره وجعلنا من الشغوفين لمتابعته
ابيض وجه

[ابوسيفين]

بيض الله وجهك يابو عادل وصح لسانك ، والنّجم ضيف علينا تملّك بشاعريّته ذائقتنا ، ولاأعتقد أنّه يرد لك طلب وهو الّذي فرح بالأمس بعودتكم 0

[سنا الهجرة]

صح لسانك يا بوعال .. وشاكر ك هذه البادره التي ليست بمستغربه منك فأنت راعي الاوله دائما

والنجم الساهر يستاهل كل هذا الاهتمام .. ولا اعتقد انه بيروح بعد هذا الكلام والاهتمام

[انصاف قلم]

ماشاء الله تبارك الله

صح لسانك . ولافض فوك

[الشيهان]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ان كان به قاصر ترى الطاق مطبوق=والحق سلـم اصحابـك اول وتالـي[/POEM]

تكميل يابو عادل وصح لسانك ولاعاد فيها فتشه يالنجم لن كان لك ود بالمقام بيننا وان كان نويت المغادره اعتقد ان هذي القصيده من قوتها ترد الماء في البير ماتعجز عن ردك لنا

[بن داخل]

صح لسانك يابو عادل
والنجم الساهر
يستاهل كل تقدير
وله الوفى اول وتالي
وفيت وكفيت يابو عادل
بيض الله وجهك

[صقر آل مقبل]

صح لسانك يا بو عادل

[محمد بن حميدان]

عز الله يا بوعادل قصيده ندائيه في غاية الجمال ...

وبيض الله وجهك على هذا الابداع ...

اما النجم الساهر

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وترى الجمل لاجيب له حمل ووسوق=يبرك لحمله مـع بـروك الجمالـي[/POEM]

يا نجم قرات قصائدك جميعها فوجدت طرقها جميل جدا ومميز ولمست منها سهولة المعاني وصعوبة التركيب فهو " السهل الممتنع " ...

يانجم نطالبك بانك لاتستعجل ولاتمشي عن ربعك ... وان كان به حقوق ... فابشر بالحق ... وان كان من زعل فابشر بالرضاوة ...

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا النجم معدن العز والطيب=و طيبك على كل البشر صـار ضافي
هذا المكان فـاخر وكـــــل الأعـاريب مـعلوم نجمك ساطع حيـل صافي
من ديرتي زفيت كـــل التراحيب=و نطلب من المولى يزيدك عوافي
وجودك بينا شــرف دوم يــا ذيب=يانـجم والله نـجم مـا بـه إجحـافي[/POEM]

وسلامتكم,,