رد الشاعر المفقود

[صقر الحجاز]

رد الشاعر المفقود رد الشاعر المفقود رد الشاعر المفقود رد الشاعر المفقود رد الشاعر المفقود

[poem="type=2 font="bold x-large arial, helvetica, sans-serif""]يلوح البرق والرعاد هبي ياهبوب النود=عدد ماشع نور سهيل بانواره وميزاته
ودخِن فالحطب ياعودنا الجاوي ودهن العود= عسى جودي مع الأجواد ماتغلق ملفاته
على سلم العرب يوم العرب فالماقف المحمود= ترحب بالضيوف وكل شيخِ تبان خطواته
غيابي زال ماباقي على النشاد والمنشود = سوى نحر الجمال ودعوة المدعو بقواته
واخص منادي الحله على وضح النقا المجرود = مطبب كل جرحٍ فالزمن تصعب مداواته
وفاه مميزه لاجيت مجلس شيخه المعهود = يخاويني على ماقال يامحسن مخاواته
وهذي حكمة الشعار لاجات الصدور ورود = يهيمون ويشبون القبس كلا وغاياته
لو إني والمخاوي انبرد كبود ونعل كبود = واذا ملنا نميل ونخطف الشيخ وفتواته
لأنا ماحسبنا لليالي البيض قبل السود = وذلك من دهاه وبعد نظراته وهقواته
عذاريبه سعة صدر وكرم مشهود لا محدود = وصفحه عن خويه لو يطول الليل ماباته
يقوله صقر لسهيل العتيبي والله المعبود = عسى الله يسعده ويسامحه في كل هفواته[/poem]

[منقاش]

صح لسانك وزان فالك يا ابن عمي يا صقر الحجاز , وان كنت صقر الحجاز فلا يغرب عن بالك انت وباقي الصقور ان ابو نقشه قدس سره ودام ظله الشريف اصقر منكم وهو صقر الجزيره كلها بما فيها حجازها ونجدها..
وكان بودي ابدع من القيفان ما تيسر وارد عليك انت ومخاويك , لكني فضلت التمشي ببرتوكولات حلفنا ومراعاة الأختصاص وترك الرد عليك لشاعر الحلف المفوه راعي القاف والميقاف النجم سهيل ..
اما المخاوي اللي تعزويت به فهو مثل الفشك اللي تسمع صوته ولا ترى فعله ,, والدليل هروبه من المنتدى بعد وريناه نجوم الليل ضاحيه من نهار وفي مقدمتهم النجم اليماني ..
يا صقرنا وراك تلعب في الوقت الضايع وتنفخ في القربه المخروقه ؟؟, خذها نصيحه تخلص من المخاوي واخلص لأبو نقشه , وان كنت لا تحب الناصحين وباقي في اذانيك شوية صمم فزيد من عزاويك بالمخاوي وناظر هو صدى صوتك يعود عليك والا يضيع في اثير بدر الدجى ؟؟.
يا صقرنا حليفك اتحداه يطل برويسه عليكم وعلى المنتدى ما دام أسد الشرى ابو نقشه قاعد له هنه على ركبه ونص ...
وسلامتك انت والسامعين اجمعين...

[سهيل2012]

عسى جودي مع الأجواد ماتغلق ملفاته

عسى جودي مع الأجواد ما تغلق ملفاته ...

عسى جودي .......

عسى ...

آآآآآآآآآآآآآآآآآآآآآآآآآآآآمين..

صح صح صح لسانك ..

ولا يهونون السامعين ..

أنا اشهد إنك رديت الرد الوافي الكافي اللي يجمد على الشارب !

ويشهد لك قولك قبل سهيل ..

حتى الشيخ منقاش حسيت واستنتجت من رده إنه مبسوط من حُسن منطوقك يا حسن

أحسن الله إليك في الدنيا والآخرة وأكثر من أمثالك المبدعين ..

الآن أقدر أقول نجحت قصيدة سهيل ( الشاعر المفقود ) بعد هذا الرد ..

وأصبح الشاعر الموجود والجود من الموجود .

[سهيل2012]

وترك الرد عليك لشاعر الحلف المفوه راعي القاف والميقاف النجم سهيل

هلا بالخط وكاتب الخط وشيخ الشيوخ وأكبر مطنوخ ..

بعض الكلام ما عاد له رد يا الشيخ منقاش .. الشاعر رد على قصيدة ( الشاعر المفقود )

وصار ( الشاعر الموجود )

وصح لسانه ..

سعدنا بعودتك من جديد ويا هلا ومسهلا .

[أبو عبدالرحمن]

صح لسانك يا صقر المنتدى

كفيت ووفيت

مشكلة سهيل وهقنا في الثلاث حروف

[سهيل2012]

المشاركة الأصلية كتبت بواسطة أبو عبدالرحمن

صح لسانك يا صقر المنتدى

كفيت ووفيت

مشكلة سهيل وهقنا في الثلاث حروف

على مين يا مدير ؟

صدقني ( إنها تعرف بيت راعيها ) !!

ومن أول وهله ونظرة !

[دموع الأقصى]

يعطيك العافية

[صقر الحجاز]

المشاركة الأصلية كتبت بواسطة منقاش

صح لسانك وزان فالك يا ابن عمي يا صقر الحجاز ,
يا صقرنا حليفك اتحداه يطل برويسه عليكم وعلى المنتدى ما دام أسد الشرى ابو نقشه قاعد له هنه على ركبه ونص ...
وسلامتك انت والسامعين اجمعين...

[poem="type=2 font="bold x-large 'decotype naskh variants', arial, helvetica, sans-serif""]يابو نقشه تساومني على رفقة خوي الجنب=وهو غايب ولا يدري عن اللي قلت بغيابه
وانا ما احسب على غيابه مع الايام اية ذنب =على قول المثل من طول الغيبه له اسبابه
بدون انظر خيام(ن) مالها حبل وعمود وطنب=يكون الحق ياصقر القواقز مات طلابه[/poem]

[صقر الحجاز]

المشاركة الأصلية كتبت بواسطة سهيل2012

عسى جودي مع الأجواد ما تغلق ملفاته ...

عسى جودي .......

عسى ...

آآآآآآآآآآآآآآآآآآآآآآآآآآآآمين..

صح صح صح لسانك ..

ولا يهونون السامعين ..

أنا اشهد إنك رديت الرد الوافي الكافي اللي يجمد على الشارب !

ويشهد لك قولك قبل سهيل ..

حتى الشيخ منقاش حسيت واستنتجت من رده إنه مبسوط من حُسن منطوقك يا حسن

أحسن الله إليك في الدنيا والآخرة وأكثر من أمثالك المبدعين ..

الآن أقدر أقول نجحت قصيدة سهيل ( الشاعر المفقود ) بعد هذا الرد ..

وأصبح الشاعر الموجود والجود من الموجود .

حاولت امتط صهوة جوادي للحاق بك لكن تبقى راعي الاولة
وان ارضيت حلفكم الكريم شعريا فما ذلكم الا بفضل الله عز وجل
رغم ما المسه منكما لتشريكي في غياب مخاوي منقاش لكن سأبقى صامدا حتى يعووود

[سهيل2012]

المشاركة الأصلية كتبت بواسطة صقر الحجاز

[poem="type=2 font="bold x-large 'decotype naskh variants', arial, helvetica, sans-serif""]يابو نقشه تساومني على رفقة خوي الجنب=وهو غايب ولا يدري عن اللي قلت بغيابه[/poem]

[poem="type=2 font="bold x-large 'decotype naskh variants', arial, helvetica, sans-serif""]

وانا ما احسب على غيابه مع الايام اية ذنب =على قول المثل من طول الغيبه له اسبابه
بدون انظر خيام(ن) مالها حبل وعمود وطنب=يكون الحق ياصقر القواقز مات طلابه

[/poem]

// إبداع يُحرض على المُجاراة // ولي الشرف أن أجاري صقر الحجاز :


[poem="type=1 color=#3333cc font="bold large tahoma, verdana, arial, helvetica, sans-serif""]أبو نقشه ليا أقبل يا صقر دور على مجنب = تراني محزمه والرمح ويا السيف ونصابه

من بريده طرد صاحبك ومخاويك للمذنب = كواه بكيتين وصفقتين وشقق ثيابه

عليك الدور جاك الذيب صوته كالرعد يقنب = لكنك ريّع المعدال قبل يعضّك بنابه[/poem]