اللهم اني صائم

[مخاوي منقاش]

اللهم اني صائم اللهم اني صائم اللهم اني صائم اللهم اني صائم اللهم اني صائم

لم اكن انوي الخوض في صراع الديوك الذي شنه الديك منقاش على العقاب الصارم وحليفي القوي الجديد والذي سيشكل مع الشيهان قوة جوية ضاربة
واسمحلي ياحليفي الصارم (وانا شممت من كلامك انك شري وهذا اللي ادور علية)اسمحلي ان اقول لاتكتفي ببندقية صيد واحدة بل عندي لك بازوكا ولا تبقي طائرا يطير برجليه الا قصمت فقراته ولا حيوان الا ارغمته على رفع جناحه استسلاما وتعظيما لك ايها الفارس المغوار ودع من يمتطئ صهوة حمارة(الغبي مبسوط يحسبها مدحة رازها كتوقيع) يستعين بمخرجي هوليود لكي يصوروك واطلق مافي حميرة يركبه
الى ثمالة الاعزاء =-
كلمني منقاش قبيل مغرب هذا اليوم يهني بالعيد (وسوف اتابع بعد ما افطر انشالله)

[صقر قريش]

اللهم اني صائم

[ابن يقظان]

مخاوي منقاش

كل عام وانت بخير و من العايدين

يمكن العم منقاش جاب العيد عشان كذا يهنيك بالعيد

[المقداد]

ياشيخنا الاكرم منقاش قد تربعت على عرشك الوثير والقوم يأتمرون بك ..
ولكن يا شيخنا مالهم يقابلون إحسانك بالإساءه !!

هل هذا التهديد يقودنا إلى من هو باحث عن حتفه بظلفه ,, وجادع أنفه بكفه .
هذا ما سنعرفه بقدوم الشريف بعد ان ينتهي من مائدته العامره بالروس .

المقداد

[منقاش]

يالله مسا خير , أمسينا وأمسى الملك لله
أخواني في هذا الكنفيوتر اللي ما نزلته البركه من يوم سجل فيه المخاوي
السلام عليكم ورحمة الله وبركاته , وبعد :
لي كلمتين ألأوله أوجها لكم واقول فيها , لا تصدقون المخاوي ,, هو من متى أبو نقشه يتنازل حتى يرفع التلفون على سويد الوجه مخاوي منقاش الناقص . وانتبهوا لايشقر عصاكم كما يوم شقرها في مره أوله وخلى أبو عبدالرحمن وناس ثانين معه يشوفون النفر نفرين .

الكلمه الثانيه موجهه للخاين مخاوي منقاش أقول فيها : ألعب غيرها يا المخاوي , وروح برا وابعد عن عرين ألأسود لا تقضمك يا مسكين ولا تلقى شمر ولو حتى عظامك , يعني ما تبعث أذا قامت قيامتك ألا من بطونها .

والشيخ ابو نقشه صاحب ألأيادي البيضاء عليك , تراه شيخ ثماله كافه , ولو يقول , ألا ياااااااربعي يا هلي , ما تخلف منهم رجل واحد عن نصرته ظالم أو مظلوم بما فيهم الرجل الطيب اللي تسببت في أنحرافه الشيهان , نسأل الله له الهدايه .
وابن عمي عقاب فارس القبيله , ولو ترشه برشة ماء أرشك بالفليت والا بالريد , لأن قوانيننا من جدودنا حتى هذي حدودنا , تقول , أنا وأخويه على أبن عمي , وأنا وابن عمي على الغريب , وانت يا مسكين يا مخاوي يا غريب خلك أديب , تراك في ديار كلها مأسده .
ووراك ابن عمي وحليفي الكبير أبو سيفين , اللي يدور للشر دوره , وهذا البطل حاطته القبيله للمبارزه بالسيوف , وينازل كل أربعه دفعه واحده , ولا أمديك ترمش ألا وهم مجندلين صرعى يترافسون ومجهز عليهم .
ووراك حليفي فقيه القبيله الشيخ سلام الله يسلمه, اللي لو يسوي لك عمل واحد , خلاك تبابي ليل ونهار سد البيبان , ولا عالجك يا دافع البلا بعد عمله أحد لا في بر ولا بندر .
ووراك شاعر القبيله سنا الهجره اللي لو هجاك ببيت شعر واحد مسحبك البلاط , وخلاك ما عاد تسطي بعده توري العرب وجهك , وربما رقيت عمارة المملكه ورميت بنفسك من فوقها حتى تنهي حياتك بيدك وبئس المصير ( أنصحك لا تنتحر لأن المنتحر لنار جهنم , وقانا الله وأياكم منها).
ووراك حليفي العمده المقداد اللي يقدر يجهز عليك بضربه واحده من شونه , ووراك الشيخ ملقاط اللي يقدر يلقطك براس الملقاط ويشويك على طرف جمر اللظى , ووراك الشيخ ابن همام العيان اللي يضرب بالعين ولا يقوم منها أنس ولا جان , وأن كنت ما تصدق أسأل صاحبك ابو عبدالرحمن يوريك على الكنفيوتر القريه اللي كانت آمنة مطمئنه ودخلها ابن همام يوم وشب الحرايق فيها والمطر عليها همال , ووراك ووراك , ما أقدر أعدهم ولا أعد فعالهم .
بعباره أقصر , ملأنا البر حتى ضاق عنا , وظهر البحر نملؤه سفينا يا مسكينا ,, أذا بلغ الفطام لنا صبي , تخر له يالمخاوي الجبان وربعك ساجدينا .
والختام , حماري اللي تسب فيه , تذكر أن له فضل عليك يوم جيت من عند ذيله ورفسك رفسه مباركه على صابرك , وخلاك تروح لموسكو ولغيرها تسوي عمليات تجميل حتى تزيل آثار حافره , وآسف على ألأطاله , ويش نسوي ؟, أعتبروها غضبة حليم , وشكرا .

[المقداد]

وراء الأكمه ماورائها !!!
خطير ياشيخ اياك اعني واسمعي ياجاره ..
المقداد

[منقاش]

أشكرك أيها البطل والحليف الوفي العمده المقدار بن ألأسود , وفعلا , ما لها ألا رجالها , وهذا وقت الميقاف , والا بلاشي......

[ابن يقظان]

يا جماعه الخير هدوا اللعب و كل واحد يصلح سيارته

[عقاب]

انا مافهمت شي
لكن شكلها نشبة ونشبناها مانشبها الحمار في طلعه

[أبو عبدالرحمن]

حي الله المخاوي
تقبل الله منا ومنك
أشوف مجلس الاستراحة أنسب لموضوعك
وأبونقشة ماعنده إلا طراطيع