تكفى ترا تكفـى تهـز الرجاجيـل....قصيده تهز الوجدان >>>منقول

[بن سالم]

تكفى ترا تكفـى تهـز الرجاجيـل....قصيده تهز الوجدان >>>منقول تكفى ترا تكفـى تهـز الرجاجيـل....قصيده تهز الوجدان >>>منقول تكفى ترا تكفـى تهـز الرجاجيـل....قصيده تهز الوجدان >>>منقول تكفى ترا تكفـى تهـز الرجاجيـل....قصيده تهز الوجدان >>>منقول تكفى ترا تكفـى تهـز الرجاجيـل....قصيده تهز الوجدان >>>منقول

تكفى ترا تكفـى تهـز الرجاجيـل
ولولا ظروف الوقت ما قلت تكفـى

تكفى يا مزيد ما يبا العلم تفصيـل

المشكله كبرت على عماش تكفـى

ما قلت تكفى غير من فترة الحيـل

وانته ولد من يفعل الطيـب تكفـى

انخاك من كثـر العنـا والبهاذيـل

الفقر حطمني .. وانا ازريت تكفى

غديت مثل اللي برك ضامه الشيـل

تضحك بي ضعوف الرجاجيل تكفى

يومٍ لك وقفه .. وجاه .. ومداخيـل

ما نغتني عن مثل شـرواك تكفـى

افزع ترا وقتي غـدى كنـه الليـل

والعلم ما يخفـاك يالقـرم تكفـى

ما عاد بي شده ولا عاد بـي حيـل

ضدتني الايـام ... والقـلّ تكفـى

اروح وارجع ما حصلي محاصيـل

والرجل بادت .. يا فتى الجود تكفى

واليوم عندك يا رفيـق المشاكيـل

العذر ما ينفع وانـا قـول تكفـى

حيثك من اهل الطيب واهل المفاعيل

يا زبن من جاله ومن قـال تكفـى

الجيب فاضي .. واليالـي مقابيـل

عجزت اعيش مع الرجاجيل تكفـى

والراتب المحدود .. يروح تحويـل

من الاداره .. لاهل الديـن تكفـى

حتى عيالي ما قدرت الهـم الكيـل

والازمه لا جات .. صديـت تكفـى

ارجى الفرج والله يجيب التساهيـل

واعيش في راحه مع الناس تكفـى

والله كريم .. يبدل الحـال تبديـل

وما قلّ دلّ .. وصامل الهرج تكفـى

[قائد الطابور]

نقل موفق يا بن سالم ، عساك سالم وبيض الله وجهك .

[بن سالم]

شكرا لمرورك ياقائد الطابوووووووووووووووور

[الحمدان]

يعطيك العافية

[بلاحدود]

salam:

بن سالم القصيدة رائعه جدا وواضحة المعنى

ويعطيك العافية على هذا الاختيار المميز .

وقد اطلعت قبل سنه تقريبا من خلال احد المنتديات على قصيده يبدو ان هذه القصيده مجراة لها

وعجبتني ابياتها واعجبت كل من عرضتها عليهم الا ان قائلها كان مجهول وقد تناول كثير من

الشعراء الشطر المشهورمنها في كثير من القصائد (( تكفى ترا تكفى تهز الرجاجيل ))

وقبل اقل من شهرين اتصل عليه احد الأصدقاء وهو شاعر ممن عرضت عليه القصيده في

محاولة لمعرفة قائلها وأفادني انه حصل على معلومة مفادها ان القصيدة لشاعر شهري يكني

نفسه ((بأخو تكفى )) اسمه محمد الشهري وانه في طور الحصول على معلومات اوفا عنه

وتكون يابن سالم صاحب الفضل ان كنت تعرف معلومة تفيدني في ذلك

واليكم القصيدة التي ارى ان عليها بخبرتي المتواضعة لمست شاعر متمكن :


[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]اما لطمنا العيل والا ألطم العيــــــل =مادام شب النار مندوب الاطفا

من ذاق حر القايله يعشق الليـــــل = ومن شب ضوه ليلة البرد يدفـا

امسيت في جيلٍ ولاهو بذا الجيل = واصبحت والا ديرتي شبه منفـا

واللي حما بيته بطيـرن ابابيـــــل = ماجيت ادور كل من صد واقفا

ولاجيت ابشحذ يانما دلّه وهيـــل = جيتك وجرح الظلم غاديه يشفا

جيتك بكلمه كنها صعقة الــويـل = ان قلت تكفا لاتهـاون بتكفـــا

تكفا تراها كلمةٍ تقطم الحيــــــل = لابالله الا تنسف الحيـل نسفــا

تكفا ترا تكفا لها هدرة السيــــل = في صدر حرٍ ينتف الطيب نتفـا

تكفا ترا تكفا لها تسّرج الخيـــل = ان كان لك في مجمع الخيل عسفا

تكفا تراني من قرومٍ مشاكيـــل = حماية الساقه بسيـفٍ وشلفــــــــا

تكفا وتكفا ماتسـاق لمهابيـــــل = تكفا تخلّي القرم لاشٍ وهطفـــــــا

تكفا ترى تكفا تهزّ الرجاجيـل = لولا صروف الوقت ماقلت تكفا[/POEM]


وتقبل تحياتي بلا حدود

[@ بن سلمان @]

بن سالم
بلا حدود
هاكم هذا الرابط
http://www.thomala.com/vb/showthread.php?t=9095

[بلاحدود]

salam:
بن سلمان انا من يوم شجعتك على المقص وانت طاردني من موضوع في الثاني
لكن ابي افوتها لك
قبل دقايق من اطلاعي على ردك لقيت هذه القصيده باسم الشهري الذي ورد في مقال ابو نايف
في احد المنتديات وانا في الحقيقة معجب بهذه القصيده وكنت ابحث عن ثقة يؤكد لي المعلومة
بعيد عن المنتديات ولكن يبدو انه لا بد مما ليس منه بد لأن المنتديات في الحقيقة ليس مصدر ثقه الا ما ندر مثل الصحافه
اشكرك يابن سلمان واشكر ابو نايف واشكر بن سالم وما عليك الا دمج الموضوعين اوحذف
الاخير يابومقص هههههه

بلاحدود

[بن سالم]

سعدت بجميع الردود وحفظكم الله من كل شر