باب الخير .. مدري الطاقه

[سنا الهجرة]

باب الخير .. مدري الطاقه باب الخير .. مدري الطاقه باب الخير .. مدري الطاقه باب الخير .. مدري الطاقه باب الخير .. مدري الطاقه

صباحاتكم ومساءاتكم كلها خيرات وبركات .. أيها الاخوة والاخوات

هذي قصيدة ماهي بعيد عن الـ ( حلمنتيشي ) اللي فتح بابها أبو ليد
طبعا مناسبة هذي القصيدة هي مداعبة لأحد الزملاء ( بدوي على السليقه) ويعشق الإبل ويقدر حليبها بشكل غير طبيعي .. ويوم اني تصبحت بوجهه وهو عليه بقايا من غبار الاسبوع اللي فات
صبحت عليه بمطلع هذي القصيده ( بيت واحد فقط) وحلف علي اني اكملها قصيده
قلت له تراني بحش فيك >> قال خذ راحتك >> المهم مالكم بالطويله .. اليكم القصيده الحلمنتيشنيه .. اللي هي مداعبه في المقام الاول وفيها تصوير لأهل الباديه في الماضي .. أما الحين ما عليهم خلاف ياربي لك الحمد

[POEM="font="Simplified Arabic,5,blue,bold,normal" bkcolor="transparent" bkimage="images/backgrounds/40.gif" border="none,4,gray" type=2 line=0 align=center use=ex num="0,black""]
صباحك احلا من حليب الناقه=اللي من اطياب الدبش منقيه
بعيون بدو(ن) للعشى تواقه=ما حصلوا منحه ولا عاريه
والكل منهم ناشفات ارياقه=متقاسمين الفقر بالاسويه
كانوا بخير وباغتتهم فاقه=واخذوا سنين ديارهم مسنيه
والزاد خمسه ايام محدٍ ذاقه=والشمس حراقه ومامن فيه
والما تخيل عيونهم براقه=واليا نزل ما ترفي المطويه
يا كثر ماهم للروى تواقه=والارض عنهم كنها محميه
ما منهم اللي لو سبرت اعماقه=الا وتلقى كبودهم مكويه
أصغرهم اللي لو تكسًّر ساقه=من شان لقمه .. في نظره شويه
وديارهم .. مرتاع للبواقه=ما وفَّروا درهم ولا ربيه
واليوم باب الخير .. مدري الطاقه=الله فتحها .. غطرفي يا خيه
وبعد ما ذاقوا حليب الناقه=ذاقوا حلاة النعمه المنسيه
[/POEM]





.

[بنت ابو متعب]

يعطيك العافيه

[سنا الهجرة]

المشاركة الأصلية كتبت بواسطة بنت ابو متعب

يعطيك العافيه

الله يعافيك يا بنت أبو متعب
شاكر ومقدر تواجدك

حفظك الله

[ابو عبد المحسن]

هلا والله بسنا غايب سنه .. ولكن مسموح لأ نك جبت الغنايم في هذه الرائعة التي من السهل الممتنع ..
ثم ما سبب إنتشار مصطلح " الشعرالحملنتيشي" بعد تعليقنا على قصيدة الشاعر خلف . التي هي فعلا حلمنتيشية . وكأنه راق لكم اسم المصطلح
وعلى اية حال جائتني بعض الإستفسارات وبها بعض العتاب ..من أتيت بهذا المصطلح .. والحقيقة انا لم ابتكر هذ المسمى لهذا النوع من الشعر الهزلي غالبا ..ولكنه قديم قدم تقسيمات المذاهب الادبية ..
عموما سرني إيابك بعد غياب .. والقصيدة كأنها من شعر الإخوانيات ذات الغرض المحدد والموجه سلفا لأخ او صديق لغرض التسرية والترويح ..
هدوء القصيدة وسلاسة الفظاها وإستقامة الوزن والجرس الموسيقي من أهم جمالياتها وإن كانت كثر .
ولنا عود آآخر إن شاء الله...
تواجدك على متصفحك يبهجنا ,, لا عدمناك .
وفي النفس حاجات اليك كثيرة ........ الشرح فيها والحديث يطول
................ تقبل مروري .

[كشكول]

ياعيني عليك ياسنا

صح لسانك وسلك عقلك وبنانك


الا تلحقك الترقيه ولا لا

[النادر]

يالله يابو عبدالله حلمنتشناها معك


[POEM="font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يسعد مسا راعي حليب الناقه=اللي حلب واسقى الكبود الحيه
من بعد جور الوقت شق فتاقه=وترك على وجيه الشقا ماريه
الجوع ساعد شمسها الحراقه=وايبس لهات اللي معاه لهيه
جاب الصميل معلقه باشناقه=وارتد روح ٍ للفنا مطويه
هذاك لاشفته بعيد فلاقه=الاجودي مالك منه صديه
والا قليل الفود باع رفاقه=عشان لعبة طاق ياطاقيه
[/POEM]

[حسن عابد]

سنا
فكرك كبير صح لسانك

[سنا الهجرة]

المشاركة الأصلية كتبت بواسطة ابو عبد المحسن

هلا والله بسنا غايب سنه .. ولكن مسموح لأ نك جبت الغنايم في هذه الرائعة التي من السهل الممتنع ..
ثم ما سبب إنتشار مصطلح " الشعرالحملنتيشي" بعد تعليقنا على قصيدة الشاعر خلف . التي هي فعلا حلمنتيشية . وكأنه راق لكم اسم المصطلح
وعلى اية حال جائتني بعض الإستفسارات وبها بعض العتاب ..من أتيت بهذا المصطلح .. والحقيقة انا لم ابتكر هذ المسمى لهذا النوع من الشعر الهزلي غالبا ..ولكنه قديم قدم تقسيمات المذاهب الادبية ..
عموما سرني إيابك بعد غياب .. والقصيدة كأنها من شعر الإخوانيات ذات الغرض المحدد والموجه سلفا لأخ او صديق لغرض التسرية والترويح ..
هدوء القصيدة وسلاسة الفظاها وإستقامة الوزن والجرس الموسيقي من أهم جمالياتها وإن كانت كثر .
ولنا عود آآخر إن شاء الله...
تواجدك على متصفحك يبهجنا ,, لا عدمناك .
وفي النفس حاجات اليك كثيرة ........ الشرح فيها والحديث يطول
................ تقبل مروري .

هلا وغلا يابو عبدالمحسن
الله يجزاك خير .. انت ممن هم خير من يعذر .. وأنا وإن غبت عنكم فأنتم في قلبي
ولا يزال هذا المنتدى له أجمل الذكريات وأحلا المسامرات في مخيلتي
والعصفور لا ينسى طريق عشه وان غادر للبحث عن لقمة عيشه

أما عن الحلمنتيشن .. أتوقع ان أبو وليد هو من يجيبك عنها لأنني لم أعرفها الا عن طريقه. >> كنت غافل عن هذا النوع من الشعر وان تطرقت له من قبل فهي من باب الصدفه لا غير
وأما عن القصيدة فـ نعم هي أحادية الموضوع و موجهه لشخص بعينه لها مناسب أوضحتها في السياق .. ولكن لمن يستطيع سبر أغوارها وفهم مغزاها فهي ذات أهداف كثيرة ومعاني لا أعتقد أنها تغيب عن ناقد بحجمك .. وانت ممن يستطيع قرائة ما بين السطور ..

أبو عبدالمحسن >> أسعدني تواجدك وسوف يسعدني أكثر عودتك

[سنا الهجرة]

المشاركة الأصلية كتبت بواسطة كشكول

ياعيني عليك ياسنا

صح لسانك وسلك عقلك وبنانك


الا تلحقك الترقيه ولا لا

صح ابدانك .. اخي كشكول

بالنسبة للترقية .. للأسف مالي فيها
لكن الحمد لله .. الخير كثير وان فاتنا جزء ما خطينا الثاني

نحمد الله ونشكره

[خلف بن عبدالعزيز الثمالي]

ههههههههههههه
صح لسانك ياسنا الهجرة
ولاعاد فيه وانا خوك من اليوم ورايح
إلا حلمنتيشيات في حلمنتيشيات

عودتك أفرحتني