عندما نمت في الليموزين

[ابو نشقه]

عندما نمت في الليموزين عندما نمت في الليموزين عندما نمت في الليموزين عندما نمت في الليموزين عندما نمت في الليموزين

عمتم مسائن أو صباحن

اللي يقراها بالليل يعني مسائن واللي بالصبح يعني صباحن ولا يطلع لي أحد يقول انا ماني من حارتكم عشان اعرف اذا انا في صبح ولا ليل ( اقول اخلص يالفيلسوف)

كيف حالكم .. وش اخباااااااااركم

السالفه وما فيها ياطويلين العمر ان هالقصه قصه صدقيه وتدور احداث هذه القصه ايام اول .. ايام العسكريم اللي اخره لبان وأيام محيسن الجمعان !! وايام اللعبه ذيك اللي نسويها بالبوجي حق المكينه
ابدا مايعرف يأرّخ القصه ( كيف كلمة يأرّخ ؟؟ جيــده ولا ؟ ) الزبده انها ايام زمااان ايام العسكريم اللي اخره لبان وايام محيسن الجمعان ( خلااااص ياخوي عرفنا !!!!!!!!!! )


قبل كل شي احب اشرح لشخصكم الكريم( صح عليك يالاخلاق ) سالفة اللعبه ام بواجي


هذا الله يسلمكم ويحييكم ويعز مقداركم ( بتقلّط انت ؟! ) فيه لعبه اول كنا نلعبها مكوناتها عباره عن :

- بوجي 2 جرام مغسول جيداً .. ( متوفر لدى اقرب صناعيه أو بنشري أو اي محل لقطع الغيار )

- ريشة حمامه عدد 7 أو أكثر ( عاد هذي ما يبيلها ,, سهل تلقونها ) خخخخ الله يذكر ايامك بالخير يا عبدالرب !)عبدالرب سوداني من عيال جيراننا زمان ابوه كان مدرس وامه نقاشة حنا)

- علبة كبريت ( يحبذ انكم تخلونها درزن كبريت عشان تفلونها صح)

- مسمار صلب ,, عشان ما ينعفط عليكم عندما يسقط البوجي على الأرض

طريقة التحضير :

اول شي نكسر راس البوجي بعدين نحط الريش تحت البوشي ( اما بوووشي !! ام الكيبورد اليااابس ياشيييييخ ) بعدين تفتفت الكبريت في البوجي ثم تضع المسمار برويّه ( كيف الكلمه ذي بعد ؟؟ اووووووكي؟)
بعد ما تثبت المسمار برويّه زي ما قلت قبل شوي تقوم ترمي البوجي الى أعلى ثم بعد ذلك تنظر اليه وهو يسقط ..

سؤال :

ليش حطينا ريش الحمام تحت البوجي !؟؟(قال يعني بيحمسكم بالاسئله)

الزبده .. بعد مايسقط البوجي على الأرض ستسمع .. صوت يقول طع
عاد اذا ما طلع الصوت ذا معناته البوجي محترق ورح انعععععن ابو البنشري اللي عطاك البوجي


ما اطول عليكم يا أعزائي ) !!كل هذا وماطولت؟)

سالفتي هذي صارت ايام العسكريم (ام القلق اللي كذااااااااااااااا )
لا جد والله .. صارت يوم كنت صغير ( من اوووووووول ياااااخي)

عندما كنت صغيرن ويافعن ويانعن كنت من الاولاد اللذين يؤمنون بالملااااهي .. اقدّر شي اسمه ملاااهي .. وكانت اقوى ملاااهي في وقتي ( مو عاقل بقايا الحرب العالميه الاولى ) ,, ملاهي عالم الطفل في جده خخخخخخخخ

اييييييييييه دوووننيييييييياااااااااا

كان ذاك اليوم ثالث ايام العيييد وابوي كان مسافر احلف
(والله العظيم) كان مسافر بس مدري وين ( تظنون رايح مصر؟) يسمع بمصر خخخخخخخخ)
عمري ذيك الحزه كان 5 سنوات أو يمكن 6 سنوات .. ولا تدرون خلنا ناخذ المتوسط كان عمري 5,5 ( عمري وانا حر)

اخذنا ليموزين من بيتنا للملاهي ( عادي ماعندنا سواق .. فيها شي !؟ بس ترا عندنا مسبح وقتها !!! )

كان المشوار من بيتنا لعالم الطفل ياخذ ساعه ويمكن ساعتين ولا تدرون خلنا ناخذ المتوسط ( مو كنك فليتها يا حسن الطيب؟ )

ملحوظه :

حسن الطيب هذا مدرس رياضيات درسني جميع المراحل ابتدائن من اول ابتدائي لين ثالث ثانوي وازيدكم من الشعر بيت الحين يدرسني تدبير منزلي !!!! مشالله عليه ذا الزول ماتعوق معه اي ماده ههههههههه

المهم .. مشوار مدته زي كذا يدل على ان السعر لا يقل عن 30 ريال كحد ادنى ( اجل ساعه من بيتكم لعالم الطفل !! والله لو انكم ساكنين في ذهبان وتروحون لها رجليه ) رجليه يعني كعابي يعني على الأقدام يعني مشي) الله يرحم امك لاعاد تشرح

عمومن راعي الليموزين طلع سوداني قال لامي بأخذكم للملاهي بـ 35 ريال قالت امي خمس ريال ولا شغّل العداد

"امي بعد الله يهديها ماتعرف تكاسر ولا مشوار ابو 35 تخليه بـ 5 ريال ؟

) لا والله تبيه يوصلكم بلااااش ؟؟ (

ركبت امي العزيزه وركبنا معها وبينما نحن في الطريق الى الملااهي فإذا بذاك الجبل الكبييييييير الذي من كبره حسيت اني نمله ( الشرهه على اللي خلاك تكتب سالفه ياشيييييخ (

امزح امزح .. واحنا في الطريق هفّت نفسي على شاورما من مطعم يامال الشام اللي كان بشارع التحليه .. فقالت امي لراعي الليموزين ودّنا لمطعم يامال الشام كوكلي ( صح عليك يايمه ملتي لانقوج ) ولدي ابو نشقه عاوز شاورمااا

ترا راعي الليموزين ماوقف ابد بس انه قال :

لا والله !؟ ما ودك بعد تاخذون لفّتين على حديقة الحيوانات اللي في شارع فلسطين ثم بعد ذلك نسيّر على بنت خالتك وناخذ بساط ونطلع نكشت !؟؟؟؟
قالها وهو يضحك .. قال يعني ان امي بتقول لا
خخخخخخخخخخخخخخخخ الله يرجك يامامي

المهم .. رحنا ليامال الشام واخذت لي ثلاثه شاورما خفيف مونينيز كتشب شطه ( وتبي تقنعنا ان عمرك خمس سنوات بعد؟ (

بعد ما اخذنا الطلب اتجهنا الى عالم الطفل .. عالم الطفل وما ادراك ما عالم الطفل
انه العالم الذي بقدرت قادر تدخل وش زينك تضحك .. وتطلع ماسكه على صياااااح
ههههههههه سحقن لهذا العالم

ماعلينا .. يوم وصلنا لعالم الطفل وجينا ندخل قالت المزّه اللي عند الباب ( مزه ياقليل الادب؟

قالت مافيه دخله ولدك ذا شكله ماعجبني !!!!!!!!

انععععععن ابو التهزيء تقول ما عجبتها وما تبيني ادخل !! .. وقتها كان في راسي اسحب تنورتها وانحااش ( صح يالجريء ) بس اني قلت مالها داعي افشل امي عندها
فقررت اني اقعد عند الباب وامي تدخل ,, هقوتن مني ان المزه بترحمني وتدخلني

لكن هيهات لي ان ادخل وذي المصريه مستقعده

ملحوظه : مزه تعني فتاة للي مايعرف معناتها) بالله صحيح يالبريء؟) !!

وانا تاكي عند الباب لقيت عائله توهم جايين فقررت اني ادخل معهم ( تستهبل انت؟ !! جاي مع امك ولا دخلت !! بتدخل مع العائله؟ !! ) وش اسوي طيييييب قولوا لي وش الحل !؟

المهم احسب اني بذا الحركه بألخمها وبدخل ,, بس يقول المثل : وقف ووادعني ترا العمر ساعه ,, ما هقوتي باقي من العمر باقي !!!

اخر شي مسكت معي اني ادخل بأيتوهاااااا طريأه .. فقررت انط ( النظام المدرسي الله لايحرمنا منه)

رحت ادور لي مكان اقدر انط منه .. فجأه لقيت شبك وقررت اني ادخل من عنده ,, فتم ذلك ودخلت الملاهي وبينما انا اسير في ممرات وسراديب وأزقّت القصر فإذا بذاك الجبل اللي شفته قبل شوي وحسيت اني نمله عنده يطلع لي مره ثانيه ( لاعاد تكتب مواضيع تكفى)

لا جد ,, شفت لكم ذيك الفتاة اللي من يوم شفتها حسيت ان فيني رغبه جامحه
رغبه غير طبيعيه بأني العب معها سيارات تصادم ( صح عليييييك انت ورغبتك يابو كاب )

المفروض اول شي اسويه اروح لامي اقول لها اني دخلت واني ابي فلوس عشان العب بس من شفت الفتاة ذي حسيت ان فيني رغبه جامحه رغبه غير طبيعيه ...... ( يازين من رفسك)

الزووووبده من شفتها وانا ضايعتن علومي لدرجة اني رحت عندها وقلت : تعرفين من ابوي ؟ ( وش عنـــــــــــــــــــــــده ؟)
قالت لا والله ما عرفت .. قلت خلاص اجل شوي نسافر ونروح له انا وانتي!!!!!! ( الله يرجني وش فيني منلحس !! ماعرف اسولف(

قمنا نلعب انا وهي وصرنا اصدقاااء وكل ماجينا نلعب لعبه قلت يووووووووه شوي بس خليني بروح اخذ فلوس من امي واجي .. تقوم هي وتقول لا ياخي وش دعوه فلوسي وفلوسك واحد ( هع هع هع ثبتت نفسها زوجتي بدري عليها)

عاد انبسطت انا ,, بلعب بلااااااااش( تحمد ربها بعد اني بلعب معها .. ولا ؟)
لعبناااا لعبناااا لعبناااا لين دخنااااا وصار عندنا ليل !!
البنت طفّرت وانا سحبت عليها ورحت العب مع غيرها ) اوووكي يالخياااااااااااااانه(
شافتني امي وانا العب .. نادتني ثم قالت :

أمي : ابو نشقه كيف دخلت !؟
أنا : سباحه !! .. مع الباب يعني كيف !؟ ( قلتها وانا مبتسم )
امي : عناد لك يوم انك تستخف دمك بنروح البيت الحين) !!!!!!!! ( يؤ .. ماينمزح معها هذي)
انا : ماما عم بمزح ماعيك مابدي رووووح للبيييييت .. بدي إلعب .. وحياة البابا عندك بتتركيني إلعب مع الصبايااااا (يحزن رامي عياش)
أمي : لا مافيه يالله مشينا
انا : حيوان اللي يجي معكم مره ثانيه ( قفلت الاخلاق(
أمي : يالله انت وراسك ذا اللي كنه قمر !!

أتمنى من الجميع التوضيح : وش كان قصد امي بذا المحش ؟؟ هل تقصد ان راسي كبير ؟ولا انه حلوو ؟؟ ) أرجو الإفاده !!

يوم شلنا اغراضنا وترامسنا وتمرنا وفصفصنا قالت امي باقي معي تذكرتين بروح ارجعها ( وش ذا الام بالله ؟ معها تذكرتين وماتبيني ألعب .. استقعااد )

رجعتها امي وطلعنا عند الباب ,, طبعن واحنا طالعين شافتني المزّه اللي عند الباب وتنحت لوهله .. ناظرت فيها وسويت لها خمس ارقام
وقفنا عند البوابه نحتري ليموزين .. فجأه وقف راعي ليموزين وطلع خوينا ماغيره .. يوم شافني وشاف امي قال على وين انشالله .. لا يكون الرياض ذي المره وبخمس ريال ؟؟؟ ( ماينلام الضعيف (

قالت امي لا وانا امك نبي بيتنا بس بنص السعر ذي المره صرنا زباين عندك !!!!
المسكين طلع فوق راسه علامة تعجب من القهر .. قال يالله مو مشكله اكسب فيكم اجر انتي وبزارينك
ركبنا الليموزين واحنا في منتصف الطريق هفت نفسي على نص حبه بخاري على شويه سلطه على قليل من الشطه مع لتر لبن !!!! فقالت امي لراعي الليموزين ودنا لأقرب بخاري .. ناظر فيها راعي الليموزين وقال :
وش وضع امكم انتي وعيالك !؟ لا يكون خوالكم افغان؟ !!! .. قالت امي اهااااا عاد لا يكثر ورح لاقرب بخاري لا اهفك بذا النعووووووول .. انقطم راعي الليموزين واكل تبن وراح للمطعم .. اخذنا الطلب وقمت اكل في السياره !! بتقولون وين !!؟ بقول والله مدري بس لحد يدقق هي ماهي سالفه يعني اووووووووووص ولا كلمممممممممممه .. لا تناقشوني خلاااااااااااااااص

بعد ما اكلت الهابي مييل بتاعتي ( عادي أفغاني صغير ) .. تخدرت وخثرت وجاني النوم والبيت مشوااااار على بال ما نوصله
قلت لامي ابي انام قالت طيب رح نام ورى عند القزاز ( سريرنا اول .. حصرياً لأفراد عائلتنا )

نقزت لوراء واخذت وضع الانبطاح ووجهي بإتجاه السيارات اللي ورانا وخذلك استهبال عليهم
واحد اطلع له لساني وواحد اطلع له اصبعي من خشمي وواحد اغمض وافتح عيوني فجأه ,, قال يعني بأعرف وش بيسوي وانا مغمض ههههه يعني حركات بزارين لا تشرهون

آخر شي نمت من التعب والاستهبال ..

وصلنا البيت وليتنا ما وصلنا .. تخيلوووووووووووووو
يوم وصلنا نزلت امي واخواني و الشغاله ونسوني نايم ورا !!!!!!!!!!!!!!!!!!
هل يعقل هازااااااااااا
ليش طيب ليشششششششششششششش ؟؟؟؟؟؟
لذي الدرجه يبون يتخلون عني وانا ولدهم الرائع الجميل !!؟
لذي الدرجه هانت عليهم العشره ?!!
منكم لله .. ربنا ع المفتري

نزلوووو وخلوني منبطح وناااااااااااايم .. طبعن راعي الليموزين ما صدق على الله ان امي وعيالها ( تكفى ياولد الجيران !! ..( نزلووو
أول ما نزلوووووو مشى راعي الليموزين حتى اذكر ان عباية امي علقت في الباب( ماعرفنالك انت !! نايم ولا وش وضعك وقتها !؟(

مشى راعي الليموزين وانا ورى ناااااايم .. فجأه

وقف راعي الليموزين عند الاشاره وجيتك مجاوب على خشمي من الخلف .. راعي الليموزين وقتها شك انه في بيت مهجوررر مو في سيارته ) بايخه صح؟) ادري بس هذي اللي طلعت معي
انهبل الضعيف يحسبني سكني ( سكني ولا تجاري ) هي هي هي ( ودكم تطقوني على سذاجتي صح !؟ ) عادي وسعوا صدوركم .. بعد ما وقف قمت انا من الفجعه ابكي واصيح
انلحس الرجال ولسان حاله يقول ( شساااااااااالفه ياولد !!؟ )

بعد ما شافني وعرف اني ولدهم .. ومن اللحسه اللي انلحسها الزوول بدال ما ياخذني للبيت اخذني لقسم الشرطه !!!

وفي القسم قامواا يحققون معي ويفتشوني .. وطقووو برنت يشوفون علي مخالفات ولا لا وهل راعي البقاله يطلبني شي ولا لا !

المهم ,, جت امي وعمي وخذوني من القسم .. وابوي الى يومكم هذ وهو مايدري بالسالفه خخخخخخخ الله يرجك يايمه ماتبين تتطلقين هاه بس هين والله لأعلم ( قوة نذااااااااااااله)

زبدة السالفه :

لو ان السوداني ماخذني ومربيني مع عياله وش كنت بأصير الحين؟ :

أ- الاول على الجامعه
ب- سمكري في الصناعيه
ج- مدرس خصوصي

[ABO TURKI]

هههههههههههههه
لو انك سوداني امداك دافووووور( شاطر ) ليس مانطبخ عليه

[السيكل]

ههههههههههههههههههههههههههههههههههههههههي
اسند العلم