الشريف غالب بن منصور بن لؤي"

[البروفيسور]

الشريف غالب بن منصور بن لؤي" الشريف غالب بن منصور بن لؤي" الشريف غالب بن منصور بن لؤي" الشريف غالب بن منصور بن لؤي" الشريف غالب بن منصور بن لؤي"

الشريف غالب بن منصور بن غالب، أبو لؤي العبدلي، الشاعر
1356 – 1425هـ

الشريف غالب بن منصور بن غالب بن ناصر بن عبد الله بن حسين بن لؤي العبدلي ولد رحمه الله عام 1356ه في الخرمه وكتب الشعر وهو في سن الثامنه عشر من عمره، كتب في اغراض الشعر المتعدده من المدح والرثاء والغزل والوصف توفي رحمه الله في محافظة الخرمه في رمضان 991425ه رحمه الله ابو لؤي رحمة واسعه واسكنه الله فسيح جناته.
محاورة بين البدوي والفلاح للشاعر الشريف غالب بن منصور بن لؤي:


بأبدي بذكر الله على مايكوني قدام بدع امثالها واللحوني


وأعدل القيفان عدل الغصوني من هاجس عنا هناديب الافكار


وأصب قافي مثل صب الريالي وألعب بملحوني على شف بالي


حيث المعاني تستوي للرجالي وأتشوق اهل العرف واصحاب الانظار


وترى القصيد أمجيد يا مستمع فيه لا جا من اللي باخص في معانيه


ويعدل القيفان ما هوب يلويه معتاد في بدع الملاحين بيطار


واللعب لا مني بغيته يجيني خذت الدفاتر والقلم في يديني


وأسعره من باب سعر مكيني وآخذ من الجزلات والزين واختار


وجاني اثنين من الرجال المفاليح واحد خصيم عن جميع الفلاليح


والآخر اللي وكلوه المصاليح أهل البكار اللي رعت عشب الاقفار


قالوا ترانا يوم جيناك راضين أحكم بحكم يقصر مناحس الشين


قلت أدعوا والحق ما يرضي اثنين لو كان انا في حكمكم صرت محتار


قلت ان كان راعي البل بدا بالخصومه اركد ترانا في دواير حكومه


لا تحسب انك يم هضبة يعومه تجر صوتك عند اباعرك في غار


قال ابغاك تحكم لي وتحكم عليه واتشوف منا اللي جزع بالخطيه


وعودت تلمزني بذكر المطيه احسبك قاضي واثرك اليوم عيار


قلت اقول لك بشويش لا ترفع الصوت وحط العصا والخنجر اللي ورا الكوت


وذولا المشايخ هايبين من الموت والبدو هم اللي مقابيس الاشرار


احتج عندي بالكلام المقادي وكب اللجايج والخطا والعنادي


ولازم تثبت حجتك بالوكادي هات الصحيح وكب تلفيق الاعذار


ثم قال راعي البل لنا حق وحقوق حنا هل الطالات وانا هل النوق


اللي تبعدنا عن المشي في السوق ولاعندنا لوكان غلين الاسعار


الزاد فيها والكلا والحليبي اليا لقت مع الشقارا رطيبي


والا انت تاكل لك تميس وزبيبي حتى عشاك يخاشرك فيه عمار


ثم قال له راعي النخل والفلاحه الشكر لله وسط غرس وراحه


ماني بمثلك يا قليل الرباحه انا مريح وانت من دار في دار


لا جا الربيع وحلت بالذود للعشب اما ورا الصمان والا ورا كشب


للعبد يزري يظهر العذق لا نشب اصرم واسعر وانت في زود محدار


واهل الفلاحه في النخل مستريحين بين المكاين والعنب والبساتين


والبدو عذبهم ركوب البعارين وشديدهم في الليل والصبح ما انطار


عشرين شده في الضحا كل يومي تقفي وتقبل والمظاهير تومي


والقيظ جاكم والضما والسمومي مالك ومال اللي يوديك الاخطار


ازين تريح عن جميع البداوه وعن النشايب والعنا والشقاوه


وان كان تبغى راحتك والطراوه انزل مع اللي نازلين بجبار


مع الرجال اهل الغروس الظليله قبيلة وا ويها من قبيله


فكاكة المرثي نهار الدبيله لا جا لزلبات الرمك فيه معصار


ثم قال راعي البل ما ابيلك تدابير عيب على اللي يبدي الشور ما شير


شفي قطيع فيه رمس المغاتير حتيش يا غرسك ولو كان ثمار


حتيش لو يثمر وتكبر عذوقه وحصيله اللي ينتجه ما يسوقه


لا جاك راعي الدين يبغى حقوقه قام يتردد ما خلص قطعة امرار


والا ترى البل في ليال الربيعي نشرب لبنها وان بغينا نبيعي


خذنا الدراهم في يدينا جميعي محتاج يالفلاح والبدو تجار


ثم قال له راعي النخل لو تماري مغبون لو عسيت نقع الخباري


لا احداك عن ام السرب والمقاري لا جيت تبغا لك حشيه ومصفار


هدب الجريد اللي قبل ما يروحي كبار الشباب اللي يزيد الفروحي


لو كان عندك خلفتين ومسوحي لو بعت ما جن للمكينه بمسمار


يالبدو عذبكم شراب الملاحي وانا نزلت بغرستي في القراحي


والليا رقاها عبدها بللقاحي ثم نشرت يازين ذاك التنشار


ولا جا يعدلها لقاها على الكيف وسع تخاريص الجريد المهاديف


يا زينها لا نظفوها عن الليف مثل الهنوف اللي تهنصر تهنصار


وغرسي رواسي ما يصيبه جفالي ماهوب يعقل بالمرس والحبالي


يا زين نومي في طويل الظلالي في وسط دالوب حوابيطه اكبار


والا انت ما تعرف تدبر حلالك في الليل ذودك عازب عن عيالك


تمشي مع الخليان دايم لحالك وان مت ما تلقا مغسل وقبار


لا جا العصير وجت حلول المراويح والناس قامت تذكر الله بتسبيح


لينك تعدي في المراقيب وتصيح ما كنك الا من المجانين بشهار


ثم قال راعي البل تسمع جوابي لا قل ماك ويبسن الجوابي


ووصل مجم البير حزم صلابي قالوا تولم هات للبير حفار


ضلع نكاز ماه ماعاد يناش وحولت بالمقلاع تبغاه ينهاش


ويوم الصبي شافه قوي فض وانحاش وامسيت في هم النخل جعلك مجار


ياما جرا لاهل النخل والكداده امن التعايس والمحن والزهاده


تلهيك حتى عن فروض العباده عن الصلاه وعن مقامك بالاسحار


والا ترى البل مستمر سعدها كم خلفة ما اصرها عن ولدها


واليا ضوت على العرب في وعدها غبقتهم لو يمتلي البيت خطار


يا ما حلا لا روحت عقب مسراح على فريقي والمطر تو ما طاح


ما غير ندفعها عن العشب سماح كن الجمل في وسطها يظرب الطار


ثم قال له راعي النخل والزروعي ما أسمع كلامك في كبار الفروعي


في غرسي اللي في المسيله شروعي يا غردق وأكثر طلاعه تبكار


ما أطيع في سب الجبابير ما اطيع اليا طلع مثل البني المفاريع


وكله تبكر بالعذوق المهانيع وكانه بعد غير العنب حطوا اشجار


الغرس كل اهل المراجل تحبه قدامنا ابن جويريه ما يسبه


واليا طمع به واحد ما يسبه ما مثل الغرس في كل الاقطار


لا جت ليال القيض والبدو مبطين كبو جميع ادباشهم والمقاطين


على العدود ومقعد في المعاطين لو كان ذودك كل حيرانه ابكار


كبوك لا قالوا ترى اللون قد شيف يبغون مقياظ النخل والمخاريف


وأكل الرطب امن العذوق المراديف وياراعي النوقات ما عاد لك كار


ثم قال راعي البل عسى الله يعيني ومن راح عني لازم انه يجيني


والله ما اكب مجروعات الحنيني واني لاصدر عندها بام كرار


واليا وردت مطلوحات العدودي امن الشفا والا من اقصى النفودي


دليت لي دلو سناه القعودي لعرب عليها نيها كنه اجدار


ولا صدرت من عدها مستمره تبغا مكان في شواويه غره


يا زين حذف اديودها للاصره في مرقم جا للزهر فيه نوار


ورعي النخل خطر من الهم والويل لا قالوا الوايت تعطل ورا السيل


ثم قلت شوفوا وش بعد فالبراميل قالوا لنا يومين ناخذ من الجار


ثم اهجرت كل المكاين وقوفي وسط البيار ملحفات صفوفي


وغرسك تعرض للخطر والصدوفي ولا خير في شئ طعامه فالامصار


وان جيت تبغا لك معاويد عييت حتاك تدري عن خطاك انك اخطيت


البل تعينك كلما طحت وازريت على النخل تعين وافين الاشبار


البل لها عند النشاما محبه ما أخبلك ياللي تلحق البل مسبه


أخير من بير تبي منك صبه عاقبك ربي بالنخل والتخسار


يا حبني لمقرقعات التوادي اللي تبعد عن وخام البلادي


ما أزين جملها في ليالي الهدادي ما ينردع عن جلها كود بهجار


ثم قال راعي الغرس علم بتوكيد ياراعي البل ما نبيلك معاويد


بآخذ مكينه من الزراعه بتقصيد واسوق بستاني ولو صار ماصار


وايضا حكومتنا لنا مستعده جت بالمكاين عانها وسط جده


والبنك فاتح فيه من كل عده وفي عهد فيصل للفلاحة تطوار


بأقوم في غرسي ولاني بمليوم والله لاجاهد عنده الصبح واليوم


واقومه بعزوم واطيح واقوم لو كان صرت من التعب فيه


جضار المرجله ما حد خذاها بهوني ولا أحد كسبها بالهوى والخموني


كود الرجال اللي قبل يتعبوني وغمر على صكات الايام صبار


ياراعي البل ظن قلبك هبيلي لوكان تملا من لبنها الصميلي


والغرس ماله في المراجل مثيلي ربي جعل في الغرس جنات وانهار


ويوم ان مريم جت بعيسى تشيله جعل لها ربي نخلة ظليله


تسقط عليها من رطبها هليله وهذا دليل الغرس له زود مقدار


قلت اسمعوا يأهل الظفر والحميه الكل منكم ما بقا له دعيه


يا حبني لأهل الوجيه الرضيه اللي يطيعون النصيحه والاشوار


وانا بأواسى بينكم يالعواني عندي حشام وكلبوكم خواني


والصلح خير وسيد كل المعاني واللي يعيي ما يبي الصلح بوار


ياراعي البل ما لقينا لك امثال ام الجمايل هي في كل الاحوال


وهيه طرات الوقت والعز والمال اليا رزقها الله من الوسم بامطار


واما انت ياراعي النخل والزراعه لا جت ليالي القيض عندك طماعه


مخارف تكتها كل ساعه لاهل الركاب اللي من البعد ظمار


وصلاة ربي عد ماناحت الورق فاقصى الشمال ويمت الشام والشرق


وعد الرعود وما اختفق لايح البرق على نبي عزه الله عن النار


وعدود ما جرت لحنها الحمامه على شفيع الناس يوم القيامه


يوم ان كل ما يبي الا السلامه في موقف نهار شخصات الابصار



ومن قصائده في المدح :

اجاد غالب في قصائد المدح بشكل رهيب
يقول غالب في قصيده قالها في الملك عبدالله :


ابو عين ٍ لها سطوه وابو يمنا\" لها مضراب مغير عيون ابوه ووجهه وخشمه وحجانه .!


وقصائده في المدح كثيره جدا\"


و قد برع ايضا\" في مجلات عده منها القصائد الاجتماعيه والدعويه والغزليه

يقول في قصيده له :


حن قلبي حن مورٍ مع السيل الكبير با هتينه مع بهيته وحمله ضاهده


حمله من جده العصر في الليل القصير واصبح الصبح الدريول مغير يجاهده


الحراره قايمه والحمل حملة شعير وماخذٍ عربون راع الدبش ومواعده


كن حس المور لا شغله فأقصى الضمير مع ملفات قبل يكسرن مساعده


والبلا يوم النخل بايح ٍ ماه الغزير ماخذٍ له مدة ٍ ما مشى مع قايده


الجريد مهشم ٍ والسبر عيا يسير وان حفرنا في الجبل ما لقينا فايده


والكرى بعض الليالي عن المحجر يطير من هواجيس تجي والخلايق راقده


يوم خطو الهربدي راقد ٍ فوق السرير ويتسدح في الفيايا على وسايده


لا له بلاد ٍ تبا تشغله ولا له بعير والمراجل كل ما جا يبيها كايده


جالس بين الربايع يعاين في العشير بارد ٍ وجهه مع اهل الوجيه البارده


جعل عذرا\" ما تنكد معه والا تنير جلعها بالضغط فالدم والا الزايده


نعنبوها وش تبا بالمهبل والدشير! كيف تجلس عند خبل العرب وتعاهده ؟!


قصائده في النخل كثيره جدا\" جدا\" وذلك ان دل فإنما يدل على حبه للنخل وتعلقه به
والا كيف يقول :


من حب غالب للنخل حط له قطّار ! عقب هدة الما والحوابيط ممليه


وجودي على بير ٍ قبل فقرها فوّار واركب عليها لي مكينه وسطحيه


على شان اشغّل واسّي الغرس فالمبدار واردد عزير الماء على كل صفريه



اضافة لتعلقه بالنخل كان ايضا\" شديد التعلق بالبر وبالإبل وبحياة الباديه
فهو يقول في ابيات له :

ترى سجة في البر مع ربعي الغالين تبعد هموم ٍ تالي الليل تشعاني


على خطو جمس ضامر ٍ مقدم الشاصين جديد من الممتاز ماهوب ياباني


بشم الهوى ما دمت حي مع الحيين عن المقعد اللي فيه نقص ٍ وحقراني


ليا شفت ( حسّن) و(الغراميل) مع (رمحين) تجدد حياة ٍ تنعش فؤاد الانساني


مداهيل ابويه يوم ذاك الزمان الزين قبل تنقلب بقعا على وجهها الثاني !




ومن المواقف التي مرت على غالب منصور انه كان لا يشرب القهوه في الثلاجه - زمزميه القهوه -
وهذا معروف عنه وعندما سمع احدهم بذلك قال : بعزم غالب وبجيب له القهوه في الثلاجه
وفعلا\" عزم الرجل غالب ولبى طلبه وعندما حضر غالب الى هذا الرجال قدم له القهوه في ثلاجه
فردها غالب ولم يشرب منها الى ان قام الرجل واتى بالدله فشرب غالب منها
وعندما انتهى من هذه العزميه قال :


انا بنصح اللي يشري البن يبغى الكيف يحطه بدلّه لا يحطه بثلاجه


نصيحه تجنّب هرجة اهل الكبود العيف عزاز النفوس وفالمحاضير هراجه


مدامه يطع الحرمه تصرفه تصريف يكب الكرم والناس ما همب في حاجه


ومن المواقف ايضا\" ان احدهم اتى الى بيت غالب وقت الضحى واخذ يطرق الباب بشدّه
فقال غالب على البديهه :


ياللي تطق الباب لا تكسر الباب الباب مفتوح قبل تطلع الشمس


اقلط على ضو ٍ تولع بمشهاب مهوب قز ٍ بايح ٍ غازه من امس


والابيات اطول من ذلك



اما في الغزل فحدّث ولا حرج
فهو البحر الغزير الذي لا يقاس مداه ولا يرى منتهاه

يقول غالب :


ويالجتي لجة خلوج ٍ تجر الصوت تحطّم تبا المحدار فالشبك مقهوره


قهرها المزارع فالنخل لين جاها الموت عن الديره اللي فأول الوسم ممطوره


ويا حن قلبي حن مورٍ مع المنحوت طلع بالحموله وانكسر فيه ماصوره


تزيد الحراره لين يرفع له الكبوووت من الجور صارت طبلة الراس مسعوره


على الصاحب اللي صار بيني وبينه فوت دياره بعيد وحسبي الله على نوره!



قد كان رحمه الله يطعم قصائده دائما\" ببعض من الفكاهه وذلك انعكاسا\" من روحه المرحه ونفسه الطيبه :

يقول:
في قصيدة مرسله الى خاله الشاعر / الفديع بن فيحان


يانديبي قم ترحّل على هاف ٍ سريع عاصب ٍ كنه جمل شول بدو ٍ فالهداد


هايج في مقدم الوسم قدام الربيع ما يردونه عن كبارها الا بالقياد


كب عنك اللي يبنشر بها سوق النقيع ددسن ٍ لا شاف سواقها التغريز حاد


زينها تروي لفرق ٍ يباري له قطيع في غمارتها مناديل شيبان الجهاد


ويقول ايضا\" في قصيده جميله مرحه :


حن قلبي حن مور ٍ عليه الماء الهماج حموله إمن ( الطويله ) وسواقه غشيم


الدبش فالقوز والخط دافنه العجاج مع عداوي وادي كلها رمث وهشيم


او كما لجلاج خلج ٍ تلجلج بالخلاج العرب شدّو وشيخ العرب عيّا يقيم


او كما لجلاج ناس ٍ تهاوش في الحراج وسط سوق ٍ بين دخنه وحايل والقصيم


والسبب من صاحب عجلوبه للزواج قبل اجيهم جعلهم بالعذاب المستقيم


صاحبي ما يرضع الجفر وعيال النعاج مع فريق ٍ ربعوا به ومجلاسه حشيم


صاحبي ما يشرب الببس ومرقة الدجاج يغتبق له من لبن خلفة ٍ ترزم رزيم


ما قعد وسط النخل مع ملقطة الخماج يتبع الذيدان بين البشيره والنضيم



أرجــــــــــــــو ان وفقت في النقل لهذا الشاعر المبدع...

[أبو عبدالرحمن]

يعطيك العافية أخي الكريم

المشكلة أن أبيات القصائد لا يوجد فاصل بين شطري أبياتها..

[البروفيسور]

أبو عبدالحمن/ الله يعافيك
وناسف لعدم التنسيق بين شطري الابيات..
وبالامكان التنسيق من مشرفنا أبو عبدالله ..