ولد غريره في ضيافة منقاش / الحلقه الثالثه.

[منقاش]

ولد غريره في ضيافة منقاش / الحلقه الثالثه. ولد غريره في ضيافة منقاش / الحلقه الثالثه. ولد غريره في ضيافة منقاش / الحلقه الثالثه. ولد غريره في ضيافة منقاش / الحلقه الثالثه. ولد غريره في ضيافة منقاش / الحلقه الثالثه.

تعافى العمده من الرقعه اللي أكلها من مرته , ليتها كان قضت عليه , ,, وتاب المشاكس ومخاوي منقاش ما عاد يعرجون على حارة العمده خوف منه والخوف الأكثر من مرته .
ما يهمونا , المهم أن ولد غريره أخذ تاشيرة زياره واستقبلته أنا والعمده في جده وعلى أولنا به لبيت العمده في مخطط العسلي في الطايف .
ما قصر العمده عشانا ثنتين من الغنم ماهي حشمه لنا لكن خوف من مرته لا تزيد توطى في بطنه بعد أستوعب الدروس الاوله منها .
بعد العشا جاب العمده الفرش واللحف وكانت كلها جدد لأني عرفت نقطة ضعفه وكل ما جاب شي ما يرقلي ويناسبني رميته في وجهه ورفعت صوتي أبغي مرته تسمع صوتي وطلبتي حتى تعطيه قتله على ما جاه من قتل .
ألتحفنا على أننا نبي نمرح ثم نصبح ونسرح بولد غريره نمشيه على متحف قصر شبره وآثار الطايف وباقي المحلات اللي تستاهل التمشيه , لكن لا بلاكم الله , دوبنا طفينا اللنبات ألا وولد غريره يعترط ويصيح ويقول : الحقوني , الحقوني , ماسكيتو ماسكيتو(يعني النامس) .
أول ما ولعت النور سميت عليه أحسبه تجنن والا طار عقله , لكنه فغر في وجهي وقال أنا لا يمكن أنام أو أجلس في أرض فيها ماسكيتو.
زهمت على العمده وجانا وتفاهم معه وقال له :يا ولد غريره سم بالرحمن , هذي حشرات مسكينه ما تخوف وتاكل فينا من يوم نحنا ورعان حتى اليوم نحنا شيبان , وأصبحنا والفين عليها وهي والفه علينا , ونستوحش لها أذا فقدناها أيام الشتا والبرد , ولا سار علينا منها الا العافيه , وسببها البيارات لأن البلديه تسمح للناس يبنون في المخططات بدون شبكة صرف صحي , وهذا المخطط اللي أنا فيه له عشرين سنه مبني بدون صرف صحي والنامس يدهر فيه والبيارات تطفح علينا في الشوارع , والعين بصيره واليد قصيره , ويش السواه مع البلديه التعبانه .
وأطمئن هالحين نجيب لك ناموسيه تمنع النامس ما يدخل عليك ونجرد البطل منقاش حتى ما يبقى عليه الا سرواله ويرقد بدون ناموسيه ولا لحاف حتى النامس يتليم عليه ويتلهي فيه عنك .
رد ولد غريره وقال : هذي جريمه كبيره يوم أن البلديه تسمح بالبنا في مكان ما فيه صرف صحي لأن البيارات يتوالد فيها النامس اللي ينقل الملاريا والوباء الكبدي ومرض غرب النيل وانفلونزا الطيور والأيبولا ووووو وأسامي لأمراض كثيره عددها وأنا ما أعرفها ولا عمري سمعت بها .
ثم واصل كلامه وقال : ما هو بس ألأمراض , البيارات تلوث المياه الجوفيه والتربه بالسوم والأحماض والأملاح والكيماويات المسرطنه والجراثيم القاتله اللي تروح حتى لخزانات الماء تحت بيوتكم اللي تشربون وتطبخون وتستحمون منها وتسبب لكم السرطان والأمراض الخطيره .
قلت له : وسع صدرك يا ولد غريره ولك عليه القابله والا المقبله ما تبيت ألا عندي في الديره في مكان لا فيه بيارات ولا حمامات ولا مسكيتو , بس بالله عليك تمرح وتخلينا في ليله رحمانيه .
دخل في الناموسيه وكل ما سمع صوت نامسه تزن من برا الناموسيه صيح , وأبى لا يرقد وأبى لا يخليني أرقد , وأنا أبيت لا أخلي العمده يرقد (تغليس) لأني كل ما صاح ولد غريره صيحت وقلت : أره ياهلي ألحقنا يا عمده .
بأختصار كانت ليله كلابيه ما كحل النوم فيها عيوننا حتى أصبحنا , ولا كودنا يسفر علينا نور النهار حتى النامس يوقف عن الطنين على روسنا ويهدا ولد غريره عنا .
ويوم شاف ضيفنا أن النهار طلع واسفر نوره والنامس خبا واختفى طنينه تنهد وقال : ما كنت أصدق أن مدينة الطايف المصياف اللي تاريخيه ويقولون أنها جميله فيها هالمصيبه .
قلت له : لا بالله صدق ونص , ولعلمك هذا وأنت في مخطط العسلي اللي أسمه من العسل , كيف لو كنت في قمله والا وادي النمل ولا الحويه والشعب الأحمر ؟ .
الى هالحد نوقف سالفتنا ونستمر في الحلقات الجايه نروي لكم علوم منقاش مع ضيفه ولد غريره الاسباني, وسلامتكم .

[@ بن سلمان @]

انت ما تكاثرت الا مص الناموس لدمك
كل يمص في دمك فلا تتكاثر على هالحشرة الضعيفة
شوف الخنافس والزواحف الكبيرة وش تسوي

[العمدة مروق المنقة]

منقاش غير اللون احسلك
تراك ان ما زبطت علومك ابعتبطك انته والضيف من البيت تروحون لمسجد ابن عباس تباتون فيه وخلي وقتها احد ينفعك حرمة ولا رجال
والله انك مالك صاحب
اهب اهباك الله ما تكب الكذوب ياعدو نفسك
انا العمدة تضربني حرمة
عدل وبدل وشاور نفسك عشان تمشي الامور وتبقى الصحبة

[أبو عبدالرحمن]

يا مسكين يا عمدة ..الله يكون في عونك ..كانت بلوى واحدة وأصبحت عندك 3 بلاوي!

[مخاوي منقاش]

الاخ الغالي والعزيز واقوي الحلفاء بعد ابو امجد وابن سلمان مروق العسل والقشطة والمنتو /العمدة حفظه الله //
اما بعد=- ان هربت من جحيم منقاش فجنة المخاوي تفتح لك ابوابها لتنعم بالامان وعدم الخيانة ونحن اذ نستنكر الكلام الغير مسؤل والتطاول على شخصكم وحرمكم المصون من قبله فاني داعمك لا محالة وخير الكلام ماقل ودل0

[فؤاد طرطشلي]

صدق رجال تقول جمال
وفي البيت غنمات

[منقاش]

ابن سلمان : تراك أبتديت تنظم لمحور الشر اللي فيه مخاوي الزفت , وبديت تحرمش وتحرش بمنقاش والله أعلم أنه (لا قدر الله) تبي توجبني ألتفت عليك كما يوم ألتفت على العمده والمشاكس .
العمده مروق المنقه : يا رجل ما هو عيب تضربك مرتك , العيب من تضربه مرة غيره وتمرمره مرمره المره الممرمره , ما سمعت المثل اللي يقول ورا كل عظيم مره .
ابو عبدالرحمن : أشكرك على وقفتك في صف الحق وصف منقاش , وكذه الحليف والا بلاشي .
مخاوي منقاش : ويش تبغي يوم تحاول تستميل حليفي العمده ,, تحسبه قليل خاتمه مثلك أنت وابو أمجد وابو هاشم .
فؤاد طرطشلي : والله ما فهمت من كلامك شي حتى أرد عليك .

[مخاوي منقاش]

منقاش / لكل صاقط لاقط
فؤاد/ ترى منقاش فاهم كلامك بس ماهو شايفك شي
ابن سلما ن /لا تخاف من التهدبد اجمد وخلك اسد

[منقاش]

يا مخاوي وين أصحابك أبو أمجد والمشاكس ما عاد يردون ؟, يبد أنهم عافوك وتخلوا عنك .
وانا أقول أنك معافه من قبل ما يعرفونك , ولو فيك مرقه ودسم كان ما عافك منقاش من قبل ورمى بك في التبجه .

[الشيهان]

مخاوي منقاش البطل جانا بغترته

اقول ياشيخنا الجليل اللى منك قليل
لايهمك المخرف منقاش رفيق بني صهيون والاسبان
نحن معك والى جوارك الى ان تذهب الى جوار ربك بحفض الله ورعايته حفض الله مخاوي منقاش في حله وترحاله وحفض راحلته منقاش وراحلة راحلته حمار منقاش واصحاب المعالي بن سلمان والمشاكس وكبار المسؤلين من مشرفين وغير مشرفين

المهم خرجنا وعدنا منقاش لاتسب البلديه ارجوك انت مع الاسف نظرك على قدك مدري يصل رجلينك والا مايصل والبلديه عندها نظره مستقبليه تنفذها على مدي قرن من الزمان ماهو قرن ثور وهذه الخطه في محتواها هي محاولة استصلاح جميع الاراضي في البلاد بشكل عام وتحويلها الى ارضي زراعيه
وبما ان السماد العضوي انفع للتربه فلابد من ايقاف قنوات التصريف حتى تتصرف الفضلات في التربه وبعد 100 سنه سوف تكون جميع المدن صالحه للزراعه ونحقق الاكتفاء الذاتي من البطاطا والقرع وغيره ونتوقف عن الاعتماد على البترول لانه بعد 100 سنه مفيش بترول ولابترولب ولابترومين واروح لمين واقول يامين ينصفني منك ياجاهل !!!!!!!فهمت