بطل التطبيع /الحلقه الأولى.

[منقاش]

بطل التطبيع /الحلقه الأولى. بطل التطبيع /الحلقه الأولى. بطل التطبيع /الحلقه الأولى. بطل التطبيع /الحلقه الأولى. بطل التطبيع /الحلقه الأولى.

هاك اليوم أضحى عليه النهار وأنا في راس واحده من عطايا الله (البرشومي) , وكان في يدي مكتل أجمع فيه شفوي وأتبرشم وانا فوق (يعني آكل برشومي) , وكان المروح مخاوي منقاش تحت البرشوميه يتنظرني أنزل حتى أعطيه كم حبه من بكاير الشفوي المكعبر , ويوم أغثاني بالدوخه وانا أسوقه بهاك الحبه البرشومي اللي ما تقول ألا قنبله يدويه وعل أولها ولا أنطشت ألا بين عيونه , ويوم شافني ناويه بالثانيه وهو يعطي سيقانه للريح ما تقول ألا غزال ويذلف عني .
وكنت أحيان أوقف وانقي ألشوك من جلدي واقتل بعض القذان اللي تخرج من أكمام وترقيبة ثوبي , وأحيان أقلبها طرب وأردد في الحدايا والقيفان والزهم والطروق اللي كل طرق ما يشبه الثاني.
وحد ما أنا على هالحال ,,, وعلى غفله مني ألا وهاك الرجال ألأحمر اللي باتغني من ورايه وينادي من تحت البرشوميه اللي كنت في راسها ويقول سلفو بيا منقاش .
كنت أسمي بالرحمن وأتعذبل من الشيطان وارد عليه واقول : يا مودماني أنت أنس والا من الجان ؟, وويش الرطانه اللي بربرت بها عليه ولا عرفت منها ألا منقاش؟ .
كان يلتفت وراه ويزيد يرطن ببرشته ما عرفتها , أثره ينادي على خوياه , ألا وهم مقبلين , رجال لبناني (مترجم يترجم لهم) وثنتين من النسوان الخماجيات وثالثه سوداء سويدة وجه .
ويوم شفت النسوان بكل ألألوان ولابسات القصير اللي من فوق الركب وزياده مشقوق من على جنب وأنا أهشت لهم بالتحيه وأقول : يا يوم السعد , لا بالله أسفرت وأنورت , يا مرحبا بكم تراحيب المطر من يوم مشيتم حتى لفيتم.
وجيت أبغي أنزل من البرشوميه ومع الربشه والعجله وانشغال عيوني يم النسوان , أو قولوا من عين جاتني غريت من نفسي واتكهون (يعني أطيح طيحه قشراء) , وعلى أولي أتكثلب من راس البرشوميه بمكتلي مليان برشومي ولا أوقع الا تحتها على قرارة ظهري وأسفل ما مني أعلا ما فيه والبرشومي عليه نثاير والمكتل مكفي على راسي تقول طاقيه سوداء .
ما أطول عليكم ,, جوني ورشوا على وجهي شوية مويه حتى صحصحت , وبعد فقت وفتحت عيوني تشهدت وقلت لهم أنا في سما والا أرض يالعواني؟ .
رد عليه المترجم وقال : يا منقاش ما أنت في سما ولا أرض , أنت طايح في قعر برشوميه , وهذا الرجال اللي زهمك ولا عرفت كلامه أسمه سركوزي وتراه شيخ فرنسا كلها , وهالحرمتين الشقر واحده منهم شيخة أسرائيل والثانيه شيخة المانيه والمره السوداء كوندليزه رز مرسولة بوش .
قاطعته وقلت : فهمهم يا ترجمان أن الماثل قدامهم في قعر البرشوميه هو أبو نقشه شيخ ثماله كافه, وقل لهم هذي الحزه المباركه اللي جمعت الشيوخ مع بعضهم , وترون ما فيه هرجه ولا درجه ألا من على الفراش وبعد المعاش , وبعدها ألقيكم جاه الله أنكم تمسون عندي الليله وتهرجوني وأذا أصبحنا باكرالله يادعكم .
رد المترجم وقال : سركوزي يقول معذرينك في قهوتك ومساك , ونبي نعطيك علومنا ونمشي , ونحنا عارفينك من قبل نجيك أنك شيخ ربعك من أجل كذه نصيناك نبغيك خطام ربعك للتطبيع مع عيال عمكم وجيرانكم وشركاكم في الديره واصل العشيره من قبل ثلاثة آلاف سنه وهم الشعب المختار بني أسرائيل .
رديت عليه وقلت : أنت يا سركوزي ومعك المترجم معذورين تروحون , أما هالنسيونات ما أعذرهم حتى يدخلون حلتي وياكلون واجبهم , وهذا أول التطبيع حتى لا تقول الناس أن العرب ما يعرفون حقوق المره.
الى عند التطبيع وحقوق المره نتوقف , وباقي السالفه أكملها لكم في الحلقه الجايه , خلوكم متابعين معي حتى تعرفون ويش سدك يا جبل , وتعرفون أن منقاش علمه يريع ويبدي في كل ريع , وسلامتكم .

[@ بن سلمان @]

زين ان مخاوي انقلع والا يمدي لسانه مندلع يوم شاف النسوان وكان زعل سركوزي الرجال الاجودي اللي اول ما شاخ على جماعته عين له وزيرة من اصول عربية

[الشيهان]

تكى تكفى تكفى تكفى = تكفى تكفى لاتنساني
الله لايحرمك الجنه = يابو نقشه ياقوماني

هذي فيها دراهم مافيها شك والقيمه على جودة ونوعية الطباعه مدري الطبع

عاد تكفى صحيح اني اتمتع في سبك وتجريحك بس مايسبك الا اللى يحبك وانا رفيقك والعرب معروفين بحسن النواياء خصوصا اذا شافوا النواعم

الحين انت ماقلت لنا وش معنى التطبيع (يعني نطبع كتبهم عندنا ويطبعون كتبنا عندهم )
والا نطبع فلوسنا سوا
والا تصير طبوعنا مثل طبوعهم والا طبوعهم مثل طبوعنا
والا هذي العلوم كلها
علمنا اول شي عن التطبيع وش معناه وبعدين نشوف

[مخاوي منقاش]

يابو امجد تكفى نكفى ### طلع منقاش نسواني
وابن سلمان يعيرني ### ويقول انته دونج واني

اما في مفهومي الخاص جدا ولا يدري ابو هبه فان التطبيع هو ان تطبع قبلة على خد وزيرة خارجية اسرائيل ورئيسة وزراء المانيا واما ساركوزي قليل الخاتمة اللي يوم شاف البنات تصفق له بالانتخابات اغتر هو وجههه المتصفط وطلق حرمته وهي لازالت بها عراش واما الخنفسانة العزباء اللي لا وجه بالمقعد ولا (؟) بالمرقد فهي الذي فتن بها منقاش خوفا وطمعا

وعلى فكرة منقاش يقول يوم اني صغير كنت اشوف اولاد الذوات ياكلون كاكاو وانا سعبولي ينقط وكان مايشرب الا لبن ولما كبر صار يكره اي شي ابيض ويحب الكاكاو ولذا يعتبر كونداليزا اجمل من ديانا عليها من الله ما تستحق 00000عمى الوان الله لا يعمى عيوننا وبصيرتنا

[منقاش]

ابن سلمان : أحسنت , صحيح المخاوي أذا شاف المره فتح فمه وطلعت عيونه من راسه , قليل أدب ما يستحي , لكن من حسن الحظ أني طردته من مجالس الرجال تحت البرشومي قبل يجيني الضيوف.
أما سركوزي فونعم به وستة أنعام لو ما طلع يهودي متصهين .
أبو أمجد : أذا تبغي علومك تزين فارق مخاوي منقاش وتبرا من حلفك معه ثم تعال يمي وشوف يوم تسرج معك وتنسمح أمورك .
أما التطبيع معناه يعني نخلي طبوع نسواننا مثل طبوع نسوانهم ونروح عند نسوانهم وهم يجون عند نسواننا ولا نتدخل في أشوانهم وهم يتدخلون في أشواننا وياخذون عيشة ورعاننا ويعطونها ورعانهم.
ألا قبل أكمل أنت ويش بلاك ما تكب عنك اللقافه حقتك وتنتظر مع الرجال اللي شوفهم سكوت حتى أكمل السالفه ؟ , والا تبيني أسوي بك كما سويت في العمده والمشاكس اللي من خوفهم من منقاش ما عاد يقدرون يعتبون على الأستراحه .
مخاوي منقاش : يا الله صباح خير ,,, أنت ويش يدخلك في علوم الرجال وعلوم ماهي في مستواك؟؟ . وترى هذي آخر مره أسمح لك تهرج في مجلسي وبعدها رايح أنشر غسيلك كما يقول المصريين وأخلي اللي ما يقدر يشتري يتفرج .

[الشيهان]

مخاوي منقاش اذا السالفه في التطابع زي ماقلت تكفى خابر وحده يقولن لها مادلين اولبرايت خفت ما ادري وين ذلفت نهار التطبيع دفها في حلق منقاش خله يتطابع معها

اسمع يامنقاش

نهار يتطابعون العرب مع الصاينه اتطابع انا معك
والا قبلها تراك العدو اللى ماتروغ عيني عنه مقدار انمله يامال الشر

هيا عجل علينا علمك هله والكذب خله (العرب عند انا بوليس روحوا بالشليمه وانت تفاهق عندي)

[بن داخل]

منقاش
الله يجبرخاطرك ويرفع قدرك
أنت رجال مشهود لك بالحكمة
وساركوزي ما جاك مشوت الا كله عشم
بس تكفى في بني عمنا لا تطردهم تراهم مساكين
مالهم طينه ولا قطره بيضيعون هم وورعانهم
أعطهم القدس الشرقية وقطاع غزة
والباقي أخله لرفاقتنا
واياك والجور

[دفتر كشكول]

هذا التطبيع والا بلاش
وانا من بكرة بشتري طوابع وهاتك يا تطبيع وان كان انك غلبان تطبع مع نسوانهم هاتهم ونسدك فيهم

[مشاكس]

تهبى تهبى تهبى تهبى 3333يامنقاش اللي شيطاني
تطرد خويك اللي اغبى === من حمار زهور الفاني
هيب سلط الله عليك يابياع تبيع الفلسطينيين
بكراعين منتهية الصلاحية وش علد لو أرسلو عليك
مدونا والا المهبهبه اللي تفصخ وترقص كان سلمت مكه والمدينه ياقليل الخاتمة وانت من يوم ربي خلقك وانت ماخذينك كما حمار الدمنه يوصلون حملتهم عليك ويرمونك تعود للبرشومي حقك والا وش ضويت من سفراتك لدار فور غير حمار مقطوع الذنب ووجهك كما قفاك وخويك اللي مايتسمى ما قدر يوايق من ورى العطفه والا يوم شاف اللحم ضيع الحسبة
والله يا درب تمشي فيه مايجي لنا منه مصلوح ياوجه النكبة

[قائد الطابور]

يا منقاش انت راعي الحكمة وراعي القيادة وانا وان سميت نفسي قايدالطابور تراني ابي منصب القيادة عندك حتى اصبح الشخص الليي يمشي معك لابس البدله وازمجر خلفك وعيوني مثل البرجون المح الناس متمثل في حمايتك وعندي دورة في حماية الشخصيات الكبيرة وابحميك من الانذال وابي اجلس عند الباب ادافع عنك انت والنسوان اللي معك في الاجتماع اللي يبي يعيد للامة حقوقها ,