( سهيل ) ماغيره

[النادر]

( سهيل ) ماغيره ( سهيل ) ماغيره ( سهيل ) ماغيره ( سهيل ) ماغيره ( سهيل ) ماغيره

بدون مقدمات

ادري باني مقصر لكن من كان له مثلكم ماتكلف فالع>ر
[poem="type=1 color=blue font="bold medium arial, helvetica, sans-serif""]
على جديد طراز من نوع فكسار=اللي على خشمة علامة تيوتا
ازهمك ياشبل مضرا على كار=كار الرجال اللي تحشم وقوتا
ماغيرتهم دورة الوقت وان دار=لهم على سلم الجدود الثبوتا
أجهم بعد تشحن توانكه بالنار=بعد تشيك مويته والزيوتا
من شرق وجهك حدر والخير محدار=قبل بوجهك جعل ينساك موتا
تبا تجيك بيوت وقصور وديار =طفها ولا تلهيك نصبة بيوتا
خل الرياض وضولها عنك بايسار=وحول على جو(ن) عجاجه يلوتا
وافهقه وافهق دار شالح وعبار=واترك حصاة حويل خلفك وفوتا
وقبل تطيح الشمس مع اول عصار=حول المحاني في وسيع الخبوتا
انشد وتلقى الوصف مع كل عبار=عن راعي الحرشا غريم السبوتا
الشهم راعي الصفر دلال وبكار=(سهيل)ماغير ولا عنه فوتا
واحرص وخلك عجل واسبقه باشهار=(حرام مايقسم لنا مايموتا)
واحرص تراخى ماهو براعي اع>ار=انما سبق صوتك سبق منه صوتا
وبعد تقند راسك بغالي بهار=دلال مثله مجليات العموتا
قل له من النادر سلام(ن) بعد حار=مابرده طول الطريق السحوتا
وقل له يقولك لن قسم خير وامطار=وتخالطت بالارض كل النبوتا
نبي تجاورنا على خير ياجار=والعمر سجه واخر تنا لموتا
وعود وعلمني بوش قال ووش صار=خابرك مامون وعدل(ن) ثبوتا[/poem]
ــــــــــــــــــــــــــــــــــــــــــــــــــ ــــــــــــــ

ملاحضه :
اخو حرف (د) غشتني فيه الكيبورد ماتكتبه

والتنوين ايضا والشده

[ابوسيفين]

وقبل تطيح الشمس مع اول عصار
حول المحاني في وسيع الخبوتا
انشد وتلقى الوصف مع كل عبار
عن راعي الحرشا غريم السبوتا

صح السانك يابو عماد وأظنه غيره

مبطين عن الرجال ماودي أقول كل مابخاطري

[أبو عبدالرحمن]

صح لسانك أيها النادر المبدع

لا عدمناك

[أبو عبدالرحمن]

أبو السيفين يقول أظنه غيره

وأقول : سهيل ما غيره

[ابوسيفين]

المشاركة الأصلية كتبت بواسطة أبو عبدالرحمن

أبو السيفين يقول أظنه غيره

وأقول : سهيل ما غيره

نعم والادله من القصيده كثر وإن كان الشعّار يدسون بعض علومهم أحيان

ألم تر أن النّادر يقول راعي الحرشا ولم يقل ( ........... )

الم أقل خلوني ساكت

[zqrat hantgulw]

صح لسان الشاعر

والذي أبدع في بدع هذه القصيدة

وترك القوم في حيرة من أمرهم

فيمن يكون هذا السهيل ؟

وهل هو نجم السما المعروف عند العرب

أم نجم اخر لا نعلمه ؟

[ابوسيفين]

الوكااااد ياسيد زقراط أن سهيل اللي نعرفه طل وانحاش وماعهدناه كذلك إلاّ إن كان يعد العدّه لهجمه مرتده ، وكم من الوقت يسده .

[zqrat hantgulw]

المشاركة الأصلية كتبت بواسطة ابوسيفين

الوكااااد ياسيد زقراط أن سهيل اللي نعرفه طل وانحاش وماعهدناه كذلك إلاّ إن كان يعد العدّه لهجمه مرتده ، وكم من الوقت يسده .

الغايب حجته معه ومن ردك يظهر والعالم الله

ان لك في شق النار ( قرص )

[ابوسيفين]

المشاركة الأصلية كتبت بواسطة zqrat hantgulw

الغايب حجته معه ومن ردك يظهر والعالم الله

ان لك في شق النار ( قرص )

ما ألومك ياشيخ لأنك حديث التحاق بهذا المجلس

هذا طال عمرك صديقي اللدود إن صحت العباره

أما قرصي فقد خمرته وجاهز لوضعه في طرف النار مارادّني إلا غيبت سهيل

[سهيل2012]

السلام عليكم ورحمة الله وبركاته وأسعد الله أيامكم ولياليكم بكل خير ..

مساااااا/صبااااح الخيرات لكل أعضاء المنتدى الكرام ويعلم الله بأنني أفرح

عندما أرى بعض المعرفات والأسماء الرنانة عادت من جديد لصفحات المنتدى ..

صحيح بأنه حضور متقطع من هنا وهنا .. ولكن ريحة أبي زيد ولا عدمه .. ولن تكتمل الفرحة

إلا بعودة الجميع يتقدمه الشيخ الداهية منقاش العالمي !!

لقد كنت من أوائل المطلعين على هذا الموضوع وهذه القصيدة الرائعة من زميلي وأخي

الشاعر النادر معنى ومبنى ومغزى .. ولم أعلق حينها صراحة لأنه باختصار شديد /

( بارق مجنب عنك لا تخايله ) !!

قصيدة موجه لشخص اسمه سهيل .. ليس شرطا أن يكون سهيلكم في منتدى ثماله

فأنا لست راع الحرشا ولا غريم السبوت ولا أعرف المحاني ولا قد جيتها ولا أمتلك

شيئا من الصفر .. لا إبل ولا حتى ( دلال ) فقد غادرت من زمان وحلت محلها ( دلال )

السيف المشهورة !!

حتى حصاة ابن حويل التي ذكرها الشاعر في قصيدته لا أعرفها ولا أتذكر بأنني اعتليتها

يوما ما في حياتي !!

لذا أقول للشاعر النادر : صح لسانك يا أبا عماد وأكيد تدل بيت راعيها !!

وللسيد زقراط .. جزاك الله خيرا إن رافعت عن سهيل والتمست له العذر !!

فعلا يا زقراااط أبو سيفين له أكثر من قرص في شق النار .. وساخبرك بها عبر الخاص

فتابعني وتجد ما يفيدك !!

ولسعادة البيه المدير العام أقول شكرا على التزامكم الحياد تجاه الموضوع ..

أما صديقي اللدود إن صح التعبير حمدان أبو سيفين فأقول له : مراااحب يا مستشارنا

العزيز .. وتقول وتطول وتمون وحاضرين للطيبين مثلك وشرواك ويعلم الله بأنني انتظر

ها الطلة المميزة من زمان وهات ما عندك على وضح النقا وأبشر بسعدك ..

دااائما طلتكم الميمونة تذكرني بمنقاش .. !!

أريت منقاش ؟؟؟؟