|
|
|
|
رقم المشاركة : ( 1 )
03-30-2007
|
|||||||
|
|||||||
مجدي والمدام
مجدي والمدام مجدي والمدام مجدي والمدام مجدي والمدام مجدي والمدامعمتم مسائن او صباحن وكل وحاله والنظر 6\6ماراااح أطـووول عليكــم .. المـوضـوووع هــذا فـيه الكثيـر مـن الحقائـق الـعلميــه المثيـررره والمواااقـف المحـزنـه .. (( يبـي يحمسكـم عشااان تقـرووون المـوضـوووع ..!! ))  وانصحكـــم نصيحـــة أخ لصــديقــه انكــم تجهــزووون منـاااديـل عشـااان الدمـوووع اللـي بتطلــع .. واللـي ماااعنـده منااااديل يجهــز طــرررف كمــه .. ولا طـرررف شماااغـه ... ونصيحــه ثااانيــه مــن صــديق لـووولـد عـمــه .. لاااحـد يــدقـق فـي الخرااابيـط اللـي بيقـرااااها ... مــووو بكـررره يجينـي واااحـد ويسألنــي وش قـصـدك .. همـن ألحقـــه بعمــووود كهــرررب .. يعنــي الواااحـد يقـرررى وهــو سااااكـت .. وكـل واااحـد يخلــي عينــه فـي ورقتــه ولا يلتفـت علـى اللـي جنبـــه .. (( اررربطـوا أحــزمتكـم .. بــدينا فــي الدوووخـه ..!! )) . ونصيحــه ثـاااالثـه مــن حــّلااااق لـواااحـد بيشتـررري فـيــديــووو .. تــرررى هالمـوووضـوع للوناااسـه بــس .. .. يعـنـي ماااافيـه أي فـااايـده ... واللـي يكتشــف أي فـااايـده فـي المـوضـوووع تـراااه غلطـاااان .. أو يمكـن إنــه كااانـت مـن غـيـر قـصـد  والقصه تقوووووووووووووووول : في احد احياء الطائف اللي لك عليها وفي احد زوايا الحي كان هناك بيت وفي احد زوايا البيت كانت هناك غرفة نوم وفي هذه الغرفة كان ينام كلن من مجدي ( أما عليك اسم ) والذي ليس له سوي شهر من يوم تزوج صاحبة الحسن والجمال الآنسه ريمــا !!! ( متزوجه وآنسه !! ) استيقظ مجدي في ساعة مبكرة وليس من عادته ان يستيقظ في مثل هذا الوقت حيث كانت ماسكة معه يفطر شكشوكة !! طبعا التفت الى زوجته وحبيبته ريمـا ووجدها تغط في سبات عميق والسعابيل تجري من فمها كجريان الماء من البزبوز حتى اصبحت المخدة التي تحت براطمها وكأنها فوطة هندي يغسل سيارات من كثر ماهي متغرقه من السعابيل فما كان من مجدي الا أن همس في اذن زوجته بكل رقة قائلا : هييييه يابقرة أنهضي وصلحي لي الفطور انتي وفمك هذا اللي يبي له عوّامة !!! وصاحبت هذه الهمسات رفسه اصابت ظهر ريمــا ببعض التقلصات العضليه ( طيب على تشخيصك ياطبيب المنتخب) !! صحت ريمـا وهي تناظرة بنص عين وبادلته الحب بالحب وقالت بكل خجل واستحياء ( عروس حديثة الزواج .. ياحليلها ) : الحين ورى ما تاكل تبن وتنخمد يالوح؟ يعني ما يكفي اني مانمت من شخيرك هذا اللي كأني نايمة تحت مكيف صحراوي من هالاصوات !! ومصحيني الساعة سته تقول صلحي فطور؟ !!! يامال الفتاق كانك تبي فطور رح صلح لنفسك والا انقلع لأقرب بوفيه وافطر فيها !!! ابتسم الأستاذ مجدي ابتسامة الاسف واتبع تلك الابتسامة بالطفايه والتي استقرت في جبهة ريمــا والتي لقطت ترمس المويه اللي بجنبها وتكمخه على راس مجدي وذهبت بعدها لتصلح الفطور لزوجها العزيز !! ريمــا توها متخرجة من الجامعه وتخصصها لغه عربيه وطبعا هالتخصص لو تناقز مافيه امل تتعين الا بالواسطة وللأسف اطلق واسطه يعرفونه يشتغل موظف على المرتبة الرابعة في ثلاجة الموتى بمستشفى الصحه النفسيه !!! ومجدي يعمل جندي بالحرس الوطني وفي ادارة كان مديرها شديد ( مجدي وفي الحرس الوطني؟ صباح الخير يابو الشباب) وكان مايسمح لمجدي انه يستأذن عشان يخلص اجراءات تعيين زوجته المصوون ريمــا مما اضطر مجدي انه يقضي على رصيد الاجازات اللي عندة !! طبعا مجدي كان يراجع بمعاملة زوجتة لأنه كان ناوي يزرفها ويعيش وينبسط من راتبها !!! وماهي الا كم شهر حتى صدر قرار تعيين ريمــا وقد تم تعيينها على وظيفة مديرة المتوسطة الاولى بأم شعف !!!!!! وأم شعف هذي هجرة تبعد عن مدينة ابها 200 كيلو منها 70 كيلو عبر النهر ( اللي بيدقق ينتظرنا هنا وبنرجع له ):19: حزم مجدي و ريمــا حقائبهما بعد ان اخذ مجدي اجازة بدون راتب لمدة ســتة اشـــهر لمرافــقة حلمه الوردي ريمــا خانوو في اولى ايام حياتها المهنية وفي اثناء رحلتهم بالسيارة الى هجرة ام شعف كان جو الرحلة حافلا بالاثارة بين هذين الزوجين وكأنهما زوج من الكناري لدرجة انه من الوناسة بغى مجدي يطلق ريمـا وهم بالطريق ثلاث مرات !!!! ولكن الذي عكر صفو سعادتهما في الطريق هو ماقام به هذا الارعن مجدي عندما اخرج من جيبة ورقة مخالصة وهذه الورقة هي تعهد واقرار يفيد بأستلام ريمــا لجميع رواتبها مثلها مثل الشغالات عندما تريد ان تعطيها خروج نهائي يعني الثور يبي يزرفها لكن ماعندة اسلوب ههعههعهههعع !!! فما كان من ريمـا يوم سمعت هالكلام الا ان لقطت ترمس الشاهي واودعته في شباك مرمى وجه مجدي الذي على اثرها فقد ثلاث ضروس ونص !!!! واتبعتها بحركة بهلوانية وطمرت الى المرتبة الخلفيه وخنقت مجدي بحزام الامان حتى كاد ان يلفظ انفاسة لولا انه تدارك الامر وداس الفرامل بكل قوته فتشقلبت ريمــا على وجهها وصكت جبهتها بالقزازة الأماميه وانكسرت القزازة ونشب شعرها فيه ولا عاد قدرت تتحرك فلم يضيع مجدي هذه الفرصة ومحطها بالزنوبه اللي لابسها مع ظهرها حتى كادت ان تجف سعابيلها من الضرب اللي جاها .. وما كان منها الا ان تستدر ( اموووووووت على الكلمممممممه يانااااس .. مايمديكم على تستدر ,, متعوب عليها بقوووووه ) عطف مجدي وتتميلح عليه قائلة بكل خنوع : اعقل يابن الكلب بلا حركات بزران .. والا تدري طلقني طلقننننننننني ياحيوان ما ابيك ولا ابي الوظيفة خلاااااص !!!!!! وما ان سمع مجدي طاري عدم رغبتها بالوظيفة قام بحركة مايسويها الا محترفين الراليات حيث سحب الجلنط على حركة استفهام الا وهو واقف عند البقالة اللي بالمحطة ونزل يركض يشتري لريمــا انواع العصيرات والكيك والحلويات لدرجة انه من الخوف على الوظيفة شاري مع هالاغراض مفك صلصة (امموووت واعرف ليش ماسموه مفك جبن !! ولا مفك تونه !! ليش يعني مفك صلصة (? طبعا كل هالمشتريات عشان يراضي ريمــا وعشان ماتهون عن الوظيفة والمسكينة ما كنها انجلدت ابدا ,, على طول سامحتة !!! المهم .. وصلوا لهجرة ام شعف واستأجروا لهم بيت قريب للمتوسطة وباشرت المديرة ريمــا في مدرستها وعاشوا في سبات ونبات وخلفوو صبياان وبناات لوووول .. امزح امزح  المتوسطة ماكان فيها الا 20 طالبة ونسبة قليلة منهم من تـتـقن اللغة العربية !!! مضت ستة اشهر والامور تمشي كما هو مرسوم لها بأنتظار قرار النقل الى الطائف ولكن اجازة مجدي انتهت ولم يوافقوا على التمديد ولأن الرجل بايعها ومسيطر على راتب المدااام قدم استقالته وكاتب في اخر طلب الاستقالة "" ياللوح يامديرنا طز فيك يالاحول !!! وحط صورة وجه مطلع لسانة "" ( تحسونه بزر ذا المجدي ) لبس مجدي الوزار وثبت الريحانه ورا الأذن وعاش حياة اهل ام شعف لدرجة انه طاح بتخزين القات !! .. وبدأ يصرف ويصرف من حلال هالدبشة اللي ماتدري وين ربي حاطها مجدي يبي قات والفلوس اللي معة خلصت وهو الحين يبي فلوس والفلوس عند ريمــا وريمــا تبي عروس !!! ( والله انت البزر !! ) الزبده ان ريمــا قررت تواجة مجدي بالحقيقة المرة وفعلا قالت له بكل احترام وتقدير الزوجه لزوجها : يالثور الحين حنا تاركين اهلنا وجماعتنا وجايين لبلاد الغربة ( ابعد شي راحت له كان استراحة عند استاد الملك فهد في الحويه) علمني ليش جايين ؟! مهوب عشان نجمع لنا كم قرش ونشتري لنا بيت بالطائف ياحيوان !!!! ( ام الاخلاااااق ( استقبل مجدي الهواش بكل رحابة صدر وكبرياء لأنه اصلا كان مخزن ولا يستقبل ذيك الساعة وصاير خارج التغطية !!! وبعد مرور سنة وصل خطاب وزارة المعارف الذي كانت ريمــا تنتظرة على احر من الجمر ولكن للأسف هذا الخطاب جعل ريمــا لا تنام من هول الصدمة مما رسم الحزن والسؤدد على وجنتيها ( اقسم بالله حسيت نفسي نجيب محفوظ على كلمة سؤدد خخخخخخخ ( حيث ورد في الخطاب "" المكرمة مديرة المتوسطة الاولى نظرا لعدم تحقيقنا لرغبتك في النقل لمدينة الطائف وحيث ان العقد الموقع معكم كان لمدة سنة هجرية واحدة يؤسفنا ابلاغك بأنتهاء فترة تكليفك لهذه الوظيفة وانتهاء عقدك معنا ونرجوا منك العودة الى ارض الوطن المعطاء !!!"" ذهبت ريمـا لبيتها ووجدت مجدي نايم ومن زين الوجه حاط رجل على رجل بعد !! فلم تتحمل ريمــا الموقف وقفزت عليه وبلكمة خطافيه على وجهه وبركبتها على بطنة نتج عنها 37 شيبة براس مجدي من الخرعة وتمزق بالطحال وانتفاخ في الخد الايمن على شويه ازرراق في العين اليسرى !! وفي المستشفى قالت ريمــا القصة لمجدي كاملة فلم يتمالك نفسة واجهش بالبكاء حتى بانت نواجذة !!! المهم مالكم بطول الكلام: رجعوا المتاعيس الى الطائف والخيبة تعلوا محياهم ولا معاهم الا 53 ريال ومن جد كلو تبن الفترة هذي لدرجة انهم سكنوا بخيمة ووصل الحال بهم ان مجدي يبيع مناديل وريمــا تبيع مويه عند الاشارات !!! حتى رزقهم الله بصحفي في احد الجرايد تناول قصتهم ونشرها بالجريدة وماهي الا ايام وانهالت التبرعات من اهل الخير وأمنوا لهم مسكن ومبلغ لا بأس به من المال .. وقد قرر مجدي ان يشتري بهذا المبلغ باص صغير ليقوم بنقل المعلمات المتعينات خارج مدينة الطائف ولاسيما ان المحرم موجوده وهي زوجتة ريمــا وفعلا بدأ مجدي بمشروعه وتعاقد مع عشر مدرسات يلهف من الوحدة الف ريال شهريا ولكن الوصخ سيظل وصخا .. حيث كان مجدي يتعمد ان يأتي اليهم متأخرا ويالله يمشي اذا جا يوديهم لمدارسهم يعني يالله يوصلون لمدارسهم الساعة ثمان .. الوصخ يبيهم ينفصلون مايدري انهم هم اللي يكدون عليه هذا الأحمق .... وعلمي سلامتكم ( سالم وغانم ) 
|
|
03-30-2007
|
رقم المشاركة : ( 2 ) | ||
|
مشارك
|
رد : مجدي والمدام
هذا اول ابطال القصه الجايه
|
||
|
|
|
03-31-2007
|
رقم المشاركة : ( 3 ) | ||
|
مراقب
|
رد : مجدي والمدام
وين مايستفاد من القصة
|
||
|
|
|
03-31-2007
|
رقم المشاركة : ( 4 ) | |
|
عضو
|
رد : مجدي والمدام
سعادة الاخ مشرف المنتدى العام حفظه الله
السلام عليكم ورحمة الله وبركاته اتقدم لسعادتكم بمعروضي هذا وفيه انني احد ابنائكم المواطنين في هذا المنتدى وقد نما الى علمنا ( اموووووووت على الكلمه لو كاتبها في معروض وظيفه كان تعينت على المرتبه الثالثه طبيب انف واذن وصدريه ) انكم تريدون مايستفاد من هذه القصه وحيث كما يعلم سعادتكم ان هذه الروايه من خيالي العلمي فأنا أرى والرأي لكم ان مافيها ولا فايده لذا ارجو واسترحم( الله على معاريض الشيبان القديمه ) من سعادة فخامتكم قبول الروايه هذه المره من دون مايستفاد مع اخذ التعهد اللازم على المذكور بعدم العوده لمثل ذلك فسوف يلقى جزاءه وفقكم الله لما فيه خير هذه الامه .......... أخوكم المناضل ابو نشقه ولد سيدي الطايع |
|
|
|
|
04-01-2007
|
رقم المشاركة : ( 5 ) | ||
|
شاعر
|
رد : مجدي والمدام
مسكين يامجدي
يابو نشقه المشرف في اجازه واذا جاء عرضنا عليه معروضك وتراجعه بالصادر والوارد |
||
|
|
 |
| مواقع النشر |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| أحدى فتاوى السيستاني / منقوووول | كريم السجايا | الــمـنـتـدى الإسـلامــــــــي | 9 | 09-11-2013 06:52 PM |
| أحدى عشر لغزا يجيب عليها الامام الشافعى رضى الله عنه جرب هل ستعرف ان تجيب عنهم | أبن مقيبل | الــمـنـتـدى الإسـلامــــــــي | 2 | 03-28-2007 12:51 PM |
| سل التاريخ عني سوف تصحو = على أعتاب تاريخ مجيد | بن داخل | واحة شعراء المنتدى | 83 | 12-27-2006 03:02 PM |
 |
 |
 |
العرض العادي
