ســـؤال لم أطرحه ؟؟؟ فــــــــاصل

[ابوسيفين]

ســـؤال لم أطرحه ؟؟؟ فــــــــاصل ســـؤال لم أطرحه ؟؟؟ فــــــــاصل ســـؤال لم أطرحه ؟؟؟ فــــــــاصل ســـؤال لم أطرحه ؟؟؟ فــــــــاصل ســـؤال لم أطرحه ؟؟؟ فــــــــاصل

[BLINK]

فاصل ونواصل

[/BLINK]


السلام عليكم ورحمه الله وبركاته ، والله يمسيكم بالخير
واعدتكم الليله بالحلقه الرابعه من موضوعي ((ســـــؤال لم أطرحه ؟؟ ))وقد كنت أعد العده لذلك لكني تفاجأت بيوم عملي مليئ أعاقني عن الإعداد لها على الوجه الذي يليق بكم هذا من ناحيه 0
ومن ناحيه أخرى انا لي ربع شيّاب أحتسب الأجر فيهم دائما أجاملهم واطلع معهم تمشياتهم واسولف لهم وانا دايم أميرهم أدبرهم فالصغيره والكبيره لكنهم مع مرور الوقت اصبحوا عاله عليّه وناشبين لي نشبه لصقه جونسون في ظهر واحد مليان شعر ولو كان تمشياتهم تسوى كان صبرت عليها واصحابي هذولا منهم اثنين مكاكوه وليا طلعوا مايتعدون عرفه ولاّ أسماك الدرّه وليا كثّرت عليهم وبغوا يرضوني طلعوا للشعيبه ولايسرحون الاّ ضحى وليا اذّن للعصر قالوا مشينا وما أخفّي عليكم اني حسّستهم إني ملّيت لكن مافي فايده وقبل الحج لاقيتهم في مناسبه وكل واحد منهم أخذني على جنب وتكفى لاتخلينا من مرافقك قلت لهم السّنه هذي ابغى اتمشى جهه الرياض مدري حايل وانتم شيّاب وتهمان ماتقدرون البرد وتلعثمولهم بهرج مدري وش هو والحقيقه اني مانويت من باب الاخوه أتركهم لكنّي قلت أبخلطها مرّه معهم ومرّه مع ناس سنعه والظاهر ان واحد منهم درى عن السالفه اللي أرويها لكم وعلّم خويّه وارسلوا لي كم بيت يعاتبوني فيها على لسان واحد منهم ، والحقيقه انهم أشغلوني عنكم وانا ماني شاعر واقصى مقدرتي ثلاثه اربعه أبيات فالشهر وبشرط مايشوفها نمران وربعه
المهم اعتبروا كتابتي هذي نداء استغاثه تفكوني منهم عشان اعلّمكم بباقي علومي وان قدرت شاركت معكم ولو اني مثل ماقلت لكم شعري قليل وليا تهيّا فلا يعرف من أغراض الشعر الاّ الهجاء
عموما اترككم مع رسالتهم وكل يفزع على قد جهده حتى لو نثر

ياهاجسي قم ابدع القاف ثم شف 00000 شف وش يجيك الرد رد على الكيف
من راس عرف(ن)مابسط باطن الكف0000 لـلـي قـراه ولاانـتـظر منـه تــعريـف
رجل يـجـيـب الشـــــــارده ماتكلـــف 0000 ولاظــن مثـله يـنـتـظر أي تـكلــــيف
و(ن)رد رد القاف لاشك مــن عــرف 0000 و (ن)مافــهم معناي ماقول تصريــف
نقول يمكن منشغل او لهم ظــرف 0000 و(ن)مانشندني مانساني وانا ضيف
أنا قصدتك يـــا 0000000ولـي شف 0000 بمرافقه شرواك بالبرد والصــــــيف
ولاّ تـبـصّر فـيّ لـو كـــــــان بالـدف 0000 بارض اليمن ولاّ مـعـلم على جنـيـف
الســالفـه مـاهـي كــما قيل سلّف 0000 وانا اتـبـعك وعـنـد النهايـــــه سواليف
============== ولــــّــف 0000 والوقت مايسعــف ولا عاد تولــــيف
الـــحل يـبـغى حزم مـع عزم منصف 0000 دام الوزاره فعــــــلها بالتصانـيــــــف

نسيت اقلّكم ان صاحب الرساله معلّم على وشك التقاعد يالله تحسن لنا وله الخاتمه 0

[أبو عبدالرحمن]

اللي ما قصرت..

فاصل جميل..ودعاية مكلفة..

لكن يا دكتور مشعان ..يقولون: ليالي العيد باينه من عصاريها!

واحس ان العكس هو الصحيح ( كذه شعور غريب)

[الحاج سلام]

يارب حسن الخاتمة . من يوم اصحابك عودة فانت عود هذه معلومة قيمة .
عود وما عليك شرهة ,,,,

[السَّمْهريّ]

من عيوبي كرهي للفواصل فأنا أشبهها بالمناصل من المواصل ( عساكم فهمتوا شيء مما قلت )
المكاكوه مصطلح يبدو لي حلمنتيشي مثله مثل التكاروه والتراكوه ومكة الله يعمرها تجمع
كاتب القصيدة يبدو لي راعي هقوى فيك أشك إنك في محلها

[منقاش]

يا دكتور مشعان اللي مالك مصلحه من ورا صحبته أرمه وروح وخله .
عيش في زمانك واعرف أن الحياه مصالح وتبادل منافع , وهذا أنا قدامك رميت بالمخاوي كما يوم ترمي بالخرقه الباليه وتلحقها سبعه حصى والا ضربة عصا .

[ابوسيفين]

المشاركة الأصلية كتبت بواسطة أبو عبدالرحمن

اللي ما قصرت..

فاصل جميل..ودعاية مكلفة..

لكن يا دكتور مشعان ..يقولون: ليالي العيد باينه من عصاريها!

واحس ان العكس هو الصحيح ( كذه شعور غريب)

مادري وش معناك يابو عبد الرحمن ، لكن اللي أنا متأكد منه إن الشيخ كبّلني سامحه الله

[ابوسيفين]

المشاركة الأصلية كتبت بواسطة الحاج سلام

يارب حسن الخاتمة . من يوم اصحابك عودة فانت عود هذه معلومة قيمة .
عود وما عليك شرهة ,,,,

ماضنك أصغر منهم وانت تنقل بحوث الشيخ الى الوورد لقراءتها ،وتري مايعقلها الاّ شايب

[فؤاد طرطشلي]

ما عليش يا دكتور البدو
نعدي لك حاجات وأفرمل لك عند حاجات
عديت إلك اسماك الدرة وما راح أقول سالفة الحمر والطحينة
لكن اللي توقف عنده تقول شايب بكرة تكبرني قدام شيري وتصغرني في عينها

وخد هادي يومنك تقول شاعر ورد اللي عليها

هاذي ترى كامل أوضاعـي .. وفيها تجـد آخـر الاخبـار
ياللي بـلا ذنـب أو داعـي .. طشيتني في لهيـب النـار
كنت اتجـه يمكـم ساعـي .. لو بس حتى بنانـك شـار
وأنت تحاول على خضاعـي .. ما تعلم أن الهـوى اسـرار
واليوم بكتب لـك وداعـي .. ولاني بندمان مهمـا صـار
وان ضقت لك جانب اشراعي .. فيه الذرا لو زمانـك جـار

[الحاج سلام]

طرطشله ياطرطشلو .ترى ما يصلح لهذا المشعان الا امثالك وامثال المخاوي الشجعان .
هكذا الشعر والا فلا ,,,,

[@ بن سلمان @]

كن محضر خير يا حاج سلام
الحين فؤاد حاط باله إنه مقصود بالسالفة وبدل ما تهديه تروح تشعلله

سلم لسانك يا فؤاد والدكتور أكيد ما يقصدك لأنه يقول خوياي شيبان وما قال إنهم عجايز
وهذا يبري ساحته