(أدوّر لكـ عذر ) للتواصل معكم!!!

[{بعيدالنظر}]

(أدوّر لكـ عذر ) للتواصل معكم!!! (أدوّر لكـ عذر ) للتواصل معكم!!! (أدوّر لكـ عذر ) للتواصل معكم!!! (أدوّر لكـ عذر ) للتواصل معكم!!! (أدوّر لكـ عذر ) للتواصل معكم!!!

بدون مقدمات
أتمنى أن تصل ولو إلى القليل من تطلعكم
.
.
.

[poem="font="Simplified Arabic,5,white,bold,normal" bkcolor="transparent" bkimage="images/backgrounds/62.gif" border="ridge,4,gray" type=2 line=0 align=center use=ex num="0,black""]
حبيبي كل ما أتذكر وأدوّر من وراك أحبـاب=أقول إنك نسيت ولاعطيـت القلـب مطلوبـه
أدوّر لك عذر وش لون أحصل للغياب أسباب=تعبت من الغياب اللي حضورك ملْ من ثوبـه
حبيبي كيف أعيش إبعيد وأفتح للغرام أبواب=وأحبك وألتحف بالبـرد والنيـران مشبوبـه
حبيبي والحضور اللي يغيب ولا عليه حسـاب=طعنْي وإستراح وراح والخطـوات محسوبـه
حبيبي والحنان اللي على أوتار الحكي ينساب=بخيل ولا عطاني وإن طلبته صعبـه دروبـه
أشك إن الغرام اللي صدق يلقى الهوى كذاب=ونصبح بين نقض وفتـل والأقـدار مكتوبـه
حبيبي خذني بكيفك مادامـك تأسـر الألبـاب=دخيلك ضمني قبـل الزمـان يمـد عرقوبـه
حبيبي كل غلطه من جناب الخايف المرتـاب=ليا جاتك تحاسبها وهي ماهـي مـن ذنوبـه
تعاتبني على الغلطه وتغلط ماتريـد حسـاب=تبرر كل شي وأبسط حقوق الناس مسلوبـه
تقلي وش معك وأقول وش ودى الزمان وجاب=سوالفنـا نشـاز ونيـة الأيــام مقلـوبـه
طبيعه ياحبيبـي لاتجـادل والطبـع غـلاب=وش اللي في يدين اللي عشق ويغيّر أسلوبـه
وأنا اللي كل ما أتذكر وأدوّرلك عذر وأسباب=أقول إنك نسيت ولا عطيت القلـب مطلوبـه [/poem]

[@ بن سلمان @]

الاحبة يلتمسون ليعضهم اعذار الغياب
العتاب غسيل القلوب
باذخة حقها التثبيت

[أبو عبدالرحمن]

يعطيك العافية...

وصح لسانك ـ بعيد النظر ـ

لا عدمناك...

[المشتاق]

يعطيك العافية
وصح لسانك ـ بعيد النظر ـ
ما شاء الله عليك
الليلة نشيط

[abonayf]

اقول صح لسانك

اجادت الارتقاء بهذا الشكل دلالة القلب الخضر

دم بخير وود

[{بعيدالنظر}]

@ بن سلمان @
مراقب الأقسام الأدبيه
أسعد الله جميع أوقاتك بكل خير
شكراً لكَ على هذه اللفته وسلمت هذه الذائقه وأتمنى أن أكون لدى الجميع كما أنا لديك أيها الراقي
ممتن لك استاذي

[ابو عادل]

لست في مستوى من يظهر محاسن القصيدة
لكنني أكتفي بشكرك على ماتوافينا به بين الفينة والفينة
وأقول
لاعدمنا هذا الفيض المتدفق.

[ما عندكم أحد]

لا تدور عذر ولا شيء
حنا قابلينك
الله يحييك وصح لسانك

[{بعيدالنظر}]

الله يعطيكـ العافيه يابو عبدالرحمن
اسعدني مرورك وما غمرتني به من تعليق
صح الله قلبك
تقديري لك ايها البهي

[حسن عابد]

رائع دائما وفقك الله