لا يزعل الشلهوب

[عوض بن سلمان]

لا يزعل الشلهوب لا يزعل الشلهوب لا يزعل الشلهوب لا يزعل الشلهوب لا يزعل الشلهوب

[POEM="font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]ألايا الله يلي تنصف الطالب من المطلوب=وتعطي كل طالب حقه اللي كان مطلوبه
أقود المعرفه قود الجمل وأحوفها بأسلوب=وكلن في المعاني يعجبه معناه وأسلوبه
يقولون العرب لاندبت ندبه جود المندوب=وهاذي واجبه كلن يجود عاد مندوبه
بعد هاضت هجوسي بانلي في كل صوب دروب=ومن ضاعت خمونه في المعاني ضيع دروبه
ليا قلت الحقيقه كل شي من ربنا مكتوب=يريد اللي يريد ورادته في اللوح مكتوبه
وراعي الحق إلي منه هرج في هرجته مسبوب=وحتي جرته لا جرها في الأرض مسبوبه
ليا منه نطق بالحق ردو الحق بالمقلوب =ليا منه تلبس غترته يقولون مقلوبه
وأنا لوقلت في الملعب ضياقه يزعل الشلهوب=يضايقني بضيقة ملعبه ويرز عرقوبه
وأنا ماهمني ضيقه ولا من ركزة العرقوب =لكن يضيق بالي يوم أشوف النار مشبوبه
وأنا من فضل ربي عشت لا غالب ولا مغلوب =لكن أحس غلبي يوم أشوف الناس مغلوبه
وأنا عقلي دليلي مابكدر صافي المشروب=ومن كدر شراب الناس يتكدر في مشروبه
وأنا معروف ثوبي ماتلبس غير ثوبي ثوب=ومن يلبس ثياب الغير يعرف ويش هو ثوبه
أختمها بذكر الله وذكر محمد المحبوب=نبي خصه الله بالسلام ويغفر ذنوبه[/POEM]

[ABO TURKI]

أهلا بالعم عوض
وصح لسانك

[@ بن سلمان @]

ابو شرف
يقولون المعنى في بطن الشاعر
وانا اقول بطن الشاعر كله معاني
وان شاء الله صدر الشلهوب اوسع من الملعب

[النادر]

المشاركة الأصلية كتبت بواسطة عوض بن سلمان

[poem="font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]وأنا معروف ثوبي ماتلبس غير ثوبي ثوب=ومن يلبس ثياب الغير يعرف ويش هو ثوبه
[/poem]

الخال العزيز / ابا شرف

هذي وحدها قصيده ..... لافض فوك ولا كثر شانؤوك

فعلا افتخر بهذا الابداع

عبدالله بن علي

[ابو عادل]

ياسلام يابوشرف
قصيدة قوية وبيت أجمل من الآخر وبناء متماسك وقد أعجبني جدا هذاالبيت الذي أعتبره
حكمة من رجل حكيم:
وراعي الحق الى منه هرج في هرجته مسبوب=وحتى جرته لاجرها في الأرض مسبوبة

وقد ذكرني بقول الشاعر:
وعين الرضا عن كل عيب كليلة***ولكن عين السخط تبدي المساويا

صح لسانك ياراعي الجزالة.

[بن عواض]

صح لسانك ويعطيك العافية

[أبو عبدالرحمن]

حياك الله يا والدنا ـ أبو شرف ـ

نفخر بتواصلك معنا..ونسعد بقراءة مثل هذه القصائد

صح لسانك.. ولا عدمناك...

[الشيهان]

صح لسانك ياكبير الشعراء

قصيده غايه في الحكمه نابعه من خبره الحياه وتجاربها

ليست بغريبه من ابو شرف هذه الروائع

[abonayf]

صح لسانك ابو شرف

[زهور الريف]

بعد هاضت هجوسي بانلي في كل صوب دروب = ومن ضاعت خمونه في المعاني ضيع دروبـه

جميل جدا ما كتب الشاعر العملاق هنا