بدأت في سوق الاسهم بمبلغ مليون والأن لدي 218 مليون ولله الحمد

[فاعل خير]

بدأت في سوق الاسهم بمبلغ مليون والأن لدي 218 مليون ولله الحمد بدأت في سوق الاسهم بمبلغ مليون والأن لدي 218 مليون ولله الحمد بدأت في سوق الاسهم بمبلغ مليون والأن لدي 218 مليون ولله الحمد بدأت في سوق الاسهم بمبلغ مليون والأن لدي 218 مليون ولله الحمد بدأت في سوق الاسهم بمبلغ مليون والأن لدي 218 مليون ولله الحمد

لله ري العالمين والصلاة والسلام على اشرف الانبيا ء والمرسلين يرزق من عباده من يشاء وبعد

قصتي يا اخوان هذي حقيقية ولا ابي احد ينظلني ولا يصكني بعين صرااحة كان في بداية شهر فبراير معي مليون ريال هي كل اللي معي بعد ما بعت المغسلة والبقاله واستقلت من الشركة اللي انا فيها وصار معي مليون ريال وقلت خلني اطقطق مع العالم في الاسهم

رجت للبنك الفرنسي وسويت محفظة اسهم في 13 \1\2006 ميلادي وقلت يالله نتوكل على الله ودخلت بفلوسي كلها في شركة القصيم الزراعيه وجلست اذارب فيها كل يوم وبعد ..

وفي اواخر فبراير شريت بكل فلوسي القصيم الزراعيه وقلت خلها استثمار لاني صراحه كل يوم اضارب فيها و اشتريها باغلى قلت يا بو حسين خلها الربع يقولون الوعد الف ريال

وصكيت الشاشة وسافرت للديرة وجلست فيها شهرين كل يوم عند واحد من ربعي يوم غدا ويوم عشا ,

عاد هم كل يوم يقولون شفت الاسهم شفت الهبال ونا اقول لهم انا مالي في الاسهم ما ودي ينضلوني وعارف انهم بيقولون شفق القصيم الف رح بع بس اقعد اصرف الموضوع كل ما طرو الاسهم ..

بعد شهرين قلت برجع للرياض وعقب مار جعت ودخلت على الجهاز الا واشوف المحفظه مهيب ذيك اللي فيها ست اصفار صارت اربع اصفار ؟؟ وش السالفه يبو لازم فيه شي

واثاري القصيم وصلت حول 100 والمحفظه حوالي 170 الف ريال وانهبلت قلت والله ما يصير الكلام هذا لازم حل

وجالس اتابع وهي كل يوم تنزل زياده قلت يولد بع بس وانتظر لما توصل سعرها الحقيقي قبل الطلوع اللي هو 23 ريال

وبعت القصيم وجلست انتظر وانتظر والسوق رجع يطلع وكل يوم طالع الى ما وصلت .

وقبل احداث لبنان وانا طالع والسوق قام يطامر ووصل المؤشر 13000 وشوي قلت يولد شكل السوق رجع ادخل ودخلت ب170 الباقي معي

وشريت سابك بسعر 170 تقريبا و عقبها دردب السوق على وجهه وبعتها ب126 وطلعت من السوق بخساره وما بقى معي الا 126 الف ريال

وجلست اتابع السوق وبدا مسلسل معدنية في المطامر ونا اتفرج وقلت يولد لو ني شاريها كان دبلت راس مالي خمس مرات بس اخ يالقهر

وعقبها شقت الاسماك يو وصلت 400 جتني توصية تقول ان الهدف 1000 طبعا انا ما صدقت بس قالي واحد ثقه ان كل الاسهم مع الهامور ولا و بايع ولا سهم بيخليها توصل الف علشان هدف قلت يولد اكيييد قال خذ ما عليك

وطبيت في الاسماك وشريت 313 سهم فيها وياليتني ما شريت وبدا مسلسل النسب فيها ونزلت واخرتها بعتها امس بسعر164

وبكذا صارت قيمة محفظتي 51330 ريال سعودي

واذا حسبناها بالياباني كم يصير يعني معي


51330 * .0001200 = يصير معي تقريبا 218 مليون ين يا باني


منقـــــــــــــول لأخذ العبره والعظه من المطــــــــــــامر

[عثمان الثمالي]

لايكون بالدولار

[فؤاد طرطشلي]

والله حسب واحد من عيال عمي مليونير

فقلت اتسلف

وطلعت ربي كما خلقتني

عموما لاتنس

الكنوز اللي في السد حاول تخرجونها من الكهف مع بعضكم

وبيعوها

بس يا خوفي تتضاربون عليها

[@ بن سلمان @]

فاعل خير
ليتك تبطل مطامر
ولا توهقني معك

[abonayf]

نسأل الله السلامه

من رأى مصيبة غيره هانت عليه مصيبته

دمت بمحفضه مليئه بالريالات

[أبو شنب]

ما نكب السوق إلا أمثالك تستاهل ليش ما تاخذ دورات وتتعلم

ولا تكون عاله على غيرك

ههههههههههههههه

أمزح المعوض كريم

[H Y T H A M]

أنا لو معاي مليون ريال والله ثم والله ثم والله ما أطب السوق ولا أدخله
مليون ريال وش عاد أبغى!!!

[كرم 2005]

من راح الديره انت ولا كاتب الموضوع النقول