هنا المحاورة الشعرية المباشرة بين الشاعر النادر&الشاعر أبو عادل

[abonayf]

بالغ التحيه والاحترام لشاعرينا الكريمين ( النادر ) ( ابو عادل ) ونتمنى مشاهدتهما قريبا مره اخرى .
والى لقاء قريب نستودعكم الله

النادر

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]يامرحبا يامشيلح عد ماهب نود=وعداد من حج واللي فالمساجد سجود
وعداد ماميل الاغصان زهر وورود=والحق مايزعل الا من بقلبه مرض[/POEM]
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامشيلح تقدم دام بالليل ليل = عادة الناس تبدي في مواجيبها
انت ظلع ٍ نحته الماي من كل سيل = لين بانت مع الهجره شناخيبها[/POEM]

ابوعادل

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]دام البقا يابيوت الفكر والمعرفة=عداد مايصرف الصراف من مصرفه
أقولها لك ياعبدالله بلاتكلفة=والحق مايزعل الا من بقلبه مرض[/POEM]
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جيت قلبي دليلي مايبي لي دليل = في حلال الوفا والطيب ياطيبها
الجبل ماتحرك جيل من بعد جيل = لاتعد الحروف الا بترتيبها[/POEM]

النادر

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]دامك على كنز لا لاتصرف الا النفيس=الناس تعـرف تمترهـا وتعـرف تقيـس
اقولـهـا قـبـل تـبــدى لاتـقــرب بـلـيـس=والحق مايزعـل الا مـن بقلبـه مـرض[/POEM]
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يوم اسميك ظلع اقصد ترى انته ثقيل=لاتثـيـقـل زيــــاده ثــــم تــغــدي بــهــا
الجبـل لـو صمـد سيـور جرفـه يمـيـل=والـرسـايـل تـبـيــن مــــن مكاتـيـبـهـا[/POEM]

ابو عادل

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]قابل بوجهك ياعبدالله وعندي علوم=وان كان ماالومك انته من تبينا نلوم
في الموقف اللي حصل لي يمكم ذات يوم=والحق مايزعل الا من بقلبه مرض[/POEM]
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من تعرض دروب الناس همه طويل=بايّ حق العرب تومـي مشاعيبهـا
يوم اعدّي لزومي في كثير وقليـل=ليه تصبح بها عميـا وتمسـي بهـا [/POEM]

النادر

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]ياليـت ابـو عـادل اليـا خمهـا شمهـا=ماكل زهره تجـي يانـاس ريـح امهـا
بعض العرب مشكلتها دوم في كمها=والحق مايزعل الا من بقلبه مرض[/POEM]
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من مشاله بدرب وما احتزاله كفيل=لايـلـوم السـمـا تـرسـل مشاهيبـهـا
مـن لفانـا مطـوح بالشمـاغ ودخيـل=شيـب عيـن ٍ تــدور ذبحـتـه شيبـهـا[/POEM]

ابو عادل

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]ان كان ودك تغطيها وهي بينة=قسيت قلوب من اول يافتى لينة
لاجيت بالهينات ولااقبل الهينة=والحق مايزعل الا اللي بقلبه مرض[/POEM]
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من عطاك الوكالة ماخبرتك وكيل=افسح الدرب والديرة عوى ذيبها
دام فيها شراكة لاتحـط وتشيـل=المساجـد تقدّمهـا محاريبـهـا [/POEM]

النادر

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]الهرجـه اللـي تضايـق خاطـرك بـدهـا=ترى العرب كل ابوها مكر وايضا دها
مــن ســد فـالاولـه فـالاخــره سـدهــا=والحق مايزعل الا مـن بقلبـه مـرض[/POEM]
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من قطع له فيافي كيف يعجزه ميل=لانتهت دورة اسد الغاب تحري بها
كيف يلعب مـدرب بالهجـوم البديـل=ضايعه ضايعه لن كـان مـا اجيبهـا [/POEM]

ابو عادل

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]خلك معي ونتمشى في شعاب الصغير=اللي سعيت لعزازه فالزمان الاخير
الله لايذكر اللي حال دونه بخير=والحق مايزعل الا اللي بقلبه مرض[/POEM]
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لاتسوّي حراسة بعدها نستقيـل=بنية القوم لاتسعـى لتخريبهـا
أول النار يبدا عند خشم الفتيل=واخر النار في القوم وعراقيبها [/POEM]

النادر

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]اللـي احتمـى كـل ظلـع وكــل تلـعـه انــا=وان كان منته مصدق شوف وش عندنا
اضفـت عليكـم بخيـر وعـز وايضـا هـنـا=والحـق مايزعـل الا اللـي بقلبـه مـرض [/POEM]
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لو تسوي السوايا مانته المستحيل=بنيـة القـوم حصـن ٍ فـي مراقيبـهـا
والله اني ماحب اللي يسمى عميـل=بس بعـض الزهـور احـب تهذيبهـا[/POEM]

ابو عادل

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]لاوالله الا تعبنا وانته المستفيد=ولاحسدناك لوتبغاالكلام الوكيد
واليوم شايفك طالع لي بعلم جديد=والحق مايزعل الا اللي فقلبه مرض[/POEM]
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جعل ربي يجمل حال راعي الجميل=لاتردّالظوامـي عـن مشاريبـهـا
مانسبّ الثريـا لوغطاهـا سهيـل=مير هلّـت بماهـا مـن مرازيبهـا [/POEM]