من بطولات الشيخ منقاش ، الحلقه الأولى .

[منقاش]

من بطولات الشيخ منقاش ، الحلقه الأولى . من بطولات الشيخ منقاش ، الحلقه الأولى . من بطولات الشيخ منقاش ، الحلقه الأولى . من بطولات الشيخ منقاش ، الحلقه الأولى . من بطولات الشيخ منقاش ، الحلقه الأولى .

قبل كم سنه جاني كبار جمعية الرفق بالحيوان في بلاد ثماله وقالوا : تكفى يا شيخ منقاش نبغيك تمثلنا في سفره سد البحور , نبعيك تسافر لديار الكواريه وتجلب لنا سر من الاسرار نحسن به فصايل الحمير اللي لها نهيق ولا عاد منها فايده وملت حمى ثماله .
رديت عليهم وقلت : خير ياطير , وليش أخترتم الشيخ منقاش ؟. قالوا : يا منقاش أنت رجال تفهمها وهي طايره , وغيرك توقع على راسه وتاكل من الحشرات اللي معششه في جمجمته وهو فاغر فمه للذبان تدخل وتخرج ما يدري عنها (يقصدون مخاويني وابو أمجد وابو تركي وابن عزاب وباقي الشله), واهمها يا شيخ أنك رجال راعي حمير ولا مثلك أحد بهذا البلد يعرف خيارها واسرارها .
نبغيك الله يبقيك ويطول في عمرك ولا يعدمنا منك تسافر ديرة الكواريه الجنوبين ومعك عكه (سقاء صغير) نملاها لك بدم الحمير, وتغدي بها لهاك الديار حتى تصل عندهم وتطلبهم يفككون أسرارها(جيناتها) ويعدلونها ويطلعون لنا منها فصيله جديده ومحسنه فيها من قوة الثيران وسرعة ورشاقة الخيل وصبر الجمال ولحم نعيميات الشمال ,, وترانا نبي نفرق لك قيمة التذاكر وتكاليف سكنك ومعيشتك ومواصلاتك وكل لوازمك وعليها تطيبة خاطر تسرك, ونبي نرسل معك ترجمان من الكيران (الكواريه) اللي في بلاد ثماله .
قبلت طلبهم وسافرت , ولا هو مهم تعرفون تفاصيل السفر,, المهم تعرفون منقاش في حزة الله الله , وساعة الوقفه و النخوه كيف يتحول الشيخ منقاش لأسد من حمران العيون يفترس كل السباع اللي تقف في دربه , ويساعد كل من ضاقت عليه دنياه والا طرحه حظه العاثر في ورطه ما عرف يخرج منها .
الى عند الوقفه والنخوه والأسد منقاش نتوقف ,,, تابعو معي الحلقه الثانيه حتى تشوفون منقاش يوم يرتكب ألأهوال ويدخل المعامع ويخرج منها كما يوم تخرج الشعره من العجين منتصر وسالم وغانم , وسلامتي أنا واياكم ....