قصيدة جاني وانا وسط ربعي

[ابوعهد]

قصيدة جاني وانا وسط ربعي قصيدة جاني وانا وسط ربعي قصيدة جاني وانا وسط ربعي قصيدة جاني وانا وسط ربعي قصيدة جاني وانا وسط ربعي

جاني وانا في وسط ربعي وناسي " " جاني نشلني مثل مـا ينشـل النـاس
مني نشل روح تشيل المآسي " " تشكي من ايـام الشقـى تشكـي اليـاس
اثر الالم في سكره الموت قاسي " " ماهالني مثلـه وانـا انسـان حســـــــاس
جابوا كفن ابيض مقاسه مقاسي " " ولفوا به الجسم المحنـط مـع الـراس
وشالوني اربع بالنعش ومتواسي " " عليه ومغطى علـى جسمـي البـاس
وصلوا علي وكلهم في مآسي " " ربعي ومعهم نـاس مـن كـل الاجنـاس
ياكيف سوا عقبنا تاج راسي " " وامي الحبيبـه وش سـوى بهـا اليـاس
اسمع صدى صوت يهـز الرواسـي " " قولولهـا لاتلطـم الخـد يانـــــــــــــــاس
قولولها حق وتجرعت كاسـي " " لاتحتـرق كـل يبـي يجـرع الكـــــــاس
اصبحت في قبري ولابه مواسي " " واسمع قريـع نعولهـم يـوم تنــــداس
من يوم قفوا حل موثق لباسي" " صوته رهيـب وخلفـه اثنيـن حـراس
وقف وقال ان كنت يانمر ناسي " " هـاذي هـي اعمالـك تقـدم بكـراس
ومن هول ماشفته وقف شعر راسي " " وانهارت اعصابي ولاارد الانفـاس
ياليتنـي فكـرت قبـل انغماسـي " " بالغفلـه اللـي منتهاهـا للافـلاس
وفزيت من نومي على صوت ناسي " " واصرخ واقول الموت وأحذر الناس

للشاعر المقدم / نمر السحيمي الحربي وبالفعل قد قال هذه القصيده قبل وفاته لأنه رأى في المنام أن منادياً يناديه وأنه ميت فقال هذه القصيده وأودعها في درج مكتبه وعندما توفي .. وعند تفتيش مكتبه وجدوها فيه
رحمه الله رحمة واسعه ... فقد عزى نفسه قبل أن يشيعه المشيعون ..
(الله يرحمه ويرحم جميع أموات المسلمين )