المصلحة

[ابو عادل]

المصلحة المصلحة المصلحة المصلحة المصلحة

[poem="font="Arabic Transparent,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جربت في دنياي صادق وكـــــــــــذاب =وحصّلت في الصحبة مظاهر عجيبة
المصلحة تحكم علاقات الاصحـــــــاب = ويسير تاليها سوالف غريبــــــــــــة
بداية الصحبة تثنّى لك رقـــــــــــــــاب = وتشوف من صاحبك حشمة وهيبـــة
ضحكة عريضة تبدي الضرس والناب = واللي تبي الصاحب يجيبه يجيبــــــه
يعطيك من كل السواليف ماطـــــــــاب = وان كان تزعل قال هذي مصيبــــة
وزانت لك الصحبة وصاحبك جــــذّاب = وان زادت الصحبة تزيد الضـريبـة
تغريك اساليبه وياخذك الاعجـــــــــاب = وتضيق لو في يوم ماتلتقي بـــــــــه
وتقول انا ظني فالا صحاب ماخــــــاب = لي صاحب وقت اللزوم اعتزي بــه
وليا قضى صاحبك بعضات الاطـلاب = ولياك ترمي فالهدف ماتصيبـــــــــه
ان طحت في نشبة من كبار الانشــاب = يروغ في وقت الظروف الصعيـــة
وليا نخيته صك في وجهك البــــاب =ورجعتك من عنده بحسرة وخيبـــة
صاحبك ياالنشمي مراوغ ولعّـــــاب = لفك كما لفّ الورق وسط جيبـــــه
وش حيلتك فالصاحب ان كان نصّــاب= تعيب نفسك أنت والا تعيبــــــــــــه
خلّك تقول الوقت والوقت غصّـــــــاب=يحكم علينا بالرضا والغصيبــــــــة
أعلنت عجزك وانت مفتول الاشنـــاب = وتعيش ساعات الندامة عصيبـــــة
تخيّروا فاصحابكم يااهل الالبـــاب= وتروا يجي فاللحم عظم وتريبــــة
[/poem]