محاورات الابداع

[حسن عابد]

محاورات الابداع محاورات الابداع محاورات الابداع محاورات الابداع محاورات الابداع

د.حمد العصيمي

حلمت بحلم ماأدري وين تفسيره وكيـف القـاه
ولا ادري وين ابلقى من يفسر صادق احلامي

حلمت بذيب كبر الضلع يشرب من ديوس الشاه
وراع الشاه يعطيه اللبن مـن عـام لا عامـي

عبيدالله العرابي

أنا رجال أعبّر وأعتبر والحلم له معناه
على هونك تبا تارد لعدٍ يروي الظامي

لكن الذيب مايرتاح لو إن الحليب افناه
يبي ينقل صوابه ياحمد بيدين الإيتامي

د.حمد العصيمي

انا رجال لامني وردت العد ابشـرب مـاه
وهذي فرصتي ما دامت ان العـد قدامـي

رمو ه العام مير الرمي جاب الذيب ما وداه
ولا ضواه غير البندق اللي في يد الرامـي

عبيدالله العرابي

ألا ياحضرة الدكتور ذرّع وإرفع المحجـاه
انا محتاجها لوّ الرصاص الحيّ في حزامـي

رماه الخايف اللي حدنا حتـى نجيـب دواه
أحد يجرح وأحد يسرح يداوي جرحه الدامي

د. حمد العصيمي

تقدم يا عبيـد الله وجـره باذنـه وعطنـاه
وانا بشري لك البندق واجيب الميسم الحامي

مقيط العام روّح والسنه هذي لحقـه رشـاه
وهذي سابقه في صفحة التاريخ الاسلامـي

عبيدالله العرابي

وصلك الذيب عطه اللي معك غيرك قطع وأعطاه
وبندقك ورصاصك حلم وأضغاث من الأحلامـي

لياشفت الجراد المنتشر حتـى الغصـن يلحـاه
يجـي بعـده زمـانٍ يطلـع الأوراق والنامـي

د. حمد العصيمي

عطاك اللي تقوله نسمعـه لكـن مـا شفنـاه
وش اعطيته عسى ما اعطيته القبه والاهرامي

ليا صار اكثر العالم ترك دينـه لاجـل دنيـاه
يبا يبدي لها مجنـون لا صلـى ولا صامـي

عبيدالله العرابي

أنامدري لو إن الذيب نصف من العرب يقناه
وتجمعها وتقسمها وتحذف بعض الأرقامـي

خذ الدنيا بحيله خيط ثوبك ياحمـد وإرفـاه
ترى غيرك عرب متلبسه بقصار الأكمامـي

د.حمد العصيمي

انا ماني بمنهم وانت مدري عنك يا الحرباه
اظنك تالي الايـام مـن عبـاد الأصنامـي

اباخذها بحيله وانت ما تدري يا شاهن شاه
ياشاهن شاه اظنك لاحقنٍ تمثال صدامـي

عبيدالله العرابي

ألايا صاحبٍ يسراه تاكـل مـن ورى يمنـاه
ونصفه ممتلي والنصف الآخر جلد وعظامـي

أنا حاسب حساب الدرب وأدري بأوله وأقصاه
وليتك يالعصيمي كـان ماعنيـت الأقدامـي