خــذهــا نـصـيـحـــه

[عوض بن سلمان]

خــذهــا نـصـيـحـــه خــذهــا نـصـيـحـــه خــذهــا نـصـيـحـــه خــذهــا نـصـيـحـــه خــذهــا نـصـيـحـــه

يا بو فهـد مدري وش الحـظ الأقـشـر

الحـظ معنـا شايـفـه فيـه تقشـيـر

من طـول ما لـه فالمخـازن تقـشّــر

رايـح مع أطرافـه سوات المناشـيـر

يا بو فهـد جعلـك معافـى من الشــر

ما عاد ندري وين سايـر بك السـيـر

حافـظ على روحـك قبل لا تـدهـــور

الأرض قـدامـك تراهـا حـواديــر

اقــرأ كـتــاب الله وهلـل وكـبّــر

وابعـد عن الشيشـه على قل تقـديـر

ما قربهـا إلا الشـر والمـوت الأحـمـر

كم واحـدٍ من شربهـا ما لحـق خيـر

واصـبر علـى قبـح الزمـان وتصبّــر

هـاذي نصيحـه يا جمل قبلك البـيـر

في ما مضى يا بو فهـد صـف عسكــر

واندبـر أنفسنـا على حسـن تدبـيـر

والـيـوم باطـرمـه وبـابٍ مسـكّــر

وثياب صـوف معلقـه في المساميـر

وبيوتـنـا في البـر راحـت مهـجّــر

ومولـده فيهـا الخطاطيـف والفـيـر

والكـل منـا راح وأقـفـى وعـــذّر

ما ينفـع المعـذار عقـب المخاسـيـر

مـر الزمـان وهكّب الضـوء الأخضـر

والحيـل فاتـر والمطايـا مقاصـيـر