هنا الحرب على منقاش

[بن داخل]

ياجماعة خير ارحمو عزيز قوم ذل
منقاش ماهو قد هذي الغلبة
اليوم لقيت ذلاله ووايقت شن وشنين
ويوم بديت وانا اشوف الله يكرمكم
لبوس معلقة في طرف شثة
قلت الله يستر الوقت اقشر لايكون فيه جريمة
واعود آخذ النيمس واغزى أغزى ويوم وايقت
ولين هاك الادمي اللي اجرد ويتقلب
في ممرعة طرف شن ولين الحمار اللي يرعى
واعود اقعدشوية
ولين الادمي كنه ماهو صاحي معه بندق كشكولة
معلقها في رقبة الحمار
والرجال ماتبي منه شي ماينشاف فيه متروب وجهه وقفاه
وامد البندق من على حجر حايل بينه و بين حماره
واصعق فيه ولياه يوم قام يرتقف انا داخل على الله قلت له
ياولد انت من وش بك قال انت يابن داخل ماتعرفني
انا دخيلك ولياه مغرق نفسه قلت وش بك ياالهابي
قال بي اللي مسوينه فيه لي ليلتين ماارقد كل ماوايقت جبل
وشفت لي زيلة قلت اشهد ان لاإله الا الله وانا قاصد
الله ثم حدادتنا الثبته ابي ادخل عليهم
قلت تعوذ من بليس الامر هين والمكنسة بسيطة
ردها على راعيها ويادار مادخلك شر
قال المصيبة ان المكنسة نسيته عند الحمار وهبطت
آخذ مقاضي مع بن عزاب الله لا يربحه
وقعد يتصوطر عليه ويدور بي من شارع فشارع
اثر الرجال شاف فجيبي عشرين ريال يبي لين اجوع
ويقول غدنا المهم ماردني لين اكل قروشي عسى
مااكله من قروشي سم يدسعه
ويوم ردني والحمار اكل المكنسة من الجوع ولا قعد
الا العصا حقتها عودت اخذتها اتعكز عليها
واجي من جنب بيت ابو عادل ولا موايق عليه
هاك الكلب اللي يقطع الحيل ومن الفجعة العطه
بها ويروغ الكلب ولا توقع الا فحدت بيته اللي
عامره من حجارة الديرة اللي لين ذحين مانشدناه
عنها وليا العصا كسرتين أعود اصعق ويوايق
عليه ابو عادل الله اليوم لايضيفه (الكلام لمنقاش )
ويصعق على كلبه ويمرقني ويلزم كلبه ويربطه واعود
الحق غنمي وراحت المكنسة والعصا وانا ماعاد اصطى
اطب السوق بعد شغول بن عزاب فيه وقروشي فكرش
بن عزاب ومن وين تبيني ارد المكنسة عودت هديت
على الرجال وامرقته في صنادق حامد وحدرت جبت له
مويه قلت تنضف وغسل ثيابك وبيته فالصندقة حقت غنم
حامد وجيتكم هابط
انماهو يابو تركي طالبينك هذي المرة والمكنسة يفرقونها
السواعدة لك

طالبينك قول تم 0000000