هذاك وقت وفات

[سنا الهجرة]

هذاك وقت وفات هذاك وقت وفات هذاك وقت وفات هذاك وقت وفات هذاك وقت وفات

هذاك وقت وفات

[poem="font="Arial,5,black,bold,normal" bkcolor="transparent" bkimage="images/backgrounds/5.gif" border="groove,2,firebrick" type=2 line=0 align=center use=ex num="0,black""]جرح الزمن ... وان ماحصل مايداويه=لو هو بقلب(ن) يكظم الغيظ هده
والعاشق اطرا قلب ... والهجر يعميه=وش عاد لو هجره من اللي يوده
وانا وجدت اعراض ماني بقاويه=قلبي لقى منهو للاعراض حده
حاميه لو ماهو بحسبة حراميه=ما قلت باب ... وواجب انا نسده
وان قدم اسباب العذر... قلت بعد ايه=وينك ... وانا صدري لهمك مخده
وينك وانا اضما وصل واسقيك من فيه=زمان وانا غايتي منك ... لده
وان ضقت اداري خاطرك حيل اداريه=واعيش لك وقتك بهزله وجده
ياما نصحتك والثمر في نواميه=هذا أنت دايم ... ما بنيته تهده
ما قلت لك( إغنم من الوقت باقيه)=ما قلت( ما بعد الرخا غير شده)
ماقلت لك(يوم السعد لا تخليه)=وراك ما تاخذ (من الطيب حده)
عصيت شوري ليه؟.. ماطعتني ليه؟=منته ببياع الخرز ..... لا تعده
يقبل عليك الحظ.. ما قلت لبيه=حظك يجي لاحد بابك!!! ترده ؟
ما علموك(الوقت محد يخاويه)=الوقت يخدع لو يجي منه مده
تبيني اتحمل عنادك... واقاسيه=وانا ادري انك ما بقي فيك شده
هذاك وقت وفات وش ترتجي فيه=ما فات مات. وكيف لك تسترده
ما يرجع اللي مات... لو مت تبكيه=أفهم وخلي النفس له مستعده
هذا العناد وهاك .. هذي مساويه=يطوي بحبل الوصل... مهما تمده
مالي على حمل العناد وبلاويه=بالذات لو روح الزمن مستبده
اليوم ما في خاطري ودي احكيه=ماقالوا (اللي تستحي منه بده)
صحيح من لا يعرف الصقر يشويه=والصقر يا تشويه ... والا تهده
لا تحسب ان اللي حصل منك ناسيه=ما غير اداري شي ما باح سده
شفت اللي من مبطي علينا مسويه=حانت لي الفرصه على شان ارده
هذا قراري وأنت ملزم بما فيه=عليك تنفيذه .... بحكم الموده
وهذي رحاة الوقت ياااااهيه ياااهيه=دارت وانا ياويل من صرت ضده
عارف قدم رجلي وعارف مواطيه=ماحب اقف في موقف(ن) ماني بقده
خط(ن) رسمته (وابن أمك) تعديه=مثلك يبي من يوقفه عند حده
[/poem]