أبغي رايكم في مشكلة الفاس والراس ؟؟(الجلسه ألثالثه).

[سنا الهجرة]

الله عليك يا مخاوي منقاش
أثاريك منت بهين

وأنا أقول وش أسباب هذا الغلاء الفاحش اللي تفحش في ديارنا فجأة
أمس بعد صلاة الفجر قلت لوغداني بصلي الفجر واجب لكم الفطور قبل ما أروح للدوام.
ها ثم يوم اني جيت لمحل التميس الا .. الله لا يوريك طابور وش طوله وش عرضه
الصراحة اني استغربت وبغى يجيني صدمه وهميت أني ارجع في كلامي وقاعد اتمتم بكلام اتوقع ان من حولي سمعه وأقول وأردد .. يا عرب وش سبب هذي الزحمة .. اللهم اجعله خير
وقلت في بالي يمكن الحريم مسوين اضراب عن الخبازه في البيوت والا بعد رمضان أخذوا إجازو شهر شوال من كثر ما كرفوا في المطابخ في رمضان الكريم
والا في أسوأ الحالات يمكن والعلم عند الله إن الشعير انقطع من السوق وعودوا أصحاب الحلال يعطونها حنطة بداله الشعير المرشوش بخفان ومبيدات متعددة الاشكال والأغراض.

ولا جا ببالي إن فيه ناس تجمَّع في التميس وتخزنه لليوم الأسود اللي يتوقع الشيخ منقاش لكن الحين بعد ما عرف السبب بطل العجب