مجالس الصائمين

[سنا الهجرة]

رد : مجالس الصائمين رد : مجالس الصائمين رد : مجالس الصائمين رد : مجالس الصائمين رد : مجالس الصائمين

عاد أنا ما دريت عن مجالس الصايمين الا الليله
وجيتكم طاير ومشارك كــ شاعر بهذي القصيدة والله يستر

[POEM="font="Simplified Arabic,4,black,bold,normal"
bkcolor="transparent" bkimage="" border="groove,8,teal" type=2 line=0 align=center use=ex num="0,black""]أثر الغلا ماهو غلا المعز والضان=أثره تعداها وروح بعيدي
صار الغلا مكتوب بالبنط عنوان=لازق كما لو كان طابع بريدي
راح المواطن ياعرب في خبر كان=مافيه شي الا وسعره يزيدي
حتى ولو زادوا لنا الدخل ضعفان=يزودن اضعافها فالحديدي
ما زادت الاسعار الا على شان=ترجع اللي تأخذه من جديدي
ترجع اللي خذت راضي وغضبان=وكل عام وأنت عيدك سعيدي
وفوق هذي جاتنا بين الاعيان=ضربة معلم لو مداها بعيدي
من سوق الاسهم طعنة الموت يفلان=لا عاش صاحبها ولا هو شهيدي
بين الرجا والياس حاير وندمان=ضايع ولو رايه من أول سديدي
هذا الحدث تخطيط مجرم وشيطان=حسود مايبغى البشر تستفيدي
رش العسل بالسم والارض بركان=حتى تجي الضربه على ما يريدي
مكر وخداع وغدر... أشكال والوان=وان جا مجال يزيد رايح يزيدي
واللي زعل يشرب من البحر وان كان=باقي زعل يشرب منه من جديدي
تخطيطهم تطلع من السوق خسران=تخطيطهم ... تحيا حياة العبيدي
جيبك يعذبهم إذا كان مليان=لا يمتلي جيبك وخذ ما تريدي
بالله ماهو غبن بالله ياخوان=الا قهر واعلن بها في قصيدي
ماضن هذا اللي حصل يرضي إنسان=الا خبيث النفس والا حسودي
ماهمني من كان قادر وشبعان=واللي صغير السن واللي (نديدي)
ماهمني الا من قضى العمر طفران=وبعد زانت... يقطعون الوريدي[/POEM]