آخر النقاش مع منقاش

[منقاش]

أخويه ورفيقي ابن همام : السلام عليكم ورحمة الله وبركاته , وأسعد الله مساك وكل أوقاتك , وبعد :
مشكور على ردك على ابو نقشه , وعلى دفاعك عن وجهة نظرك اللي تظنها صحيحه (وانتبه ترى العباره الأخيره ملغومه) , هذا أولا .
وثانيا : ابن ابي محمد يسلم عليك ويقول أنه عاجز أنه يجيب أي جني جديد غير الجن اللي جبتها ويطلبك تعذره ولا تحرجه .
ثالثا : لاحظت أنك أخفقت أخفاقه جديده , وهي أنك ذكرتني بأسمي زملطي بدون القابي وقلت منقاش , وارجوك أن ما قدرت تجيبها كلها على ألأقل تكرم بواحد منها مثل الشريف والا غيره لأن هذي الألقاب أكيد بها ناس من خصومي في منتدى الأستراحه مثل عدوي اللدود مخاوي منقاش .
رابعا : ورد في ردك عبارة : (يصول بيدٍ جذاء , ولا يصبر على طخية عمياء ) وانا لا أعرف معناها .
خامسا : أنا متابع مهتم للي كتبته واللي تبي تكتبه , وغالبا أنه ما بقي عندي شي أقوله , غير شكري لك , ورجايه منك أنك تستمر في الكتابه عن المواضيع الثانيه اللي وعدتنا تكتب عنها مثل الصحابه الثملان واي مواضيع ثانيه تثري بها منتدى ربعك .
أما تطويلي للحلقات فهو مكيده دبرتها بليل , وغرضي منها أعطلك عن الرد حتى تبدا الدراسه ويبدا الدوام ويتشتت جهدك ووقتك , وتفقد بعض تركيزك , والظاهر أن الخطه نجحت والدليل هو الأنشغال اللي ذكرته , وسلامتك .