اني ابو نقشه

[منقاش]

رفيقي الدكتور مشعان : ملاحظتك في مكانها , ورايح أحسب حسابها مستقبلا , والحقيقه أني كنت أحرص على أخذ منظر عام حتى تظهر فيه الشجيرات والأشجار بأحجامها الطبيعيه , واعطي تصور عام عن المكان , ثم آخذ صور مقربه قدر ألأمكان ختى توضح شكل النبته وزهرها وورقها وثمرها .
لكن أغلب الصور اللي أخذتها عن قرب طلعت ماهي واضحه , والسبب أن المصور يجهل أستخدام الكمره اللي صور بها وتعود لواحد من عياله , ومن ألأمور اللي أشكلت على المصور أنه أذا حط الشمس خلفه وصور النبته أو الشجره وضوء الشمس عليها تطلع الصوره ماهي واضحه , وأكيد أن العيب ماهو في الكمره وأنما في المصور , تعرف تكنلوجيا سابقتنا ونحنا نطرد وراها .
والصور اللي شفتوها قريبه وواضحه قربناها على الكمبيوتر من صوره أبعد , وعلى كل حال رايح أحاول بعد العيد أصور بكمرة فديو وأنزلها على الموقع أن شاء الله على هيئة صور كمره ربما تكون أفضل .
صور اليوم ألأول صورتها لكم من وادي أبو حامد / دخيل الله بن محمد علي الثمالي في الخبيثاء ببلاد ثماله , وصور الدفعه ألأخيره صورتها من السد والعفوه من وادي ابو خالد / محمد بن جمعان الثمالي ووادي أبو عايش / سالم بن عايد الثمالي ببلاد ثماله , والأثنين جيران في البلاد والدور وأملاكهم متجاوره ومختلطه .
بخصوص عدم الترقيم , هذا مسئولية أبو عبدالرحمن , وأن كان فيه تقصير فالسبب منه ولا هو من غيره , وياكم قلت لكم خلونا نشلح الرجل من الشرافه ونحط مكانه رويعي الغنم , لكنكم ما أصغيتوا لنصحي وحطيتم في أذن طينه وفي الثانيه عجينه , وهذي آخرتها معه يترك شغله في المنتدى ويسوي نفسه حوتجي وصياد قروش (سمك) ويروح يتملط على البحر الأحمر.
رفيقي ابو عبدالرحمن : نعم , ما فيه صوره ألا ولها مكان ومناسبه مستقبلا , واللي ما ينفع في الناحيه التعليميه يبقى في أرشيف الصور وتجي الحاجه له في يوم من ألأيام , أما رويعي الكلاب فلا تدور عنده معرفه في فن التصوير وخليه يريح ويستريح ويقعد في مزبانه الله يستر علينا وعليه.
أما الرقم فهو مقصود , حتى أدخل به الرعب في قلوب المنافسين , وتعرف الحرب النفسيه مطلوبه في مثل هالمواطن .
والصور حلالك يبو عبدالرحمن سوي بها كما تشاء , المهم أننا نفيد غيرنا ونوصل بها رسالة معرفه لمن يحتاجها .