حملة ابو عهد الثالثه للمليون رد

[ابوعهد]

وتاليها مع قلبك؟ انا ناقص وجع وجدان!!
دخيلك فضي السيره... تعبت انزف معاناتي

تعالي ننهي الماضي ... وخليناا نكون اخوان
ابفتح صفحة العاشق... واعيد احسب حساباتي

انا المذنب وانا المخطي وانا الاااااسف وانا الغلطان
ويا ليتك يا الزمن ترجع ... واكفر عن خطيئاتي

وانا الجاني وانا المجرم وانا الغادر وانا الخوان
وانا اكبر شخص شافك حديقه في مساحاتي

ما عاد اقوى على الظلمه ولا اقدر على الكتمان
احس انك خنقتيني !! وجت ساعة نهاياتي

يا وجه الله يا وجه الله .... يا وجه الله بشر!! انسان!!
على بالك حجر جامد ؟؟ ...... اجل وشهي كتاباتي؟

نسيتي ساعة اللقيا ؟ نسيتي لمة الاحضان!
نسيتي وشكثر كنتي ... تموتي في لقاءاتي !


نسيتي دفتر اشعاري... نسيتي اعذب القيفان !
نسيتي كل قلم يكتب ... قصايد من عذاباتي !

نسيتي من عجف شعرك... جدايل كنها شرطان !
وزينتك وبخرتك وقلت امرك يا مولاتي

تغيرتي ولاعدتي ... مثل اول زهر عطشان
وحناني للأسف كنه ... بقايا من خرافاتي

اقول بخاطري يمكن ... تغير عندها العنوان
يا شيخ اسكت متى تفهم! صحيح اني وهم ذاتي

وش الحيله اذا فكر... قتيلك يهجر الأوطان
طلبتك زيدي الطعنه ... ابي اشعر بنوباتي



يا من تقدر تعوضني ... عن الضيقه وعن الاحزان
بشرط اني انا الكوكب وهي ابعد مجراتي