هذا ما دار اليوم في مدرستنا

[ABO TURKI]

المشاركة الأصلية كتبت بواسطة @ بن سلمان @

أبا تركي
الله لا يمسيك إلا بالخير
تبي العلم يابن عمي قرب مني وأجلس
ما عليك من التأمين ومن التطمين
بكرة ليا وقعت في دفتر الحضور خذ مدير المدرسة على جنب وقول له هي مسؤليتنا وإحنا قدها وقدود وخلنا من الوزارتين ومن استعداداتها
باقي اسبوع على طلابكم في المرحلة الابتدائية وهذا كافي لكم
اللي أعرف إن ايرادات مقاصف المدرسة تكون للمدرسة بمعنى يمكن استغلاله في بناء غرفة في فناء المدرسة أو سطحها وتجهيزها بمستلزمات الوقاية ( ثلاجة وفيها قوالب ثلج وخافض حرارة ومعقمات و... )
وإن كان مافيه إيراد من المقصف الحل في إن قبولكم للطلاب المستجدين من الاسبوع القادم
يعني إذا كان استيعاب المستجدين 4 فصول خلوا القبول لثلاثة فصول أو أضغطوا الفصول بالطلاب شوي وفرغوا لكم فصل وجهزوه لو من جيوبكم الخاصة
في مثل هذه المواقف تظهر الأعمال البطولية للأفراد والجماعة وخلوا الوزارتين يرمون المسؤليات على بعض

أعلم أنها حميتك لرسالة المعلم وفقك الله

الله لا يمسيك الا بالنور يا بن سلمان

شوف وانا ولد عمك كلامك جميل وحلو لكن لو قدموا السبت كان لقوا الاحد لكن ماعندك احد اذا عطونا حقوقنا اول يبشرون بعزهم ماني مكلف اصرف على الدولة وبعدين والله لو تسوي النون وما يعلمون ما احد درى عنك خصوصا في وزارتنا المبرجلة وأقدر أحلف ان ما فيه معلم في المملكة راضي على وزارة التربية والتعليم ويوم جاء اللي بيضبط الأمور وبيعطي الناس حقوقها راح في غمضة عين الوزير السابق العبيد الله يذكره بالخير