سجل حضورك ببيت من شعر******

[ماندم من سكت]

[POEM="type=2 color=#660066 font="bold small Arial, Helvetica, sans-serif""]قفلت باب العلاقات الغراميّـه
وغيّرت طابع قناعاتي / ومبداها ..




وفرغت فكر ٍ حوى حاجات وهميّـه
أعيشها صدق وإن دوّرت !! ملقاها ..




حاجات فـ الظاهر / تفوق المثاليّـه
وإن غصت فـ أعماقها تكشف خفاياها ..




تكشف بـ إن الخباثه / والأنانيّـه
ولـ الاسف تعتبر أبرز مزاياها ..




أسف لأني أحب بـ كل عفويّـه
غلطة عمر / واجب اني اتفاداها ..




يالله حصّني وإبعد عني السيّـه
وأعفو لـ نفسي اذا الشيطان / أغواها ..




وإلهمني من قدرتك قوّه خياليّـه
عشان أقوى لـ ناس ٍ قبل مقواها ..




إن غبت تغتابني وتبيّت النيّـه
وإن جيتها بـ التراب أسكر / أفواها ..




رخوم وأنذال مع شلة حراميّـه
مرور " إسمي " يأثر في خلاياها ..




لا سولف الناس عن مغلي وغاليّـه
تمر ذكرى قديمه / وأتحّفاها ..




يضيق صدري هلع لامر طاريّـه
وتضحك عيوني لـ غلاه وينتثر ماها ..




خصمين ؟ لكن بدون أيّة كراهيّـه
هي إتمّناني / وأنا آتمناها ..




نتوق نرجع مثل أول هواويّـه
" وشموخ نفس ٍ " يمنعني / وينهاها ..




ياكم طاحت دموعي اللا .. إراديّـه
على وجيه ٍ عجزت أحاول / أنساها ..




وياكم رسم لي الأمل أحلام ورديّـه
ويعاند الحظ !! من قِردي ويمحاها ..




وياكم قلبي / تنازل عن أمانيّـه
حاجات يعشقها فعلا ً بس / خلاّها ..




جروحي أكبر من انها تكون سطحيّـه
لعب عليها الزمان إلين / أدماها ..




من باب تقدير ومن باب الحياديّـه
شكرا ً / لكل من بذل جهده وواساها ..[/POEM]