ممنوع الردود

[حسن عابد]

صياف :





جانا ببرنامج حياة البادية شاعـر جديـد
يامرحبا باللي على عز وشرف سار قدمه
يالعازمي ليلٍ رمابك في يدينا ليـل عيـد
لكن اظن الذيب تال الليل يفتح لك فمـه






فقال حبيب:






ماجاكـم الا خصمكـم والله يدبـر مايريـد
دام البقاء والحق يقضي فيه قاض المحكمـه
انا حسبت احساب وقتي من قريب ومن بعيد
وليا لقيت الذيب اسمي باسم ربي وارجمـه







صياف:







حنا رجال ولا يخوفنا التهدد والوعيـد
من لايعرف العلم.. بالعلم الحديث نعلمه
تراك لا ذلحين ماعلمت بالعلم الاكيـد
اقلط على سبع الخلا يلزمك والا تلزمه





حبيب:







انتـم رجـال وكـل رجـال يفيـد ويستفيـد
محـدٍ يعلـم عالـم يقـرا ويكتـب بقلـمـه
ماخاف من سبع الخلاء وانا معي سيف حديـد
واللي يجي من تحت حد السيف الابيض يقسمه






صياف:






ياكثر ماتزرع وتحصد مار مادري وش تصيد
لاحضروا الكتاب طلع علمك اللـي تزعمـه
ياكبر حظك لو حضرت العيد واليوم السعيـد
لكن حظك لو بنى لك بيـت بكـره يهدمـه







حبيب:






انته تجاهلت الرسايل عقب جاتك فالبريـد
وليا دخلنا المعركه مـن تقـدره لاترحمـه
ياكبر حظي وانت حظك قام ينقص مايزيـد
وليا فتحت العين ابكحل نون عينك و الطمه