ان طش عقد اللول

[سنا الهجرة]

رد: ان طش عقد اللول رد: ان طش عقد اللول رد: ان طش عقد اللول رد: ان طش عقد اللول رد: ان طش عقد اللول

المشاركة الأصلية كتبت بواسطة ابو عادل

[poem="font="Simplified Arabic,5,darkblue,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black""]
سلام من فيض المشاعر عدّ حبّات الرمال=ياساحة الفكر الأصيل بمستواه ومنبعه
قامت ركونه واستوى بنيه على حب الوصال=واقلّ مايمكن يقال انه يحقّق منفعة
كبر المقام ومثّل اصحابه وفيه احسن مقال=بحر من انتاج الفكر كلّه بواخر واشرعة
أوشك يصير ارفع مكان من الثريّا والهلال=لولا ظروف الوقت في بعض المراحل تصفعه
كان الهدف سامي مهو ضربٍ من ضروب الخيال=واصل مسيره والهوا بين الهدو والزوبعة
قاوم عواصف لو على غيره تهدّ الها جبال=يوم الكرام تجيه من كلّ الدّير ماتقطعه
اليد مع اليد رحمة وعزم الرجال اكبر مثال=واللي يغوص البحر واللي مايغوصه يشرعه
عشتوا وعاش اللي بنيتوا له شواهد لاتزال=والبيت من ساسه وبيت الشعر سرّه مطلعه
بعد وصلتوا ماوصلتوا فكروا في كل حال=ان طشّ عقد اللول يبطي مالقي من يجمعه
السالفة ياربعنا ماهي معارك واقتتال=اللي يفيد يفيد والاّ لايغثّ اللي معه
واللي يريس يسوس ماهو لو يميل البيت مال=من يحسب حساب العواقب عاش ماعضّ اصبعه
أهم شي تناصحوا واللي ليا حصّل ريال=لايصرفه فيما يضرّ ه قبل ماهو ينفعه
اصحوا لها يااهل الفكر لاتغفلون الاعتزال=كم راحلٍ ولّى وكم واحد يلمّ الأمتعة
القصد أناقشكم واشارك لويقال اللي يقال=وش يوجب الضيقة عليكم وامر ربي من سعة
وابيات شعري ماوعاها الاّ الفهيم من الرجال=اللي يعرف انّي على مبدا ولاني إمّعة
والباخرة في مجمع البحرين مافيها جدال=يامااقرب المرسا على الشاطي وكشف الأقنعة
[/poem]

الله الله الله ..
على هذا الجمال والرسم المتقن
وش أقول ووش أخلي .. يابو عادل
حكم مغلفه في درر .. ونصح عاقل .. يزن الامور بالعقل والمنطق
ولفته كريمة وجميلة لتكريم المعتزلين ..

صح لساااااانك ملايين ولا يكفون أيها المبدع الرائع

[ابو عادل]

المشاركة الأصلية كتبت بواسطة سنا الهجرة

الله الله الله ..
على هذا الجمال والرسم المتقن
وش أقول ووش أخلي .. يابو عادل
حكم مغلفه في درر .. ونصح عاقل .. يزن الامور بالعقل والمنطق
ولفته كريمة وجميلة لتكريم المعتزلين ..

صح لساااااانك ملايين ولا يكفون أيها المبدع الرائع

هلا ياسنا الهجرة
أنت أكبر من النصح فأنت قدوة وإن كنت ناصحاً لأحدٍ فستكون نصيحتي
الاقتداء بك
بارك الله فيك ولك مني الشكر الجزيل.