سجل حضورك ببيت من شعر******

[صقر الحجاز]

صاحوا تناخوا دوروا بي عذاريب
تجمعوا ليلـة وزا سولفـوا بـي
اثري مسوي بالقلوب الاعاجيـب
وانا مثل وجه السما نقش ثوبـي
انا وسيع بطان راهـي مطاليـب
ما اضيق لو شانت نوايا ادروبـي
ارد واصدر واخذ العلـم واجيـب
ماني علي طرش الرعاع امحسوبي
بردت كبدي من قراح المشاريـب
دوبي رويت من الشهاليـل دوبـي
خليت للحاسد طشاش وحثاريـب
يتـوب والا قلعـتـه لا يتـوبـي
شعري زها بجباه بيض المكاسيب
شعري علي طرياه هبـت هبوبـي
شعري رسايل عيد طيب علي طيب
عطر الشمال وهفهفات الجنوبـي
شعري وسايد مترفـات رعابيـب
شعري لوى تلعات الارقاب صوبي
شعري شهد له طيبين المجاذيـب
وش عاد لو سود النوايا حكوبـي
لو كان مالي غيرها من مكاسيـب
ما ابغي شهادة ميتيـن القلوبـي